عروس متوهقه

**منى السويدي** · 2012-11-08, 16:26

السلام عليكم ورحمة الله وبركاته

بنات اختي الكبيرة بتعرس ونحن بنات مانعرف محلات اللي نحتاجها فاللي تعرف محلات في ابوظبي او دبي او الشارجه تخبرني

محلات قمصان النوم اتمنى ماتكون اسعارها غاليه وايد

البيجامات

العبي

الخاوير والمغربيات وتكون اوكي وشغلها روعه

البدل والبناطلين وهالسوالف من اي المحلات ناخذها

ومشكورين وايد

المزيد من آخر المواضيع من نفس القسم:

**::ButterFly::** · 2012-11-08, 17:08

من غير المحلات اللي فالسناتر..

خصصو يوم حق القرية العالمية... وسيرو اطالعو أكيد بتحصلون أشيا حلوه وأسعارهم معقوله....

بس يقولون شي محلات مافتحت.. اتريو فتره وعقب سيرو عشان بالمره اتحصلون كل المحلات فاتحه

**mawasim** · 2012-11-08, 19:11

اختي عليكم بالقريه العالمية
انا شفت اشياء روعه
القريه المغربيه حق الكنادير المغربيه (وايد روعه)
الاماراتية حق الدخون و العطور و حتى فرصتي
الملابس الانجري و ملابس النوم افضل المراكزفي محلات في البستان وايد اوكي
التركيه فيها اكسسوارات و مفارش حلوه حق معاريس
المخاوير عندج فريج المرر
العبي (في فالقرية اشياء حلوه في قطر و الكويت)و عندج المواطنات حق العبي الخاصة حق الاعراس و الحفلات و عندج بو هيل عندهم اشياء حلوة و مرتبه
شنط للاعراس و المناسبات في فالقرية الاماراتية و الهنديه
يعني لفة يبالكم ....

**رشة عطر11** · 2012-11-08, 19:48

باختصاار القريه العالميه فيهااااااا كل شي .. وما قصروا الخوااات

**الامل88** · 2012-11-08, 21:56

حبيبتي اولا مبررررررررررررررررررررررررررررروووك لاختك وعقبالك
وانتي من وين ؟
اذا كنتي من بوظبي باخبرك على محل على الخاص انا اخيط عنده للمخاوير
واعرف محلات روعه للمغربي
ردي على على الخاص

**زم_قمر_ان** · 2012-11-08, 23:45

ربي يتمم لهاا على خير

خليهاا تنتظر المحلات بيسوون تنزيلات قريب

لازم تمر تاخذ الى تحتاجه

**dxbaii** · 2012-11-08, 23:52

مبرووووووك

**عروس دبي 20** · 2012-11-09, 00:27

اول شي الله يتمم لها على خير ان شاء الله

نصيحه خليها تنوع بقمصان النوم لا تشتري كله غالي ولا كله رخييص ونفس الشي في البجايم عندج مصانع عيمان فيها بجايم وقمصان نوم شوي ارخص من المحلات ... ونفس الشي للخوار القطع الغاليه خليها اتسويهم في فريج المرر يعني الجلابيات الكـشخه .. اما العاديات الخفاف حق البيت خليها اتسويهم في العين نسيت اسمهم الخيايط اللي هناك بس ان شـاء الله بنات العين ما بيقصرون بيخبروونج .. وعلى فكره شغلهم حلو مب مال اي كلام ..... والتنانير وهال السوالف من المحلات العاديه ... انتبهوا يوم اتسيروون القريه ترى الاسعار نار كلهم رافعين اسعارهم ,,, يعني لو عرس اختج مطول بعده انصحج اتاخريين روحتج للقريه اما اذا مستعيليين حاولوا اتكاسرون وايد ولا يعرفون انها عروس ولا تتمشون باكيااس وااايد

وبالتوفييق ان شاء الله

**Latifa BF** · 2012-11-09, 01:43

مخاوير ومغربيات عندج العين وين المويجعي شغلهم حلو اسعارهم ارخص ويمدحون الشارجه بس ما اعرف وين بالضبط

**mona yousef** · 2012-11-10, 00:55

مووووفقة

**عود منثور** · 2012-11-10, 03:27

فالشارقه فالسوق المركزي قمصان نوم وجلابيات باسعار رخيصه ونوعيات حلوة

**كشيخه بوظبي** · 2012-11-10, 11:48

اب اب

**wedad2** · 2012-11-10, 13:09

موفقة

**نادية ال علي** · 2012-11-11, 11:09

موفقــة الغــلا

**منى السويدي** · 2012-11-15, 19:33

شكرا بنات

الموضوع: عروس متوهقه

أدوات الموضوع

عرض