نزلت ماي الراس و

[smo0oy]

السلام عليكم خواتي أنا باجي لي كمن يوم وبدخل التاسع اليوم عزكم الله حسيت ماي نزل علي ومب قادره ايود عمري سرت المستشفى وقالتلي الدكتورة يمكن ماي الراس نازله بس ما فيني ويع وكشفت علي وقالت النفس مفتوح 2 سانتي وطلعتني من المستشفى قالت لي الدكتورة انتي ما فيج ويع ما أقدر اسويلج شيء روحي البيت وقالت يمكن مب ماي الراس يمكن إفرازات قلت الها أنا حسيت بماي نزل مب إفرازات تتحراني أجذب عليها المهم أنا الحين فالبيت وحأسه بويع شرات ويع الدورة بس يسير كل ربع ساعه ألويع يرد لي الحين خواتي شو اسوي ومتى أسير المستشفى وسو الأشياء اللي تنصحوني اشربها أنا اليوم شربت زعتر وكليت أناناس هل فيه أشياء ثانيه تحررض الطلق

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[ف.كولكشن]

حبيبتي ما أظن ماي الرأس لا تخافين أنا قبل ما إربي بأسبوع نزل ماي مثل الي تقول ينه وسرت عند الدكتوره قالت عقب كم يوم بتربين وعطتني فنيال زيت خروع ف كوب عصير عقب تمت تنزل عليه مثل خيوط دم وعقبها بأسبوع ربيت ....بس اذا زاد الويع سيري لاتغلطين غلطتي أنا سرت على طول لازم تصبرين شوي

[فطـوم]

لا تستعيلين خذي لج كم يوم في التاسع احسن
ولا تشربين شي
الياهل توه داش الا يوم من التاسع اصبري عليه يكمل اسبوع عل الاقل
واذا حسيتي ويع لازم تروحين المستشفي احسن
بس غريبه انها قالت لج روحي وانتي نازل عليج الماي
سوت لج تخطيط الولاده او لا ؟
والله يسهل عليج إن شاءالله

[ضحيه زماني]

الله. يسهل عليج يارب

[قلبي نفسي]

شو هالدكتورة ؟؟؟؟ في فحص بعود مثل عود الاذن فيه مادة اذا كانت ماي الراس بيتغير لونه للاسود او الازرق الغامق سوته لج ولالا ؟؟؟

وترا ماي الراس يوم ينزل مب شرط يكون فيه الم ...

نصيحتي روحي عند دكتورة ثانية خليها تشوف لج الماي بالسونار كميتيه طبيعيه ولا نقص ...مناك تطمنين ومناك اذا في شي ترجعين للمستشفى
ودام في الم روحي

[الشاعريه]

شو هالدكتورة ؟؟؟؟ في فحص بعود مثل عود الاذن فيه مادة اذا كانت ماي الراس بيتغير لونه للاسود او الازرق الغامق سوته لج ولالا ؟؟؟

وترا ماي الراس يوم ينزل مب شرط يكون فيه الم ...

نصيحتي روحي عند دكتورة ثانية خليها تشوف لج الماي بالسونار كميتيه طبيعيه ولا نقص ...مناك تطمنين ومناك اذا في شي ترجعين للمستشفى
ودام في الم روحي

نفس الكلام

هاي الدكتوره ماتعرف شي
المفروض تجيك واصلا يبين في السونار اذا نقص ماي الجنين
سيري عند دكتوره ثانيه

[المتميزة 1]

حبيبتي انا نزلت علي مية الرأس والتوسع كان 2 سم وما بطلعوا من المستشفى لا يصير تلوث أو شي يدخل ع الرحم ارجعي حبيبتي ع المستشفى احسن

[smo0oy]

اختي. سوت لي هالفحص وتغير لونه للأرزق الغامج بس أهي ما تعرف للتحليل أول مرة تسويه وقالت لي لازم يطلع خط أبيض شرات فحص الحمل. أنا بروحي مب عارفه وما طاعت تحولني لمستشفى لطيفه

[الامل88]

حبيبتي غيري الدكتوره احسن
والله يسهل لج ولادتج

[طيف الغربة]

حبيبتي غيري الدكتوره احسن
والله يسهل لج ولادتج

[شما الهاجري]

الله يسهل عليج يااااارب

[banota.a7]

الله يسهلـ ـ عليج غناتي ...

ويجعلهـ ـ قره عين لج ولاهلهـ ـ ..

[مالتيزرس]

حبيبتي عليج بالمشي ع رملة البحر كثري منه واتودني فماي دافي. واختي ع سالفة الماي عن لاينقص الماي عن الجنين ترا هب زين اذانقص روحي شيكي عليه

[راعية الدار.]

الله يقومج بالسلامة اختي و اتشوفين الياهل في حضنج يا رب

[غلاك انا]

الغاليه بما انه تغير لونه يعني ماي الراس ينزل عليج

انا نزل علي وانا بالخامس والله يعوضني خير

مفروض انج تسيرين الطوارء مب عياده وهم بيتخذون اجرائاتهم

اهم شي انج ترقدين ولا تتحركين وايد

ادعيلي ربي يعوضني خير ويسر لي امري