المؤخر

[Ch3nel]

مرحباً ..



شحالكم حبايب قلبي ؟؟


بغيت اتخبركم ، يوم عدة المطلقة تخلص و لازم تسير المحكمة عشان مؤخرها ، منو يدق عطليقها ..


اللي أبا اوضحه ، المطلق هو اللي لازم يدق و يحدد موعد عشان إثبات عدم رجعه و المؤخر ، و لا لازم حد من طرف الحرمة ( المطلقة ) ..



و سلامتكم ..

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مندوبة جدة]

ماعندي فكررررره الله يسهل اموورك الغاليه

[أم_سواف]

ما عندي فكره و الله يصلح ابينهم

[روح_الإمارات]

لازم تكون هي موجودة لأن بيسالها عن
الدؤرة ومب شرط المحكمة التوجيه.بس لو
عاند. ترفع دعوة وتحول ملفها للمحكمة

ها الأيام أحس المطلقات وأيد يتعبون
على سالفة المؤخر لأن الرياييل. - استغفر
الله - ما أريد أسب. عسب جيه لو فيه مجال
ترد لريلها ترد

[ذوق 2012]

روح صندوق الرسائل مالج متروس

[Ch3nel]

يسلموو ..


بس كأنكم فهمتو الموضوع بطريقة ثانية ..

اقصد منو يدق عالثاني بخصوص الروحة للمحكمة ..

[Ch3nel]

وينكم ؟؟




بليز حتى لو عندكم معلومة بسيطة لا تبخلون علي ..

[~* قلب غاليها]

المفروض هو يروح المحكمه وانتي تروحين ويتم توقيع الطلاق

ويعطيج المؤخر فالمحكمه احسن

[عنقاشة كاشخة]

اختي هيه مب عادات وتقاليد عشان منو المفروض يدق.. الريال ترا ما بيعوره شي .. مطلق والا معرس بيعيش حياته وبياخذ وحدة غير.. اما الحرمة هيه اللي بتتم معلقة.. عشان جيه احسن لج بعد ما تخلص عدتج خلي اهلج يكلمونه عشان تاخذين اغراضج ومؤخرج.. واذا ما يا بالزين.. روحي المحكمة لانه اكيد الريال ما بيي ركض ولا بيتصل عشان يدفع فلوس.. بهالزمن الناس تحب تاخذ وما تحب تدفع..

[Ch3nel]

اختي هيه مب عادات وتقاليد عشان منو المفروض يدق.. الريال ترا ما بيعوره شي .. مطلق والا معرس بيعيش حياته وبياخذ وحدة غير.. اما الحرمة هيه اللي بتتم معلقة.. عشان جيه احسن لج بعد ما تخلص عدتج خلي اهلج يكلمونه عشان تاخذين اغراضج ومؤخرج.. واذا ما يا بالزين.. روحي المحكمة لانه اكيد الريال ما بيي ركض ولا بيتصل عشان يدفع فلوس.. بهالزمن الناس تحب تاخذ وما تحب تدفع..

هيه و الله كلامج صح ١٠٠٪

[أم حمدة2008]

المحكمة هييييييييييييييي إللي تدق ..

[Ch3nel]

يسلموو

[جرحني إحساسي]

أنا اللي أعرفه هو إن الريال هو اللي يسير المحكمة و بعدين يستدعون الحرمة و يعطونها المؤخر و كذا

و الله يكون بعونا إن شاء الله يا رب

[cute uae]

ما عندي فكره و الله يصلح ابينهم

[mrs.abk]

نصيحتي إذا عندج أمل ترجعين للريال لا تفتحين أي باب للمحاكم .. وإذا ما تبينه خلاص لا تنسين العشرة اللي كانت بينكم خلي حد من إخوانج هو اللي يرمسه بموضوع المؤخر وإذا ما فاد عاد ذيج الساعة إنتي تسيرين المحكمة