أنا فاشلة

**myaare** · 2012-10-31, 00:57

هيه أنا فاشلة و حياتي متخربطه , مب عارفه أخذ قرار كل شوي ارجع مليون خطوه ورا , أهلي مكرهيني ف حياتي كل شئ لا لا لا , كرهت. حياتي , ماعرف ليش جي حظي بسببهم تعرفت على واحد والحين أنا وياه من ست سنين , أبا اهده والله أبا اهده بس مب رأيمه تعبت والله تعبت , أحس صرت ضعيفه صرت مكسورة , ادري انه ما بيتزوجني وانه هالشي مستحيل لااااكن اقسم بربي مب قادره اهده , ادري أنا غلطت بس سني كان صغير لما عرفته , لما أجوف أبوي قلبي يعورنيي واعرف انه لو يدري عادي يجتلني , أنا أبا حل أبا ابتسم وعيوني ما فيها دموع أنا مضاايجه من نفسي ادري أنا غلطانه بس أبا أغير الغلط و اخليه صح , أبا أتغير
أدعو ليي لأني جد اختنقت ..

المزيد من آخر المواضيع من نفس القسم:

**اسيرت شوق** · 2012-10-31, 01:02

الله يهديج لا تلومي حد على الخطء الي تسويه لان الله عطانا العقل نفكربه مش زينه

اذا هم يعملوج غلط انتي المفروض تعرفي مصلحتج سالفة ابا اهده ومب قادرة ترى هذا وهم براسج والله لو تبين تهدينه من كل قلبج ومقتنعه بالي راح تسويه صح بتهديه بعون الله
روحي الحين ادعي الله من كل قلبج وستغفري من كل قلبج والله بيساعدج

**أم زمرده** · 2012-10-31, 01:48

لا إله إلا أنت سبحانك إني كنت من الظالمين

**نونة الدلوعة** · 2012-10-31, 01:55

لآ حول ولآ قوة إلآ بالله

حبيبتي لآ تحطين اللوم على الظروف
قلتي يوم كنتي صغيرة غلطتي وحطي مليون خط تحت كلمة صغيرة مع إنج بعد مش معذورة
بس الحينه مآشآءالله كبرتي وعرفتي تميزين مآ بين الصح والغلط

لآ تقولين أنآ فآشششلة
لأنج بهالكلمة إنتي يآلسة تقنعين عمررج بالفششل مع إن شي عندج مليون فرصة تقدرين تثبتين لنفسج وللي حولج إنج انسانة نآجحة
بس اللي لآزم يتوفر فيج الإرآدة والتوكل على الله

ولآ تحطين اللوم على الأهل
كل انسان بيمر بظروف
وأهلنآ يمكن عندهم قناعات مختلفة عنآ ولآزم نحترمهآ لكبر سنهم
ولآزم نبين لهم وجهة نظرنآ

بالنسبة للشآب انتي روحج مقتنعة إن مآ رآح يآخذج
ليش تيضعين عمرج وياه
ليش مآ يكون سبب فشلج هو علآقتج ويا هالشآب
صدقيني يآ اختي مرآت على ذنب نسويه رب العآلمين يعآقبنآ عليه بشي ثآني
جربي تتركينه ويكون هالشي بدآية نجآحج
بس بمجرد مآ تتركين هالشآب أنآ أهنيج على هالنجآح
هذآ اكبر نجآح وأكبر اختبآر لآزم تجتآزينه

ومن عقب الأبوآب اللي كآنت مسكرة بويهج بتشوفينهآ تنفتح لج وتتسهل أمورج كلهآ

من ترك شي عوضه الله خيرا منه
انتي كيف تبين الخير وانتي تعصين ربج

ثانيا الصلآة هي أول مفآتيح السعادة ، خليهآ بوقتهآ

واسألي إختج وعن تجربة وربي
أموري الحمدلله من أفضل لأفضل والسبة فضل الله علي
تركي للمعآصي وموآظبة على صلوآتي فتحت لي أبوآب الخير

ربي يفرج همج وعسى ربي يبدل حآلج من حال إلى افضل حال ^^

**أم زمرده** · 2012-10-31, 02:30

لا إله إلا أنت سبحانك إني كنت من الظالمين

**شعاع امل** · 2012-10-31, 07:08

اختي كل الناس تغلط

صح غلط عن غلط يفرق

وانتي مثل ماقلتي كنت صغيره يعني مراهقه رغم انه غلط بعد لان نحن كلنا حتى الصغار يعرفون ان هذا الشي غلط ومايصير واهلهم بيعاقبونهم عليه لان نحن في مجتمع محافظ وجي

وزين ماوصلت الامور لشي اكبر بسبب صغر سنك والجهاله ساعتها حتى لو قلتي صغيره ماينفع الندم

فاتوكلي على الله

وامسحي رقمه او قول لي له اذا يريدك بالحلال يتقدم لج لانك مليت من هذا الكلام خلاص وانتي حرمه عوده تريدين مستقبل

ودوري اي شي يشغل وقتك لو تروحين مركز تحفيظ قران تتعرفين على بنات في الخير

وفكري مع نفسك انك كيف تصلين وتصومين وانتي تكلمين واحد غريب

وبس وان شاء الله بيهديكي

**ورقة ناعمة** · 2012-10-31, 07:39

كبيرة ولا صغيرة في تميز وفيه عقل يميز بين الصح والغلط الطفل يعرف الصح والغلط اذا تعلم وتربى على هالشي

والله حاميهم انتي وين عن رب العالمين إذا ماعندج لا ام ولا أب ولا أخت ولا صديقة ,,,,,,,,,,,الخ ولا حد

لج رب العالمين يصون ويحمي ويحفظ ويستجيب وبوقت الشدة تشوفينه قريب كوني قريبة من رب العالمين من الله سبحانه

صلي الصلوات كلها ,,,اقري الاذكار الصبح والمسا اسمعي القران اذا ماتقدرين تمسكين مصحف وتقرين خلي صلتج برب

العالمين كبيره ,,, بتشوفين الغيم اللي بويهج وبتشوفين الراحة النفسية العميقة وبتشوفين الدنيا بمنضور ثاني

التقرب من الله شي عظيم والدعوات اللي بتدعينها محد بيلبيه غير الله تعالي نحن وااايد نغفل عن هالامور ودايما

نرجع الغط انه سبب صغر عمرنا او لصغر السن ... بالعكس في بنات اعمارهن فوق سن اليأس ومازالت تمارس الخطأ

وفي مراهقات بالمدرسة عقولهم توازن ذهب وتفكيرهن بالحياه كبير اكبر من اعمارهن ....

الله يهديج يارب ويوفقج وينور دربج ........الاخطاء والذنوب رب العالمين يغفرها لادورين حل عدنا او من اي حد ثاني

سيري اطلبي الشفاعة والغفران من رب العالمين مب بس عالاخطاء اللي سويتها على الوالدين والاب اللي معطينج الثقة

**الريام-ديزاين** · 2012-10-31, 14:10

تبين الصدق عاد الكل يغلط, بس فيه فرق بين اللي يغلط و يكمل الغلط ويستسلمله, و بين اللي يغلط و يتعلم من هالغلط . أحيان الواحد لما يغلط شخصيته تصير أقوى و عزيمته تصير أقوى الأنسان مب معصوم من الخطأ بس الحياه تجارب, يأختي عندج مليون ألف سبب يخليج تبتسمين .. الفشل هو إنج تستسلمين وتعترفين بالفشل , " أنتي أقوى من إنج تستسلمين بسهولة وانتي أغلى من أنج تضعين حياتج مع شخص مب مستعد انه يتزوجج .. وبأذن الله تقدرين تخلينه و تقدرين تسوين المستحيل.

* أسال الله ان يرزقك رفقة صالحه و زوج صالح و يعوضك خير ويبدلك من بعد هم فرجاَ

**ماحد شراتي** · 2012-11-01, 09:06

لا تتضايقين حبيبتي
لازم تتخذين قرار يحدد مصير حياتج صح البدايه بتكون صعبه بس انتي قدها وتقدرين وتصدقيني مع الوقت بتنسين
اكيد عندج ربيعات وخوات حاولي هالفتره تتقربين منهم وصدقيني بترتاحين

ربي يحفظج

**fifi_girl** · 2012-11-03, 02:07

المشاركة الأصلية كتبت بواسطة ورقة ناعمة

كبيرة ولا صغيرة في تميز وفيه عقل يميز بين الصح والغلط الطفل يعرف الصح والغلط اذا تعلم وتربى على هالشي

والله حاميهم انتي وين عن رب العالمين إذا ماعندج لا ام ولا أب ولا أخت ولا صديقة ,,,,,,,,,,,الخ ولا حد

لج رب العالمين يصون ويحمي ويحفظ ويستجيب وبوقت الشدة تشوفينه قريب كوني قريبة من رب العالمين من الله سبحانه

صلي الصلوات كلها ,,,اقري الاذكار الصبح والمسا اسمعي القران اذا ماتقدرين تمسكين مصحف وتقرين خلي صلتج برب

العالمين كبيره ,,, بتشوفين الغيم اللي بويهج وبتشوفين الراحة النفسية العميقة وبتشوفين الدنيا بمنضور ثاني

التقرب من الله شي عظيم والدعوات اللي بتدعينها محد بيلبيه غير الله تعالي نحن وااايد نغفل عن هالامور ودايما

نرجع الغط انه سبب صغر عمرنا او لصغر السن ... بالعكس في بنات اعمارهن فوق سن اليأس ومازالت تمارس الخطأ

وفي مراهقات بالمدرسة عقولهم توازن ذهب وتفكيرهن بالحياه كبير اكبر من اعمارهن ....

الله يهديج يارب ويوفقج وينور دربج ........الاخطاء والذنوب رب العالمين يغفرها لادورين حل عدنا او من اي حد ثاني

سيري اطلبي الشفاعة والغفران من رب العالمين مب بس عالاخطاء اللي سويتها على الوالدين والاب اللي معطينج الثقة

هيه والله رايي من رايها

انتي انسانة كبيرة و واعية ماله داعي تقولين ماقدر اهده
أنا الصراحه ماعندي راي اقووله لأنه ماحب البنت تكون فاشلة في قراراتها حتى على ابسط الامور و ممكن تنحل في دقيقة
ويوم انج تعرفين انه ما بياخذج شحقه تحبينه والله ان البنات ينقصن عليهن سرعة > سوري عالكلمة بس لازم تتخذين خطوة و تكملين حياتج و انتي مرتاحة و مب شاله هم ،، انتي لاحقة عالهموم كل ما كبرنا كل مازادت الضغوطات علينا و المفروض ما نحط عمارنا في هالمواقف البايخة المفروض انكون مستعدين للي جدام

هاي الدنيا بعقلج و تفكيرج بتسيطرين امورج و حياتج كما اردتي

و لا تشكين حالج للناس اشكي حالج لربج

الله يوفقج..

**أم زمرده** · 2012-11-03, 02:56

لا إله إلا أنت سبحانك إني كنت من الظالمين

**a7laa style** · 2012-11-08, 10:39

الله يفرج همج ان شاء الله

**الأصالة** · 2012-11-08, 10:45

الله يفرج همج
ويرزقج بالحلال

**ريم العسووله** · 2012-11-08, 23:34

الله يهديج و يقوي ايمانج ...
عارفة ما بياخذج و ليش مستمرة معاه ... مب رايمة تهدينه!! عيل هو يقدر يهدج اذا في مجال ...
لا تقصين على نفسج و اتقي الله في نفسج فانتي مراقبة و كل الي تسوينه محاسبة عليه اختي ...

انتي لا فاشلة و لا شي و شيلي هالفكرة من راسج و سالفة اهلج يوقولون لا لا لا ... فمب بس انتي وايد ناس جذا و ما صار لهم شيء و عايشيين ...
تقربي من الله و التزمي و هدي هالعلاقة اللي بدمرج نفسيا و خلي الالتزام يبان عليج في مظهرج سلوكج عبادتج و تفكيرج ...
زيدي العبادات و الطاعات و كل هالامور راح تنحل ...
اولها احترام اهلج لج و بتزيد مكانتج عندهم و تكسبج رضا الوالدين و رضا الوالدين سبب من اسباب السعادة و التوفيق ...
و ثانيا راح تكبرين في عينج و عين الناس و تنسين شي اسمه فشل و بترتاحين نفسيا و حتى القرارات راح تصير شخصيتج قوية في اتخاذها ...
و ثالثا هذا دافع بانج تنهين هالعلاقة الحرام ...
و تذكري ( ان الله لا يغير ما بقوم حتى يغيروا ما بانفسهم )

سوي الي قلت لج عليه و شوفي كيف حياتج راح تتغير 180 درجة و عقبها تعالي رمسيني ^^ ...
الله يوفقج ...

**Hudaa8** · 2012-11-09, 01:01

إختي الغالية

إنتي قلتي شي و لازم إدققين عليه و تحطين 100 خط
قلتي لو أبوي يدري والله بيجتلني

طيب

و رب العالمين ؟ تراه يشوفج و لا تتوقعين إنه راضي عن
إلي تسوينه بس قاعد يشوفج و يشوفج تغلطين و تتمادين
بس ممهلنج يمكن تردين له عطاج هال6 سنين ولا كشفج
و لا حطج ف موقف خايس ويا هلج لنه يحبج ،

غاليتي بقولج شي كل ما أذكره و أنا على باب الغلط يردني عن الغلط
و يعصمني منه ،،

أردد (( إن كانوا عبيد ربي لا يرون زلاتي ، فربهم و ربي يراني ))
إستشعري وجود رب العالمين حولج و إنتي يالسه تكلمينه و إنتي فاقده الأمل من الحياة
في كل لحظه و ثانية ،

إحمدي رب العالمين على أصغر نعمه ، على الأمان و إنه عندج عائله و إنه عندج مكان
تنامين فيه و لحاف تتلحفين فيه أدق تفاصيل حياتج إحمدي الله عليها ،،.

بتستحين تغلطين صدقيني ،،

والله يوفقج حبيتي و إيسر لج أمورج
بداية الهداية الإعتراف بالغلط

ومافي إنسان فاشل ، بس في إنسان مايملك العزيمة لتغير واقعه

الله يهديج و يصلح بالج و يرد لج هلج رداً جميلاً

الموضوع: أنا فاشلة

أدوات الموضوع

عرض

أنا فاشلة

المزيد من آخر المواضيع من نفس القسم:

رد: أنا فاشلة

رد: أنا فاشلة

رد: أنا فاشلة

رد: أنا فاشلة

رد: أنا فاشلة

رد: أنا فاشلة

رد: أنا فاشلة

رد: أنا فاشلة

رد: أنا فاشلة

رد: أنا فاشلة

رد: أنا فاشلة

رد: أنا فاشلة

رد: أنا فاشلة

رد: أنا فاشلة

المواضيع المتشابهه

انا فاشلة

انا زوجة فاشلة

كن فاصلة لا تكن نقطه ,,,,,و

كن فاصلة و لا تكن نقطة!!!!!!!!

فاشلة ف الكمبيوتر