ولدي والروضة

[المزيونة 55]

تعرفي اختي Shereen Khalil اني مثلش كنت احاتي سالفة الحمام قبل ما ادخل ولدي الروضة,عمري ولدي 3 ونص كنت مترددة اني ادخله اخاف يسويها في عمره ويكون الامر فشيلة بس الحمد الله من دخل للحين كمله تقريبا اسبوعين ولا مرة ياني موسخ عمره, لان المديرة هي بذاتها تهتم بالاطفال وتوديهم الحمام اذا يبون, هي كذا مرتبه اول روضة يكونون دايما خايفين ومترددين فيمكن يسونها في ملابسهم, عشان كذا هي تساعدهم وتوديهم الحمام عشان يتعودوا ,وبعدين هم يروحوا بروحهم .
مع ان هذي الروضة ما فيها لا فراشين ولا مساعدين, حشى قحط عندهم,بس شو انسوي ما شي اقرب روضة الا هذي امرنا لله المهم ان تعليمهم زين ومعاملتهم بعد زينه.

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[قرموشة الماريه]

الله يستر ولدي دوامه 9-9 ومن يومين وديته اشتريله اليونيفورم واخذ كتبه وهو ساكت ما قال شي .. وانا اقوله هذي مدرستك الحلوه ووديته الصفوف بس بعدهم ما رتبوهن ولا تكلم ويقول انا باروح المدرسه؟؟؟ واقوله هيه بتروح المدرسه الحلوه واشجعه. الله يعينا يوم بيداومون.

[أم خلود]

ما اعرف اقول غير ان ولدي غامضني لانه كتوم ....

[دمعة_ندم]

بالعكس انا ولد أخوي أول سنة له فالروضة ومستانس ومخبل فالمعلمته ومطلع الشيب ف شعر أبوي من كثر تصرفاته

[المزيونة 55]

ها خواتي شكلكم مستانسات على العيال, ان شاء الله دوم.
بصراحة انا وايد مرتاحة لان ولدي صار يحب الروضة ودوم يقلي شو سوىفيها. بس المشكلة الوحيدة ان ولدي يحب يشخبط وايد في الدفاتر ويحب يرسم , عاد اليوم يابلي الدفتر , وحضرتة مشخبط فيه , زانا اقولة لا اتشخبط في الدفتر شخبط في الورقة , ولا شنه يسمع الكلام, لا وبعد مشخبط حضرتة بالالوان الشمعية , والله اخاف اية يوم وتضربة المعلمة, الله يستر.

[أم خلود]

الله يعينا والياي اصعب....

[$ شمة $]

الله يهديهم و يصلحهم ..