ولدي والروضة

**المزيونة 55** · 2007-08-26, 14:43

ابي اعرف من الخوات شو سوى ولدش في الروضة اليوم.
بالنسبة لولدي نش الصبح ماله خاطر شرب شوية حليب وكل كورن فليكس , بعدين سبحة ولبستة وسويتله سمون ويه الكاكاو , لانها وايد تعجبة وحطيتله في الشنطة العصير ويه السمون, وفي مخباتة ريالين.
يوم وصل الباص,ركبتة الباص ولا قال شي ,ولا صاح وسوالي بايباي,بس والله قلبي عورني علية حسيت انه في شي ناقص في البيت, وقعدت احاتيه طول اليوم لين الساعة 11, قلت لأبوة روح ييبه وايد احاتيه, يقول ريلي من دخل الروضة وهو يسمع الصريخ والبكاوي,يقول والله ضحكت عليهم , ولدي يوم شافهم يبكون بعد قعد يبكي, قالي انا باشر مو رايح بس اليوم رحت والروضة مو حلو.الله يستر باشر شو بيستوي.

المزيد من آخر المواضيع من نفس القسم:

**maitha2007** · 2007-08-26, 14:49

الله يعنا والله انا ولدي بيداوم 9\9 ونفس الحاله خايفه وايد شاله هم هذا اليوم

**روعة الوجدان** · 2007-08-26, 16:07

iهلا الغالية

أنا دوام ولدي بيكون تاريخ 9 / 9 الله يستر شو بيصر وياه

وبعدين هذا الصياح ومابروح المدرسه شئ طبيعي فديتهم والله

إنتي أشتري له بلونات أو كرتون مصاص حلاوة قولي له باجر روح

ووزع على الاولاد والبنات وإلي يصيح لا تعطيه لانه مب شاطر

**عشبة البر** · 2007-08-26, 16:51

ياالله يالفضيحه انا ولدي من البارحه وهوه يعطيني مقدمات ان ما بيسير المدرسه ورغم اني لابستنه وماعبرته لكن نفذ اللي في باله كل يوم يفوجر في الاجازه واليوم مستموت لبسناه واول ما وصلنا الروضه قال ما بنزل بروح البيت وكانت البدايه الله يصبرني ودخلناوهوه ناشب فيه نشبه راويته الللعاب اللي في الساحه وماشي فايده
تونا بندخل الصف الا الحبيب سوالي خذوهم بالصوت ليغلبوكم زيغ المعلمه من البدايه يت بتسلم عليه من باب الترحيب لكنه ندمها وقام يقول قومي مابا المدرسه

بروح البيت

خوزي عني ماحبكم ومن هالكلام الحلو

اما انا فخلاص تشكل ويهي

حاولت الطف الجو واغير لاكن مافي فايده حاولت بعد هيه لاكن مستحيل بزيارين ولدي
يوم جاف انه مافي سيره البيت والهدايا تتوزع يميين ويسار قال لالازم ارضخ
اميه ابا مصاص اللي عندها؟ تبقي قولها .معلمه ابا مصاص .اوه عزيز ان شاء الله انته تعرف اسمي ؟معلمه ميثاء .
اهنه عاد خلاص رضا عليها ولعب ويا الصغاريه والله يستر باجر

نسيت اقولكم يوم كان مسوي الاضراب طلعتهم المعلمه علشان يتريقون قال خير مابا ويوم جاف الصغاريه ياكلون قال ابا اكلي .قتله سيركل .قال خير هيه تحطلي كرسي عباب الصف وتعطيني اكلي .....ههههههه

**صوغه الحلوه** · 2007-08-26, 18:50

بما انى معلمة الروضه
الله يعينا ويعينكم ترى الاطفال وايد صعبين فالبدايه تطلع روحنا عسب يرضون علينا وشوى يندمجون ويانا
وبالنسبه الى اليوم كان اوكى لان عندى ثانى روضه واعيالى الحمدلله مريحين فديتهم وايد حلوين وكانوا فرحانين ويقصون لى سوالفهم فى الاجازه وانا اسمعهم واحاتى للسنه اليايه لان بكون اول روضه وبشوف من هالنماذج الاصياح والترفيس وغيره وغيره
بس اليهال فالبدايه لازم بيكون عليه الامر صعب ان يتقبل وجوده فالروضه فيعتمد هالشي على الام والمعلمة انهم يكونون متعاونين مع بعض عسب الطفل يندمج فالروضه واذا المعلمة شاطره وعنده اسلوب فى لفت الانتباه بتروم تسكت الياهل باى طريقه عنى انا اذكر اذا عندى هالحاله الطفل تم يصيح يا اخى الام وياي بالصف تيلس معاه طول اليوم عسب الطفل يكون مرتاح وشوى شوى يتاقلم واذا الام عندها دوام اكون على اتصال بالتلفون معاها والطفل يرتاح لما امه ترمسه وتقوله حبيبي انا بيي باخذك فا يسكت ويهدا شوى
وحبه وحبه من اهنى وهناك ومع مرور الايام بيتعود الطفل عالروضه

**roo7_7oor** · 2007-08-26, 19:17

الله يعينكم ع عيالكم

**المزيونة 55** · 2007-08-27, 14:35

شكرا على المرور خواتي, والله العيال صعبين عاد اليوم كان اسبشل من قام الصبح وهو يقول ما ابي روضة, بس البارحة رحت اليوم ما ابي, والله كنت متضايقة منه وخاطري اضربة على الصبح, بس طولت بالي علية ,ويوم ركب الباص , فديتة ضحك ليه , وانا عارفة انه مايبي , والله قعدت اقول :أخليه عندي احسن بدال هذا الصياح كل يوم.

**امونة2006** · 2007-08-27, 14:52

عيل تعالوا ..شوفوا انا شو صار لي ويا ولدي...اول مرة يسير الروضة رغم انا قبل ..اكلمه عن الروضة وهاي السوالف ..والقهر انهوايد متحمس.......حتى من الفرحة ....ليلة اليوم الدراسة ...مرقد وياها شنطته ..وجوتيه (اكرمكم الله ) قلت خلاص اكيد باجر ..برتاح ..يعني ماشي صياح ولا شي......اكيد كل وحدة...فينا بتودي ولدها للروضة لازم داوم وياه ...عسب ترد مع الباص ...عسب يعرف البيت .....اول يوم عدا على خير لاني وياه ..واليوم يابنات ..بعد وديته ويا ابوه .ونزلته الى الصف ..وتميت وياه .. خبرونا انه لازم نخلي الاطفال بروحهم عسب يتعودون ....قلت اوك ..خليت المعلمة تقفل الباب لانه ولدي من النوع الي يشرد ويزعل خخخ.....والله اول ما ادرى اني مو موجودة عداله انه كسر الصف من الصياح ..وخلى الاولاد كلهم يصرخون .....خوفهم ..وضرب المعلمة ..وكسر اغراضهم ..وصراخه مكسر الدنيا ....عقب ما قدرت قلبي يعورني عليه ....رديت .....والله يحليله لو تشوفنه يعور الخاطر ...ولما ردينا للبيت يقول خلاص خلصت الروضة..ما ابغي اسير ...ابغي اروح للمدرسة ..ههههه

**ظبايه الحلوه** · 2007-08-27, 14:56

االله يعين الجميع بنتي الاسبوع الياي دوامها وهي من امس لابسه الشنطه ويوم شافت اخوها بيسير المدرسه تمت اتصيح تبا المدرسه اخاف وقت المدرسه يستوي العكس

**رتل وارتقي** · 2007-08-27, 15:12

حلوه سوااااااااااااااااااااالفهم

**أم الشيوخ** · 2007-08-27, 15:23

اانا عن نفسي عندي اثنين فديتهم وباجر واحد بيداوم kg1 والثاني تاريخ2/9 في kg2 بالنسبه للعام اللي طاف فديته الكبير ما صاح ولا نطق كلمه بالعكساحسه يبا الفكه مني وانا اللي مش هاين علي اخليه ويقول لي باي .. بس الصغير كنت حاطتنه في التمهيدي بس شو لعوزني الا لعوز المدرسة كامله وتمت كل يوم ابله معاه بس عشان يسكت .. وطبعا كل يوم اييبلي لعبه الابله عاطتنه عشان تسكته لكن بدون فايده .. واليوم يالسه اجردنه واعطيه تعليمات على اساس انه بيداوم بروحه واخوه ما بيكون معاه ولازم يقعد ولد مؤدب وشاطر و و و .. وباجر بنشوف الحفلة اللي بتصير .. الله يستر

**امبرطورة بوظبي** · 2007-08-27, 15:26

ما شا الله عليهم حلوييييييييييييييييين خخخخخخخخخخخخخ يضحكون لتنسون تصورونهم اول ايام الروضه علشان يام يكبرون يشوفون صورهم خخخخخ

**روح الــــورد** · 2007-08-27, 15:34

اليهال يحبوت الالعاب والمصاص والكاكاو لما يتوزع عليهم .. يعني هالشي يعتمد على المعلمه هي اللي تعرف كيف تكسبهم ...
وبعد المفروض من قبل لا تبدي الدوامات تقولون لهم شو بيسووون فالروضه وانه هناك العاب وحلاو ومن هالسوالف
الحمدلله بنتي ابد مااا صاحت ...
وانتو عطوهم جيس الحلاوه والا الكاكاو الميني خلوهم يوزعونها على اليهال وبالونات .. اي شي .. يستانسون ..

**اسويرا** · 2007-08-27, 15:52

انا بنتي كانت جدا كووووووووووووووووووووووول بسم الله عليها يمكن عسب كانت تشوف اخوها السنه اللي قبلها يسير الروضه فتشوقت تروح الروضه المهم في ليلة المدرسه من الفرحه مب قادره ترقد هدتها اذا مابترقدين مافي روضه يلست تصيح وتقول انا آسفه المهم قامت الصبح حيل مستانسه بسم الله عليها كلت ع السريع بالعاده يوم تقوم من رقاد ماتاكل الا بعد ساعه او ساعتين انا قلتها ماقلتي مافي سيره حشى ذليتها المهم وديت اخوها اول شي وبعدين وديتها شافت يهال يصيحون اطالعني تبغي تصيح انا قلتها لااااااااااااااااااا لاتصيحين اللي يصيح مايعطيونه هديه المهم يلست ورحت عنها بعدين رديت اطمن عليها ما شاءالله عليها مندجه ويا الأطفال ورحت البيت وانا مرتاحه وسلامتكم

**عشبة البر** · 2007-08-27, 16:48

عزيزان والجزء الثاني اليوم الحمد لله بدينا بدايه طيبه سويت وياه هدنه اني بوديه الدكان وبنشتري مصاصات حق اللي وياه في الصف وهوه دوره انه يوزع عليهم مقابل انه ما يصيح ودخلنل الصف وسلمنا على المعلمه وقلتلها هاه شو رايج بالريال . ما شاء الله عليه .كلها دقيقتين والولد خلاص كيف ورجعت ريما لعدتها القديمه ....خخخخخخخخ

واللي نقذنا انه ولية امر طالب يايبه ولدها سالته ليش اتصيح عطاها طاف مثل ما يقولون

طلعت وخليته مع المعلمه في الصف وقفلت الباب لانه في ولد ثاني مسوي حفلة ترفيس في المعلمه والا اسمعلج زعجه طرة اذني وانا برع والله اني بغغت عيني من الزيقه والصرخه طبعا كانت من وليه الامر علشان اونه تسكتهم بس

اصراحه مشى وياهم الموضوع
والله يعين باجر

الموضوع: ولدي والروضة

أدوات الموضوع

عرض