أبي أكون أنثى

[مالتيزرس]

حبيبتي انتي يوم بتتزيينين حق ريلج هب حق الناس انتي شو تبينهم الناس ومافيه شي عيب بين الريال والحرمة شو فيها اذا لبستي جدام ريلج قصير وبناطلين انتي داخل غرفتج ماحد بيجوفج وين العيب فها الشي . خليه يجوفه عندج ياختي فالبيت ولا يطالع برع.

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[ورود حمر]

البنات ماقصرووو... انتي في اي منطقه في حريم بيوصلولج للبيت

[أم توتو القمر]

زوجي الحمدلله ممجصرة معه من ناحية الدلع واللبس بس قصدي جدام رفيجاتي وبنات العائلة أبي أكوون كشخه

[نونة الدلوعة]

زوجي الحمدلله ممجصرة معه من ناحية الدلع واللبس بس قصدي جدام رفيجاتي وبنات العائلة أبي أكوون كشخه

أمآ من نآحية لبسج عند ربيعآتج
البسي الكنآدير مآدري شو تقصدين بالكنآدير
مآ فهمت عليج
يعني هل تقصدين الجلآبيآت أو المخآوير ؟؟
بس المهم دوري على القطع الغآوية والحلو وسوي قصآت حلوة
شي جلآبيآت كويتية رووعة يبيعونهآ أغلبهآ بالمعآرض
مآ تقدرين ومنطقتكم بعيدة
عندج المنتدى
مآشآءالله بنآت المنتدى مش مقصرآت ، كل شي تبينه ألحينه متوفر بالنت
بس مآ عليج الآ تقدمين طلبية وبيوصلج للمنطقة اللي انتي فيها

حآولي تنوعين بالعبي
يعني يوم بتظهرين برع وبمكآن عآم لآ تتخلين عن العبآة الستيرة
بس بينج وبين ربيعآتج وأهلج البسي هالعبي القصآت والديزآينآت والموضة اللي هآبين فيهآ البنآت هالأيآم ^^

[أم توتو القمر]

حبوب أنا من عمان

[المغتربة]

هاي سلبيات اللي يهتم في غيره ع حساب نفسه
انا مرات اكون بها الطريقة مب اهمال مني لا بالعكس كل تركيزي ع بيتي و اهلي و اهل زوجي و .......الخ
بس بعدين انتبه اني قصرت في حق نفسي
اروح السبا اسوي لي هاك المساج و السكراب اللي يغير مزاجي و اتكشخ و تعدل و ارجع 10 سنين ورى

[أم توتو القمر]

مشكورات حبايبي واختي الكنادير أهيه المخاوير وجلابيات الدانتيل إلي نسويهم عند الخياط وكفيتوا ووفيتوا بنات بس بحكم اني من مكان بعيد ما مطور ف معرف الموضه إلي فالعبي ياريت تدزولي موديلات العبي إلي يلبسونهن البنات هاليومين لأنه معنا خياطين شاطرين يضبطون بس مأكو ديزاينات عندهم

[مس UAE]

حبوبه نصايح الجمال الخارجي متوفره للكل ..
من زيارة الصالون والتغير بالشعر والصبغ والاهتمام بالجسم من حمام مغربي ومساج ..
لكن بخصوص اللبس ..شوفي الغاليه يعتمد على ذوقج ..يعني انا اعرف بنات جد جد مول ما عندهن ذوق ...
اللحين الناس في عيد ..الي مب متزوجه كاشخه ومرتبه شكلها وتعرف انها مابتجتمع او ماتطلع من البيت بس تتعدل لنفسها ..
وفي حريم متزوجات من عمرج حبوبه لكن مول ماعندهن ذوق ...حتى في المخور ساعات قطع الوانها داكنه مثل الاسود والديزان عليه جدييييييم مال اول ...مع انه عندهم ريايل واجب عليهن يتعدلن ويماشون الموضه بحدود ...
انا مب معرسه لكن من اشتغلت وايد تغيرت فيني اشياء وشكلي وايد غير اللحين عن قبل ..ع فكره لا اصبغ ولا اقص ..بس ألبس جينز وليقنز تحت العباه ..وفي المناسبات افصل لي مغربي شغل شغل وألوان تناسب عمري ...واتعدل واكسسورات وكعب والخ ...وشيل صفوه ...وعبي تكون خاصه بالمناسبات ...
كل شي راجع لذوقج وطريقة تنسيقج للبس ...حتى المخور حلو لو كانت القطع والخوار مميز ...
واهتمي بالناحية النفسيه لو كانت نفسيتج اوكيه بتكونين حلوه ...