انا والجن

[zazy88]

السلام عليكم
بنات انا صار لي هاالموقف من اسبوع
السالفه انه انا من يوم انا صغيره و الجن يلعوزوني و يكرهولي حياتي
احلام مزعجه, يمطولي شعري, خوف دائم, الحلم بهم من يوم كان عمري 6 سنوات

انا من النوع اللي يحب الاغاني بشكل جنوني, مدمنه اغاني , فكانت عندي منظرة كبيرة في غرفتي تقريبا طولي
و انا كنت حاطه اغاني و اشوف نفسي و انا ارقص ففي لحظة شفت في المنظره رجال يشوفني و كان وراي, لابس كندوره و كان طويل, فانا فكرت هذا اخوي؟ بس انا قافله الباب كيف اخوي يدخل؟ فركضت عند امي.

الحدث الثاني,بعدين شلوها المنظرة من غرفتي, ففي نفس الليلة حلمت بس كان وايد حقيقي انه انا كنت نايمه على السرير عدال امي(انا دوم انام عند امي) و فتحت عيوني شفت كندورة بيضاء يايه صوبي بس ماشفت الوجه, بعدين كان تلفوني عدالي كنت ابا اشله بس حسيت بثقل شديييد و بعدها حسيت كانه شي طاح علي و انه كنت احس بانه جسمي في البحر, احس بالامواج, فيوم قمت من النوم كنت بنفس الوضعيه و تلفوني عدالي.

الحدث الثالث انه كنت يايه من المدرسه العصر و رحت بنام , اول ما حطيت راسي (انا بعدني ما نمت) شفت ناس جاايين يخطبون بنيه و جايبين ذبيحه معهم, بعدين استوى ظلام فسمعت صوت يقولي "شكرا على الذبيحه,بس منو هاذا اللي على جنب الغرفه يطالعج؟" فانا خفت و تميت اشوف الغرفه و مرة ثانيه ركضت عند امي.

الحدث الرابع , انا امس كنت نايمه مع امي , (غرفتي عدال غرفة امي بالضبط فاي صوت ينسمع) قمت الساعه 2:30 فليل اسمع صوت حد يعزف الناي في غرفتي, بس محد كان في البيت غيري انا و امي؟! انا خفت شوي بس يوم ركزت كان العزف وايد حلو ...استمتعت و تميت افكر احط قرأن في غرفتي ؟ ولا اخلي عزف الناي؟ فماعرفت.

وكل هذه الاحداث صارت في اسبوع واحد

((إن هذه الاحداث حقيقية مئة بالمئة و ليس هنالك اي كذب فيه))

فشوتقولولي يا بنات؟ شو اسوي؟ كلما رحنا عند مطوع يقول مافيكم شي,بيتكم ما فيه شي, فانا فقدت الامل فيهم, و كل مره اشوف مطوع يقرأ على احد جدامي اضحك عليه بشكل لا ارادي...
امي تقول انا مستلبسه بس كل المطاوعه قالوا لا اني اهلوس....
انا بتوكل على الله
فعطوني رايكم

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

[delights]

اكثري من قراءة القران والاذكار التزمي باذكار الصباح والمساء .... انا صراحة بخاف من هاي المواضيع

[دلوعة عجمان]

الله يهديج انا كنت مثلج ولين يومج امعرسه وعندي عيال وبعدهم ايلعوزوني بس انا ودرت الاغاني مااسمع مع اني كنت ماافوت اغنيه مااسمعها بس الحمد لله من عرست يزاه الله خير زوجي دايما ينصحني الحين حتى يالسه اكتب امشغله سورة البقره واسمع الحمد لله على كل حال حاولي اتقللين سماع الاغاني وشوي شوي صدقيني بتكرهين تسمعينها لااراديا وشغلي سورة البقره فالبيت تطرد الجن خليها يوميا مدة اربعين يوم مايضرج شي باذن الله ودايما اذكري الله خلي الله دايما في قلبج وقولي الله معاي محد يقدر يضرني دام الله موجود معاي وعليج بالسدر المطحون وايد زين قبل المغرب بشوي حطي منه في سطل فيه ماي اغتسلي منه وانتي ترقين نفسج بالرقيا الشرعيه ورشي الباقي في زوايا البيت وعند مدخل الباب الخارجي للبيت الله يحفظج ويحفظنا من كل شر وحطي في بالج ان كثرة التفكير فيهم يزيد قوتهم بس انتي لاتفكيرين فيهم
اللهم احفظنا من بين ايدينا ومن خلفنا يارب

[ام الريان]

الله يهديج انا كنت مثلج ولين يومج امعرسه وعندي عيال وبعدهم ايلعوزوني بس انا ودرت الاغاني مااسمع مع اني كنت ماافوت اغنيه مااسمعها بس الحمد لله من عرست يزاه الله خير زوجي دايما ينصحني الحين حتى يالسه اكتب امشغله سورة البقره واسمع الحمد لله على كل حال حاولي اتقللين سماع الاغاني وشوي شوي صدقيني بتكرهين تسمعينها لااراديا وشغلي سورة البقره فالبيت تطرد الجن خليها يوميا مدة اربعين يوم مايضرج شي باذن الله ودايما اذكري الله خلي الله دايما في قلبج وقولي الله معاي محد يقدر يضرني دام الله موجود معاي وعليج بالسدر المطحون وايد زين قبل المغرب بشوي حطي منه في سطل فيه ماي اغتسلي منه وانتي ترقين نفسج بالرقيا الشرعيه ورشي الباقي في زوايا البيت وعند مدخل الباب الخارجي للبيت الله يحفظج ويحفظنا من كل شر وحطي في بالج ان كثرة التفكير فيهم يزيد قوتهم بس انتي لاتفكيرين فيهم
اللهم احفظنا من بين ايدينا ومن خلفنا يارب

مثل ما قالت الاخت
اتركي الاغاني ..هي اساس البلا كله =.=
والله يكون في عون الكل =)

[ورقة ناعمة]

معقولة الاغاني اخذت دور كبير بدال القراااء اللي امرنا ربنا اللي بإيده الحياه والموت

كلنا نسمع اغاني بس مب بدرجة الادمان ومب دوا لنا صح نستمتع احيانا بس نحس بضيقة منها عكس القرءان

اللي الواحد يرتاح نفسيا وجسديا بعد يبعد عنج امراض الانس والجن ,,, افتحي قرآن وخلي بيتكم معمر بروح القراءن

والاذكارة شوفي الانسان مدمن المخدرات يشوف الدنيا كلها ظلمة مع هذا يقول مافي علاج لانه ماسعى وشايف الدنيا سوده

نفس الشي الادمان عالاغاني الغالية حاولي تجهدين عمرج بالاذكار وافتحي القراان الغالية عشان نفسيتج ترتاح ترى النفسية

تلعب دور كبير بالحياه والله يهديج يارب ويريح بالج ...

[cute uae]

معقولة الاغاني اخذت دور كبير بدال القراااء اللي امرنا ربنا اللي بإيده الحياه والموت

كلنا نسمع اغاني بس مب بدرجة الادمان ومب دوا لنا صح نستمتع احيانا بس نحس بضيقة منها عكس القرءان

اللي الواحد يرتاح نفسيا وجسديا بعد يبعد عنج امراض الانس والجن ,,, افتحي قرآن وخلي بيتكم معمر بروح القراءن

والاذكارة شوفي الانسان مدمن المخدرات يشوف الدنيا كلها ظلمة مع هذا يقول مافي علاج لانه ماسعى وشايف الدنيا سوده

نفس الشي الادمان عالاغاني الغالية حاولي تجهدين عمرج بالاذكار وافتحي القراان الغالية عشان نفسيتج ترتاح ترى النفسية

تلعب دور كبير بالحياه والله يهديج يارب ويريح بالج ...

[ورود حمر]

انا كنت مثلج بس انا ماياذوني ياذون خواتي وامي اذا حد نام بغرفتي يشرد الا انا خخخخ... كانو يزقروني في البيت (جنيه) ونفس الشي كنت اسمع اغاني وارسم وايلس بروحي كل الوقت وساعات اتخيل نفسي اتكلم معاهم ... خخخخ هاذي ايام المراهقه .. بس الحين لا الحمدلله من عرست وطلعت ماقمت اشوف ولا احس بشي حتى يوم ارد غرفتي بيت اهلي ...


بس لين يومكم محد يبات فحجرتي .. لانهم يضايقونهم ××× محافظين على ممتلكاتي خخخخ

[ورود حمر]

طنشي عادي بس حصني نفسج ... دايما عن تستلبسين خخخ بسم اللهى عليج

[remalfala39]

استغفر الله العظيم

يعني تعرفون الاغاني وتاثيرها وانها محرمه لكن لازم تسمعونها وتراكضون ورا الاغاني اليديدة

الله يهديكم بس

انا مستغربة اسلوبج بالكلام وايد عادي و متزن ماشاء الله فانا اتوقع والله أعلم انج مو مستلبسة يمكن بس صاروا ربعج منج وفيج خلاص

اذكري الله اختي وحافظي على قراءة القران لو صفحة وحدة بعد صلاة الفجر و شوفي التغيير بحياتج

[مونتاج]

حصني نفسج الغلا و اكثري من قراءة القرآن

[۞ ملاك ۞]

الله يعينج الغاليه

بنااااااااااااااات ودروووووا الاغاني وسمعوا القران الكريم وصدقوني بترتااااحوون

[sama DXB]

روحج اتعرفين الحل
ودري الاغاني و استمعي للقرآن
و احيد مطوع يقول اذا تبين تطردينهم من حولج
اسبحي بماي و ملح
احيد عقب ملجة اختفي كنت دوم احس ان حد يالس ع الشبريه وياي
و احلم بكوابيس
يوم قرا عليه المطوع قالي ذوبي ملح ف البانيو و رشي ع جسمج
لمدة نص ساعه
و لمده اسبوع
و صدق من عقبه محد أذاني
و غير عن ها
انا ماسمع اغاني الحمدلله

والله يهدي الجميع ان شاء الله

[أدور حل]

بسم الله والله خفت..احس تتكلمين وكانه شي عادي.. وحتى ردود البنات اللي يقولون نحن بعد ..
اعتقد القرب من العالم الاخر بهذي الطريقة خطر.. لان عادي يستلبسون فيج..
قللي من سماع الاغاني.. وعليج بسورة البقرة.. حطيها في غرفتج 24 ساعة.. عودي نفسج تقرين اذكار الصباح والمساء.. والله ما يخذ 10 دقايق من وقتج..
وفي دعاء لطرد مردة الشياطين في كتيب حصن المسلم.. انا اقراه يوميا.. كان جسمي يقشعر يوم اقراه..
الله يارب يستر عليج.. ويهديج ان شاء الله

[supeer girl]

بسم الله والله خفت..احس تتكلمين وكانه شي عادي.. وحتى ردود البنات اللي يقولون نحن بعد ..
اعتقد القرب من العالم الاخر بهذي الطريقة خطر.. لان عادي يستلبسون فيج..
قللي من سماع الاغاني.. وعليج بسورة البقرة.. حطيها في غرفتج 24 ساعة.. عودي نفسج تقرين اذكار الصباح والمساء.. والله ما يخذ 10 دقايق من وقتج..
وفي دعاء لطرد مردة الشياطين في كتيب حصن المسلم.. انا اقراه يوميا.. كان جسمي يقشعر يوم اقراه..
الله يارب يستر عليج.. ويهديج ان شاء الله

[munamoor]

عليج بسورة البقرة
٢٤ ساعة خليه شغال في الغرفة

ما اعرف في حالتج هذي ترى اصحاب اللبس الابيض
الي اعرفه هم من الملائكة و الله اعلم

و ثانيا الي قلتي عنه و انتي راقدة و حسيتي ان النفس
انكتم تقريبا هو آلياثوم