وين أربي ؟؟؟

**^%سمر%^** · 2012-10-01, 21:29

السلام عليكم و رحمة الله و بركاته ...

شحالكم خواتي ...

الله يسهل علينا و ع الجميع و يرزق الأخوات الذرية الصالحة ...

محتارة وين اربي؟؟؟

أنا فاتحه ملف في الكورنيش و المفرق ....

و وحده من الأهل نصحتني في النور الجديد عند ماجده ,,, بس ما أعرف لازم أفتح ملف عندهم و لا شو ؟؟؟
و شو الفلوس كم ؟؟؟ بيكن و تطيعمات الطفل ؟؟؟ و الفحص ماله بعد الولادة بكم ؟؟؟
أنا عندي ثقة الذهبية ما أعرف إذا مجاني و لا لا ...

إذا في مستشفى ثاني تنصحوي فيه و لا لا ؟؟؟؟ و كم الرسوم ؟؟؟

المزيد من آخر المواضيع من نفس القسم:

**ضحيه زماني** · 2012-10-01, 22:08

كروشات بوظبي مايقصرون

**Emmyzz** · 2012-10-01, 22:12

انا ناوية ان شاء الله بالرحبة
و اتوقع ثقة الذهبية تغطي كل التكاليف في الخاص و الحكومي فتقدري تولدي في النور لو حابة
فيه ناس كثيرة تمدح في دكتورة ماجدة بس انا ما رحتلها لأنه تأميني شغال في الحكومي و بس
وان شاء الله بنات ابوظبي بيفيدوكي

**مثلي قليل** · 2012-10-01, 23:43

مابغيت أطلع وإلا بدعوه (الله يسهل عليج يارب)

**بريكية** · 2012-10-02, 00:05

ما اعرف بس المفرق ما انصح فيها احسن شيء الرحبة والنور واعتقد ثقة تغطي انا فاتحة في النور واراجع عند الدكتورة إيمان وايد ارتحتلها احسن شيء افتحي ملف في الحكومي وعقب تقدرين تراجعين في النور لان في بعض الحالات النور ترفض توليدها

**أوجان** · 2012-10-02, 02:21

المشاركة الأصلية كتبت بواسطة ^%سمر%^

السلام عليكم و رحمة الله و بركاته ...

شحالكم خواتي ...

الله يسهل علينا و ع الجميع و يرزق الأخوات الذرية الصالحة ...

محتارة وين اربي؟؟؟

أنا فاتحه ملف في الكورنيش و المفرق ....

و وحده من الأهل نصحتني في النور الجديد عند ماجده ,,, بس ما أعرف لازم أفتح ملف عندهم و لا شو ؟؟؟
و شو الفلوس كم ؟؟؟ بيكن و تطيعمات الطفل ؟؟؟ و الفحص ماله بعد الولادة بكم ؟؟؟
أنا عندي ثقة الذهبية ما أعرف إذا مجاني و لا لا ...

إذا في مستشفى ثاني تنصحوي فيه و لا لا ؟؟؟؟ و كم الرسوم ؟؟؟

انا بربي ان شاء فالنور الجديم عند شرين لان كل حرييم حمياي يربن فيه وما عليه كلام
واذا على اليديد ترى غرفهم احلى عن الجديم ولا تفكرين اتربين عند حد غير ماجده لان الباجيات محد مدحهن كلهن على هذي
واذا على المصاريف لا تحاتيين اذا عندج ثقة ما تدفعين درهممم لا على ولادة و لا على مراجعه ولا ععلى تطعييييم مول مول ما تدفعين شي اتغطي كل شي ..
لكن الصيدلية بلى يغطونن مرات 60% ومرات 50% ومرات 80% على حسب الدوا وتعاقدهم ويا شركة ضمان ؟..

واذا ع طاري الملف ما يكلفج دقيقة اذا تبين ترومين تفتحينه من احين واتراجعين ويا ماجده كل شهر مرة او فالشهرين مرة لين موعد ولادتج ..

والله يسهل عليج حبيبتي ..

**Um shak shak** · 2012-10-02, 02:29

اذا تبين نصيحه من قلب ربي في الكورنيش او الرحبه بسسسسس

لا النور ولا اي مستشفى ثاني النور لو استوت ولاده مبكره او البيبي احتاج حضانه يفرونج ع الكورنيش وعاد الكورنيش مايستقبلون لانج مب مربيه عندهم

**أوجان** · 2012-10-02, 03:06

بالعكس النور يوم البيبي فيه بوصفار اييبون الجهاز عندج فغرفتج ويتم جدام عينج طول الوقت المستشفيات الثانية يشلونه عندهم !!
بس يمكن الحالة اللي اتكلمتي عنها قبل 4 اسنين لان النور ما كان عنده خبره فالولادة ويخاف اما احين الحمدلله خبره ..
حتى اعرف وحده ما خلت مكان ما سارته عسبتت تتعالج وتحمل ويوم اتوكلت على الله وييت للنور احملت ..

وبعدين كلها وجهات نظر وكلن يتكلم من باب تجربه ومعرفته ..

**راعية الدار.** · 2012-10-02, 03:40

الله يسهل عليج يارب

**De$eRt Ro$e** · 2012-10-02, 13:39

نصيحه اختي انا كنت محتارة طووول حملي لحد اخر يوم نزلت النور وفتحت ملف ع اساس اولد عندهم
وصارت الولاده بالليل ولما وصلت النور قالولي موافقة التأمين لسه ماوصلت ورجعوني ع الكورنيش
والله عناااايه ونظافه احسن بمية مرة من النور اللي بشارع خليفه
انا والده في النور ولادتي الاولى والثانية بالرحيه والاخيرة كانت بالكورنيش
ماعليهم كلام رائعين ويعاملوكي باحترام نصيحه لكل وحده متحيره مافي من بعد الكورنيش الولاده فيه احسن شي

**ام مارية1** · 2012-10-02, 14:03

الافضل طبعا الحكومي لانهم حريصين اكثر بوفرة اختصاصيين ولادة والخاص يعتمد على عدد قليل وكنصيحة اختي سجلي في الرحبة ممتازين وعنايتهم جيدة بعد الولادة والكورنيش كثير ناس عليه وزحمة فظيعة لانه يغطي جميع البطاقات واصبحوا مايهتمون مثل قبل
والله يسهلك ولادتك وجميع الحوامل ان شاء الله

**شمسة المرر** · 2012-10-02, 17:56

الرحبه او الكورنيش افضل
من المفرق

**بنت الفلاني** · 2012-10-02, 18:13

الله يسهل عليج اختي

**غلا راكـ 3** · 2012-10-02, 18:56

ربي يسهل عليييييييييج وعلييينا حبيبتي

**^%سمر%^** · 2012-10-02, 19:12

جزاكم الله ألف خير ...
بصلي استخارة و الله يسر علينا ...

الموضوع: وين أربي ؟؟؟

أدوات الموضوع

عرض

وين أربي ؟؟؟

المزيد من آخر المواضيع من نفس القسم:

رد: وين أربي ؟؟؟

رد: وين أربي ؟؟؟

رد: وين أربي ؟؟؟

رد: وين أربي ؟؟؟

رد: وين أربي ؟؟؟

رد: وين أربي ؟؟؟

رد: وين أربي ؟؟؟

رد: وين أربي ؟؟؟

رد: وين أربي ؟؟؟

رد: وين أربي ؟؟؟

رد: وين أربي ؟؟؟

رد: وين أربي ؟؟؟

رد: وين أربي ؟؟؟

رد: وين أربي ؟؟؟

المواضيع المتشابهه

مربى ... مربى ...مربى

رحلتنا لبحر مربح و شاليه مربح 2 رووووووووووعه حياكن....

بنات مربح ساعدوني او القريبين من مربح

أبا أربي

مشروع مربح