ممكن سؤال؟

**الحليوه** · 2007-08-25, 13:54

حبيباتي بنات المنتدى الغالي ممكن سؤال؟

منو منكن شراتي تحس بألم في عظام الرحم و الحوض و خاصه يوم تقعد من النوم

وهالشي طبيعي و الا لازم اروح للدكتوره

وانا الحين في أول الثامن....ويزاكن الله خير.

المزيد من آخر المواضيع من نفس القسم:

**عنود88** · 2007-08-25, 13:58

ابصراحه ما عندي اي فكره عن هالسوالف بس دامج اتحسين بويع سير جيكي على عمرج احسنلج لا سمح الله يمكن في شي
وما تشوفين شر غناتي
مشالله حامل في بنت والا ولد
اذا بنت سميها علي اوكي وعد لا تنسين
العنود

**omfaisal** · 2007-08-25, 14:00

مرحبا يالغاليه
تحسين بألم في شهر الثامن لان يكبر البيبي شوي وها شي عادي
بس اذا تبين تطمنين اكثر سير المستشفى
سلامتج والله يسهل عليج ان شاءالله

**الحليوه** · 2007-08-25, 14:02

تتسلمين يا العنووود على مروورج ....وقالولي ولد بس واذا ما طلع ولد ويبت بنوووته بسميها العنود فالج طيب هههههه.

إن شاء الله البنات يفيدوني up>

**دبي** · 2007-08-25, 18:27

الغاليه هالويع طبيعي لأني مثلج وما تشوفين شر ان شاءالله

**جيرلي** · 2007-08-26, 11:07

اعتقد انه ويع طبيعي لأنه عظام الحوض تتوسع استعدادً لحجم البيبي اللي يكبر..
وبنفس الوقت بتحسين عظام جسمج مفككة وهالشي سبحان الله طبيعي..
كله لأنه الجسم يستعد للولادة القريبة والله يقومج بالسلامة يا رب..

**عروسة ريلها** · 2007-08-26, 11:13

والله كانج تتكلمين عنـــــــــــــــــــــــــــــــي!!!!

انا متخبلة من هالالم بموت والله تعبانة حدي

عظام الحوض عندي خربانة مولية واحسها تستعد للولادة الله يعينا يارب

**alzeyoudi** · 2007-08-26, 11:31

وانا بعد هالايام عندي هالآلام وبمووووووووووت من التعب بس توي داخلة الثامن وكنت خايفة شو سبت هالآلام بس الحمد لله طمنتوني

والله يسهل علينا انشالله

**عائشه الظاهري** · 2007-08-26, 11:36

حبيبتي هذا الويع طبيعي أنا في بداية الرابع وايد أشتكي من ظهري الله يعيني يوم بوصل التاسع شو بيستويلي
والله يشيل عنج وعنا ويسهل علينا آمــــــــــــــــــــــــــــــــــين

**maitha2007** · 2007-08-26, 11:38

انا نفسج كل اشوي اتجلب في الليل اشوي يمين يوم اييني الويع اطيح عاليسار وهكذا هذا شي طبيعي اذا تبين يخوز عنج حاولي تحطين مخده بين ريولج والا تشترين المخده الخاصه للحوامل بتحصلينها في تويز ار اص وايد اوكي ولازم ترقدين على ينب لانه الدكتوره قالت لي اخطر شي الحين ترقدين على ظهرج يالله ما باقي لج شي الله يكملج على خير ويسهل لج ولادتج يا رب

**أم موفي** · 2007-08-26, 12:31

هالويع عادي وان شاء الله ما عليج شر .... انا وايد كنت اعاني من هالشي لين الحمد لله ربيت تم معاي بس عقب كم اسبوع من الولادة استويت الحمد لله اوكي ... الله يقومكم بالسلامة .....

أختكم

أم موفي

**أم ريانة** · 2007-08-26, 15:51

على حد علمي الويع طبيعي..بس لازم ماتقومين من رقادج على طول لازم اتسوين تمارين معينه وبعدين اتقومين..لو كنتي من بوظبي سيري تمارين الكورنيش..المدربه تعلمنا شو هي التمارين اللي لازم نسويها قبل الرقاد وقبل ما نقوم من على الفراش الصبح..لان مثل ماقالو خواتي فيه ضغط على هل المنطقه لانه البيبي قاعد يكبر..وفكرة الوسادة بين ريلج وتحت الكرشه واايد تسااااعد...
وبالتوفيق^__^

الموضوع: ممكن سؤال؟

أدوات الموضوع

عرض

ممكن سؤال؟

المزيد من آخر المواضيع من نفس القسم:

المواضيع المتشابهه

ممكن سؤال ....؟ ممكن الجواب للضروره

ممكن سؤال لتاجرات المنتدى,, سؤال ضروري

ممكن سؤال؟؟

ممكن سؤال ديني ممكن اتردون علي جزاكم الله كل خير

ممكن سؤال ؟؟؟