جميرا بيتش وال

[soul]

طبعا كلكن تعرفن جميرا بيتش ولاثنين للحريم بس شو يصير فيها
اقسم بالله لا حشمه ولا حشيمه .. انا اسير مع صديقاتي من الظهر للمغرب
بس هالسيره كالشي غير فيها .. ليش مافي شرطيات ليش مافي رقابه
ما بقول عن اللبس لانكن ادرى.. لكن تي وحده تتفصخ وترقد جدامج اونها تشمس يكفي انها متفصخه تشمس صدرها بعد ليش وتفصخ()()
صارت ضرابه بين جنسيتين عربيتين بسبب هالسالفه وحده قالت للثانية غطي وهم حريم كبار يايات مع بناتهن ومطلعه ()() ويالسه الحبيبه مجابلتها قالت لها غطي صدرج انا ما اطلعه جدام بناتي وتلحفي وبعدها صار السب والمشاوت بكواب البيبسي والتقرميش ومسحب الشعر . المهم اللي كانت متفصخه شردت
بعيد قامن البنات المتيمعات ويدقن طبل وشوفو الرقص اللي كان بالمايوهات
والهز وال وال وال الخ
صدق صدق في منتهى قلت الادب ...

والشي اللي بيموتني قهر البويات اقسم بالله ماشفت بويه وافده.. بس مواطنات
البوي لابس لبس شباب وشعرها بوي والبنت لابسه لبس بحر مفصخ وكالشي يصير علني امبينهم
.. والبويه لو عجبتها وحده اطالعها في اماكن صج صج عيب ..بعد ماخلصنا سرت السياره وانا في طريجي للباركنات جدامي صار موقف آآآآآآآع كيف جذي
يت وحده وحطت راسها ع جتف البوي جان ربيعته اونها زعلت وسارت بعيد
ركض وحضنها وووو آآآع باستها ع .... ورجع اونه للثانيه ومسكها من ايدها ومشو ثلاثتهم
مع بعض ..

لبسة عباتي وسايره اطلع من الحديقه وسياير صديقاتي وراي .. الا بورش جدامي موقف ومافي مجال اطوف ادق هرنات محد يتحرك اتصلت لربيعتي
وقلت لها سيري لها وقوليلها حركي .. سارت وشافت الطامه الكبرى
ثنتين و قاعدين ورى في السياره لاحشيمه ولا شي والوضع يبط الجبد
صارن يتفاخرن باللي يسونه ... حسبي الله ليش جذي يصير ..

شو اقول والله كنت برمس في البث المباشر بس اربيعاتي يقولن لا تسوي جذي بيسكرن الحديقه عن الحريم ونحن بنتبهدل ..

وحده من صديقاتي حطت قران في سيارتها وعلت عليه جان تيها وحده تقولها
ما تسمعين دق بندي القران هذا بدال ما يوقفن دقهن وع صلات المغرب..

احس اني مب مصدقه ليش البويات بس مواطنات اللي شفتهن ..

ماعرف اذا في حد منكن يشوف اللي انا شفته في هالحديقه اللي صج قهرتني
هالمره .. والله استانس فيها مع صديقاتي نسبح ناكل ونسولف
بس مافي رقابه ليش ؟

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[احلى شجون]

الله المستعان ،، الله يهديهم يا رب ،،، ويعقلهم ،،، آآآآآآآآآآآخر الزمان لاحول ولاقوة الا بالله

[شيطونــه]

هاي اهوال اخر الزمن ,, الله يعنيا و يستر علينا ,, و بيعد هالاشكال عنا ,,

[مزيونة راك]

لاحـــول ولاقــوة إلا بالله

كـــثر ت المفاسد ولايوجــد رقابه عـ هالفئات ..

والله يرحما بــرحمته

[كلينكسه]

يقولون هاي من عجايب الدنيا العشر ..............هههههههههههههههههههههههه............ .............ز

[النخلة الشامخة]

السلام عليكم خواتي

صدقج والله مهازل انا من كم سنه كنت اسير هالحديقه بس اخر مره شفت موقف صدق يلوع الجبد وينرفز شفت روسيه ما عليها شئ وموخيه يعني مثل الركوع والريال اللي يراقب البحر محطي الدوربين عليها ويطالع انا مستغربه اقول حق ربعتي هاي لابسه شئ والا انا ما اشوف عدل وهي انصدمت وقالت ها خلنا نطلع بسرعه المهم رديت خبرت اختي اتصلت البلديه وخبرتهم عن المنكر اللي صار وعن الريال وكيف مخلين ريال في يوم الحريم
عاد شو اللي استوا ما ندري لان من هاك اليوم ما سرنا
حسبي الله عليهم لاعبين في بلادنا لعب وما يرومون يقولون حق السواح شئ يخافون

اتصلوا البلديه وخبروهم يمكن يسوون شئ وان ما سوا البث المباشر والا ضاحي خلفان ما بيقصر

والله يستر علينا والله يحفظ بلادنااااااااااااا

[نــــوره]

اخخخخ

هالأماكن ما تنطاح

خلوها لأهلها

الله يجيرنا من اليور الي صاير في البلاد

[Baith]

اختي لو بتكلمين من اليوم لي باجر محد ببيرد عليج احسن لج واستر لاتروحين لان مع الوقت الواحد بيتعود انه اشووف هالاشياء وبتموت الغيره عنده

صج انج بتنحرمين من انج تغيرين جو بس عسي ربي يعوضج بلاخره بحسن من هالدنيا ولا يصير عندنا بلاده

اللهم استر علينا وعلي عيالنا يارب العالمين

[butterfly11]

لا حول ولا قوه الا بالله

صدق الزمن تغير وبعدين اختي ليش ما تتصلين في البث المباشر احسن انهم يلغون يوم الحريم ولا تستوي هاي البلاوي في بلادنا.. انتي خايفه على هاليوم لا يلغونه وما ختفي على بنات بلادج .... المفروض الاماكن اللي فيها هاي الاشياء ما تسيريلها عشان ما تشوفين المناكر اللي تستوي.......... الله يهدي الجميع

[shamma]

نحن مافتكينا من شاليهات الممزر

وهني بعد يوونا

[طلوع الفجر]

لاحـــول ولاقــوة إلا بالله

[Evita]

الله يلعن البويات و يوم البويات شكل البويات والسحاقيات الشاذات اللي يصدقن البويات....مالت عليهن المنحطات ...اللي بينخسف بنا و السبه ها الاشكال المقرررررررررفه .....
و ليش ما ترمسين في البث المباشر خل يسكرون الحديقه و لا يستوي هالمنكر في بلادنا....و صدقيني لو خبرتي ما خبرتي هالحديقه مستحيييييييييييييييييييييييييييل تتسكر لأنهم يكدون من ورها بيزاااااات .....

لكن خل ايبون شرطيات على الاقل يوقفون هالمهزله اللي يالسه تستوي

[ع الابداع]

وانا بعد اقول

تتسكر الحديقه وطز فيها

من زينها من حديقه اللي مطلعه الهاء والهذاك !!!!!!


خواتي لا تسكتون عن المناكر ... اي شي تشوفونه غلط تكلموا عنه

واكرر تتسكر الحديقه ولا تستوي مثل هذه المهازل

طز فيهن يعلهن ما يحصلن مكان يسوون فيه بلاويهن ...

وعشان ما تزيد ها البويات .. حسبي الله عليهن .. والله يهدي من يشاء



" من ترك شيئا لله عوضه الله خيرا منه "

[افطيم 2007]

الله يلعن البويات و يوم البويات شكل البويات والسحاقيات الشاذات اللي يصدقن البويات....مالت عليهن المنحطات ...اللي بينخسف بنا و السبه ها الاشكال المقرررررررررفه .....
و ليش ما ترمسين في البث المباشر خل يسكرون الحديقه و لا يستوي هالمنكر في بلادنا....و صدقيني لو خبرتي ما خبرتي هالحديقه مستحيييييييييييييييييييييييييييل تتسكر لأنهم يكدون من ورها بيزاااااات .....

لكن خل ايبون شرطيات على الاقل يوقفون هالمهزله اللي يالسه تستوي

تسلم يمناج علي هالرد الله يرحمنا برحمته

[hanood9]

نصيحه مني لج اختي .... الاماكن الي تحسينها ما تناسبج لا تروحين لان بتشوفين فيها اشياء ما تعيبج وبتعورين راسج وبتتكلمين وبتتكلمين ولكن هل من مستمع؟؟ ... هم فاتحين لهم جي ومعطينهم راحتهم ... ومستحيل ما يعرفون ان هالاشياء تصيير هناك ... ولا تنسين ان نحن بلادنا فيها من مختلط الجنسيات والديانات فتوقعي اي شيء ^_^ والسموحه