جنسية ام الزوج ...

[.pure.]

السلام عليكم ...

الموضوع يتعلق بوحده من معارفي وبحاول اختصره قد ما اقدر

يا بنات كيف تنصحونها تتصرف !!!

البنت هذي اللي بعمرها عرسن وهي ولا مر انخطبت

والحين ياها واحد من قبيلة معروفه والريال زين بس امه مب مواطنه

هل هذا سبب يخلي اهلها يرفضونه !!

وشو. رايكم بحريم عايلتها يعني عماتها وخالاتها ويدتها وهم يحاولون يوقفون نصيبها ويقولون. لها كيف تكون عمتج من الجنسية الفلانية والناس بيعايرونج عقب !!!

شو رايكم بنات ! علما انه البنت كبيره مب صغيره وهاي فرصه ما تتعوض لها .... وكيف تقدر تقنع اهلها فيه ؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[شقد أحبك]

مول ما يخصه يعني ام ريلج يوم تكون مواطنة احسن من غير المواطنة
اهم شي الاسلوب و الاخلاق عمره الجنسية ما كان معيار للحكم ع اخلاق الشخص
و تطلب لها ملحق اقل شي او سكن خااااص مستقل

[مريم الكعبي ^]

مايخصة حبيبتي واهم شي الاخلاق شو فيها اذا امه مب مواطنة وانتي مصل ماقلتي هي كبيرة مب صغيرة

[هادئة الروح]

سبحان الله لا فضل لعربي علي اعجمي إلا بالتقوي والعمل الصالح ما بالك اذا عربيه مثلنا
ثم شو ميزة المواطنه عن غيرها الا بالخلق الحسن
اللهم إنا نعوذ بك من الكبر وسوء الخلق

[مالتيزرس]

فديتج هيه ماعليه مَ‘ـَُِنٍّ حد اهي الللي بتعيش معاه هب هم. ودام الريال مابنعاب خليها تستخير وتتوكل وهيه بتتزوج الريال هب امه. وكفاية ان عيالها باجر بيكون جنسيتهم الامارات. واذا تبعت كلام الناس بتتعب وهاي فرصتها دامها كبيرة والفرصة مرة فالعمر

[يمامة أيوب]

مافيها شي ..تبين الصج احس اهلها ( حريم العايله) هم اللي خايفين الناس يعايرونهم وفوق هذا هم اصلا عارفين نفسهم انهم هم اللي من النوع للي يعاير عشان جذي..بيزنون لين ما تتفركش السالفه

لكن ابد مب شي مهم جنسية احد الوالدين وتقولين من قبيله معروفه يعني اسامي عيالها بيكونون شايلين اسم القبيله شلهم بجنسية ام الزوج؟؟ الحين ببطاقه العرس بيكتبون اسم الريل وله جنسية امه ؟
الناس بتعرف ولد فلان الفلاني ماخذ بنت فلان الفلاني وبس انا سوالف مجالس الحريم ابد مب مهمه ولاا راح تجدم او اتاخر اي شي سواء لها او لعيالها

وام الزوج مهما كانت ام نفس ام الزوجه لها احترامها وتقديرها ومكانتها

الله يجعله من نصيبها لو هو خير لها

[hamoudmam]

مافيها شي ..تبين الصج احس اهلها ( حريم العايله) هم اللي خايفين الناس يعايرونهم وفوق هذا هم اصلا عارفين نفسهم انهم هم اللي من النوع للي يعاير عشان جذي..بيزنون لين ما تتفركش السالفه

لكن ابد مب شي مهم جنسية احد الوالدين وتقولين من قبيله معروفه يعني اسامي عيالها بيكونون شايلين اسم القبيله شلهم بجنسية ام الزوج؟؟ الحين ببطاقه العرس بيكتبون اسم الريل وله جنسية امه ؟
الناس بتعرف ولد فلان الفلاني ماخذ بنت فلان الفلاني وبس انا سوالف مجالس الحريم ابد مب مهمه ولاا راح تجدم او اتاخر اي شي سواء لها او لعيالها

وام الزوج مهما كانت ام نفس ام الزوجه لها احترامها وتقديرها ومكانتها

الله يجعله من نصيبها لو هو خير لها

نفس الكلام كنت أبغي أقوله الناس تنعرف بأسماء وجنسيات أباءهم مب أمهاتهم
تستخير و تتوكل على الله

[m3andah]

ما يبالها تفكير ,,لو الشخص اوك تستخير وتوافق وتحاول تقنع اهلها

[مس ستايل123]

برااايهم والله طاااف شو يعني
مب مواطنه يعني مب ادميه ..
انا ربيعتي الروح بالروح بنت عرب وناااس واصل وخدت واحد امه باكستانيه
والله الام محترمه وذوق واخلاق

مع احترامي بس لو عماتها وخالتها هالقد خايفين عليها جان خطبوها لعيالهم
اذا الريال زين ومافي شي خل توافق هي بتاخذه هو ما بتاخذ امه
واايد بنات امهاتهم مب مواطنات .. هندياات وباكستانيات وفلبينيات وجنسيات عربيه مافيها اي شي ليش هم مب اوادم لا ويمكن يطلعون احسن منا بالف مره

[.pure.]

بنات للتوضيح انه اغلب المعترضات كبار فالسن ومب معرسات ... يبنها اتم يالسه مثلهن ولا مادري شو قصتهن , خلن البنت تسير في نصيبها ، مستغربه من التخلف اللي للحين الناس عايشه فيها بسبب هالموضوع !!

هي الحمدلله اهم شيء امها وابوها وهم مب ماسكين نقطة جنسية الام وايد ، بس تعرفون كيف يوم اللي مالهم خص يدخلون فالموضوع ويحاولون يخربونه

الله يشغلهن بنفسهن عنها

[هزووفه]

الغاليه عمرها الجنسيه ما تعلى فوق الاخلاق ..

والله يهدي اهلها ..

[عسوله بنت]

انشاء الله خير

[هنادين]

حشى واهلها مايشوفون انها كبرت والريل مب كل يوم بييها ... والله عذر سخييييييييييييييييييييييييييف هي بتتزوجه هو ولا امه؟؟؟؟؟؟؟ وبعدين المفروض يشوفون اخلاق ودين الريال مب امه واصلها استغفر الله ... الله يهديهم بس خليها تستخير وتتوكل على الله وان لها نصيب وياه ان شاء الله بتاخذه... الله يوفقها يارب

[دلوعه حمودي]

لاوالله شو يعني لم الام مب مواطنه ترا الريال مواطن والله ناس ماعندهم ساالفه يحمدوا ربهم لم بنتهم يها معرس وهي كبيره مب يتكبروا اختي خليها التوفق باجر لم تصير عيوز لا زوج ولا عيال محد بيفيدها

[اسيرت شوق]

بكل بساطة تقول للي مب عيبنها تقولهم عيل خطبوني لعيالكم مب بس تتكلمون على الفاضي

في ناس بس فالحه للكلام الفاضي ومرات اقرب الناس لك جي واذا احتاجة لهم محد مستعد يساعدها يعني هم بس كلام في كلام