جنسية ام الزوج ...

[American.Stor]

وين المشكلة عادي مافيها شي
اهم شي الشخص نفسه


الله يوفقها ويكتب لها الخير يارب

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ورقة ناعمة]

هيه بتاخذ الام ولا الريال بتعيش بغرفة وحده مع ريلها مب ويا امه ,,,

والناس بتعاير يوم ويومين ولا شهر وبعدين بتمل وهيه خليها تطنش ومحد بيقدر يقولها شي الحمدلله دام ام ريلها

مسلمة هذا اللي الواحد يفتخر فيه ,, نعمة الاسلام عظيمة ,, تستخير بالاول والاخير ...

[Manar N]

(إذا جاءكم من ترضون دينه وخلقه فزوجوه)...هذا هو المعيار...وسبحان الله أحيانا تلقين الناس تنتقد شي عندج وتعيبه..لكن لو صار نفس الشي معهم بيوافقون بيقولون كل الناس خير وبركة..لا تلتفت لكلام الناس ما بينفعها بشي...لو فيهم خير كان رجعوا لشرع الله وأحكامه وتمنولها الخير..

[ملكة الاحاسيس]

شوجنسيه الام

[نوف الطائي]

مب مواطنه مب مو مسلمه و كافره ام الريال
شو هالتفكير .. الحمدلله والشكر

[لمياء2007]

استغفر الله من مواضيع العنصرية ، ليش الادارة تسمح باستمرارها.

[.pure.]

استغفر الله من مواضيع العنصرية ، ليش الادارة تسمح باستمرارها.

أختي لو مب عايبنج الموضوع ما كان له داعي تدخلين وتفتعلين هالشي

العنصرية هذا شي نعيشه فالواقع

والموضوع ماشي عادي ومحد ياب طاري العنصريه حرفيا

وبعدين الخوات ما قصرن

والبنت وايد استفادت من ردود البنات اللي يدل على رقيهن

اشكركن خواتي على ردودكن الطيبه ما قصرتن

[ريم العسووله]

انزين ليش حريم عائلتها الكريمه
ما دوروا لها ولد الاصل والفصل ولا محد ياب لها ريل
بس فالحين يعطون رايهم وهي بعد تسمع كلامهم
حد لاقي ريل هالايام ؟؟؟ خل تدخل قسم المتأخرات عن الزواج وتشوف كيف البنات خاطرهم حد يخطبهم
اعتقد اطنشهم وتتوكل علي الله وتوافق

في الصميم ...

[hamoudmam]

مافيها شي ..تبين الصج احس اهلها ( حريم العايله) هم اللي خايفين الناس يعايرونهم وفوق هذا هم اصلا عارفين نفسهم انهم هم اللي من النوع للي يعاير عشان جذي..بيزنون لين ما تتفركش السالفه

لكن ابد مب شي مهم جنسية احد الوالدين وتقولين من قبيله معروفه يعني اسامي عيالها بيكونون شايلين اسم القبيله شلهم بجنسية ام الزوج؟؟ الحين ببطاقه العرس بيكتبون اسم الريل وله جنسية امه ؟
الناس بتعرف ولد فلان الفلاني ماخذ بنت فلان الفلاني وبس انا سوالف مجالس الحريم ابد مب مهمه ولاا راح تجدم او اتاخر اي شي سواء لها او لعيالها

وام الزوج مهما كانت ام نفس ام الزوجه لها احترامها وتقديرها ومكانتها

الله يجعله من نصيبها لو هو خير لها

نفس الكلام كنت أبغي أقوله الناس تنعرف بأسماء وجنسيات أباءهم مب أمهاتهم
تستخير و تتوكل على الله

[روح.الامارات]

لاحول ولاقوه الا بالله .. الرسول قال لافرق بين عربي و اعجمي منو نحن عسب نفرق ..
اذا البنت موافقه اهلها ليش يدخلون !! انا اشوف الاهل وظيفتهم يسالون عن الريال و اذا اوكي يشاوورون البنت
والقرار الاول و الاخير لها
الله يسر لها الخير

[راعية الدار.]

الله ايسرلها امرها ان شاءالله ويهدي اهلها