مالجة يديد ..

[NWEW]

السلام عليكم

حبايبي توني مالجة بس المشكلة ماعرف اتعامل وياريلي وماعرف افتح حوار ولا اعرف ارمس وقبل لايتصل اكون مزهبتله سالفة اوموظوع بنتناقش فيه ويوم اسمع صوته كل شي يضيييييييييع واسكت وكلامي يكون بسييييييييط مب حابة شخصيتي وطبعي ابا اكون ريلاكس اكثر ابا اقوله كلام حلووو من غير ماستحي او اتردد حتى كيف ابني حوار ممتع بيني وبين ريلي مشكلتي عشت فترة طويلة هب اجتماعية ويا الناس ومارمس بالتلفون وايد ابا اتغير ودي اكون جريييييئة واهذرب وايد هههههههه كييييييييف ؟؟؟؟؟

ويزاكم الله خير مقدما ادري مابتقصرون

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[الأحلام الملونة]

أولا ألف مبروك

الصراحة هناك دور كبير علي الطرف الأخر وهو الزوج لأن بطبيعة الحال الرجل عندة الجراءة أكثر من البنت وهو من يعطيها طرف الخيط

ويفتح حوار وسوالف ومنها تستمد البنت الحرية والجراءة ويحدث بينهم ترابط أكثر

كونك ببداية الطريق أن شاء الله مع المدة والتعود علي الطرف الآخر بتكون الأمور أحسن مما تتمني

جربي المسجات واذا بينكم الحديث علي البلاك بيري والتواصل حتي تخف هذة المسئلة وحين يكون لقاء يصبح الأمر أسهل

الله يكتب لك كل خير

[ريم العسووله]

بالبركة الله يوفقج ...

أنصحج تكونين عفوية و طبيعية و خلي الكلام بروحه يي ...
و مب شرط تكونين هذارة عشان تكسبين زوجج ... الهذرة راح تعور راسه ... بستحملج و يجاملج في البداية بس عقبها بيطفش ...
أنصحج بأن تختارين المواضيع بذكاء و تختصرين كلامج و تختارين كلامات مؤثرة لأن راح يعكس شخصيتج عنده ...
و اذا تستحين تقولين له كلمات حب و غزل فأبتدي تقولينها عن طريق المسجات و عقبها تدريجيا حاولي تقولينها بصوتج في الفون ...
الله يوفقج ...

[ضحيه زماني]

احس ان مع الايام بتتعودين والله يهنيج استمتعي هاي احلئ فتره

[طيف الغربة]

الاحلام الملونة ماقصرت كلامها صح ^_^

ومع الوقت والايام بتتعودين

ربي يوفقك

[عويش88]

هلا حبوبه....

الله يوفقج فحياتج...

بالنسبه لموضوعج هو شي طبيعي مع الايام بتتعودين...

واذا على سالفة هدوؤج وانج مب اجتماعية..
قبل لا يدق خذي نفس عمييييق (شهيييق و زفيييير)
وعقب تخيلي انج ترمسينه وانتي مرتااااحه وتخبرينه كل السوالف اللي فخاطرج..((بس هااا مو كل شي عاااد..خلج غاامضة ))
اول يوم يمكن ترتبكين شوي مع تكرار الشهيق والزفير + الخيال بتروميييين وبتقوليين عويش٨٨ قالت..

[ع ـيميه]

مبرووك حبيبتي ^^

ماعلييييه .. شي طبيعي انج تستحيين لإنج مب متعودة على ها الاجوااء

لا تجهزين له سالفة ولا شي

لان الريال بطبعه أجرأ من البنت وبتحصلينه هو اللي بيسوولف ويثرثر وانتي عااد فـ هالوقت ابدي سوولفي وبتحسين ان الموضوع عاااادي جداً وماكان يباله اي ارتباك وتوتر

ومن ناحية الكلام الحلو .. ماعليه اول شي بالمسجاات ومن تتعودين تشوفينه ويشوفج واتصالات من بينكم بتعطينه من الكلام الحلو بدون ماتستحين بتطلع عفويا اصلا

[دانة_ دبي]

ما عليج بعدج ف بداية المشوار
خلج هادية رقيقة اجتماعية
حاولي تكونين اجتماعية و حبوووبة لان ها الصفتين وايييييييد يحبها الريال خاصة من ربيعاتج اهلج جيرانج اهله
و السوالف بروحها بتطلع نوعي ف المسجات تراها مكودة فالنت بس لا تكثرين اشياء خفيفة مثلا شوق و ها السوالف الخفيفة

[ام الزين كله*]

انا كنت مثلج فالبدايه كنت مستحيه وكملت شهر وعقبها تعودت عليه وعلى سوالفه
الله يوفقج معاه

[ورقة ناعمة]

ماعليه فديتج الحياه تعلم وباجر ببتتعلمين ........مع الايام بتحسين عمرج جريئة

[مس ستايل123]

انا نفسج هههههه فالبدايه جي كنت بس احين كووول

[ف.كولكشن]

الف مبروك حبيبتي

[مثلي قليل]

مبروك حبيبتي
منو قالج أن الريال يحب البنت الجريئة؟؟
لا حبيبتي حيائج وأنج بنت ماتعرفين تدبرين نفسج هذا يطمن الريال أكثر أما لو كنتي مبلتعه وملسونه وعادي عندج بيحس أن ورى هالجرأه شي !!
حلات البنت بحيائها وخلج مثل ما أنتي لين تتعودين عليه لاتصدمينه بجرأتج

[LADYSHOP]

مع الايام بتتعودين

الله يوفقج يارب ^^

[روضه123]

لا تجعلوا يومكم يطوى دون أثر حسن ،
صلوا ، تصدقوا ، أطعموا ، اتلوا القرآن ،
أقرؤا أذكاركُم، سبحوا و استغفروا..
فالأيام لا تعود !