عمري 22 سنة !!

[Rayooma*]

السلام عليكم ورحمة الله وبركاته شحالكم ,؟
مثل ماعرفتوا عمري 22 واحس عمري عانس تأخرت ع الزواج , اللي قدي عرسوا ويابو يهال الحمدلله والله يسعدهم انا ما احسدهم اتمنالهم الخير والسعادة باذن الله والحمدلله يخطبوني بس لازم فيهم عيوب تحسون اني كبرت صححح !!
احس بفرااغ مب طبيعي
وانا انسانه مصلية وادعي ربي كل يوم والله يرزقني ويرزقكم

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[طيف الغربة]

فديتك 22 بعدك صغيرة وين عنستي !!

بيجيك النصيب حببتي وبهالفترة اشغلي نفسك عمل دراسة اي شيء لاتفكري كثير النصيب يجي بوقته مب شرط 20 ولا 25 حتى

ربي يسهل امرك ويرزقك كل ما تتمني

[أم راشد العين]

ياقلبي
بعدج صغيرة كتكوته
الله يحفظج ويرزقج بالزوج الصالح

[Rayooma*]

فدييييتكككم ماتقصروون , ترا الايام تمرر ونحن مب حااسييين

[كراميلا1]

بعدج صغييييره

[Mrs razan]

شو تقولي علي عمرهم اكتر على 30 سنه انتي بعدج صغيره شيلي فكرة الزواج من بالج وانشالله الي فيه الخير بينكتب لج

[عود منثور]

توج صغيره
عيشي حياتج ويا اهلج
الزواج حلو واستقرار
لكن عقب خلاص مسوؤليه بيت وعيال وزوج
يعنى ما بترقدين وتنشين وتاكلين متي تبين
بتكونين مقيده بوقت ريلج وعيالج
وانتي اساس البيت لو عندج عشر شغالات
بس انتى تاخذين قرارات من غير الحمل وتعبه والولاده والتربيه
يوم بتكونين جاهزة ربج بيرزقج فالوقت اللي هو حدده
انا عرست وانا اكبر عنج بوايد
وانصدمت بالمسئوليات
بيت اهلي مب بعيد بس ما عندي وقت ازورهم مع انى ما اشتغل وعندي بشكاره بس خلاص بيتي فالمرتبه الاولي
اول ما عرست وطلعت عنهم كنت اصيح وايد اشتاق لهم

اشبعي من اهلج وربيعاتج وروحي اعراس وعزايم
عقب ما بتدفنين عمرج بس طبعا ما يستوى كل اسبوع تخلين ريلج وتطلعين ولا تروحين اعراس ربيعاتج
وحتى الفون انا استحي اتم ارد واتكلم ويا ربيعاتي طول الوقت الا يوم ريلي يطلع
يعنى الزواج حلو بس بعد عليج واجبات انتي محاسبه عليها جدام ربج والمجتمع
عيشي وقتج والله بيرزقج ويرزق كل بنت بالزوج الصالح

[Unkonwn]

اختي توج 22 ..
و سن العنوسة 35 .. مع ان في حريم عرسن بهالعمر عادي ..
وشكلج اختي حاطه الزواج انه كل شي في الحياة ^^ وهالشي سلبي جداً.
عيشي حياتج .. ادرسي و داومي ترا الزواج مسؤولية كبيرة و مرات يكون ضغط وانتي توج 22 ..

و البنات يعرسن بعمر 18 و 19 و 20 و بعد يعرسن بسن 25 و 26 و 27 و كذلك بسن 30 و 31 و 32 .. فلا تربطين العنوسة بعمرج ابداً .. حتى لو كنتي في الـ40 و مكتوب لج تعرسين بتعرسين وترا صارت
واهم شي تختارين الريال الزين ..
و الله يوفقج في حياتج

[مريم الكعبي ^]

بعدج الصغيرة حبيبتي عيل اللي وصلنا الثلاثينات شو يقولون
ع العموم الله يرزقج ب الزوج الصالح

[أم_سواف]

22 مب صغيره ...هذا راي
بس اكيييييييييييييد مب عانس
يوم بي حد يخطبج فكري عدل و إذا في عيوب بسيطه اتغاضي واهم شي استخيري

[انفاسک تذوبني]

لو جدامي كنت ضربتج بكـــــس

اونه 22 و عنستي

عيشي حياتج هالعمر أحلى عمـر، والله بتتحسفين اذا عرستي احين

ربيعتي عرست و هي 23 والله مب متهنية ف شي كله تحاتي عيالها و ريلها و منو مرض و تاخذ اجازات عسب عيالها مرضى

و حاسدتنا على وناستنا و لأنه مب مستعيلين

نحن نطلع و نستانس و هي ف البيت ترقد عبود و حمود !! !!

ليش مستعيلة عالعرس ؟؟ تقدملج انسان يخاف الله توكلـي ، واذا بعده ما تقدم عيشي حياتج

الحياة مب بس ريــــــــل و عرس !! !!

استانســــــي دبوه مع ربيعاتج و اطلعي و سوي الي تبينه لأنه عقب بتنحرمين منه

[صنعاء87]

فديتج لاحقه على الزواج والمسؤوليه
عيل انا عمري 25 وعادي مو حاطه ببالي لان كل شي نصيب ومكتوووب
يوم ربي كاتب راح يصير سواء انا فكرت او لا ..
واهم شي يكون صااااالح .. يعني مب اي واحد نرضى فيه لمجرد ان العمر يمشي ^^
ربي يوووفقج يالغاليه ويرزقج بالزوج الصاااااالح ولاتفكري ولا تهتمي ووكلي امرج لله

[ليتك تفهمني]

ماعرف ليش هالجيل الصراحه همهم العرس على بالكم العرس وناسه وطلعات ورومانسيه
يمكن بس اول 3 شهور وبعدين خلااااااااااااص تعب في تعب ومسؤليه
وهم الريل اذا اوكي ولا يلعب

انا عرست وانا عمري 25 سنه بس اقول في خاطري ليش استعيلت
انا من رايي تنسين سالفه العرس لاتخليينه هاجس في حياتج انتي احين اتشوفين اربيعاتج عرسن ع بالج مرتاحات يمكن هن يبينن لج هالشيء
بس صدقيني ف بيت اهلج اريح لج وانتي بهالسن
والله يرزقج باللي تتمنينه

[Bint Alali]

صج بنااات هالزمن مطفوقاات على العرس
شو تبين بالعرس و يولته؟؟
شو ما كان العرس حلو و ريلج زين،، بتبقى له مسئوليته اللي تنكد عليج
بعدج صغيرة، اشغلي نفسج بدراسة أو تعلم لغة يديدة أو اشتغلي،، حاولي تستفيدين من فراغج الحين
لأنه بيي لج وقت ما بتفضين فيه لنفسج حتى

و ياارب يرزقج بالزوج الصالح التقي،، ومن بعده بالذرية الصالحة

[يشرفني اخونكـ]

22 ومتأخره ع الزواج !!

الله يهديج بعدج صغيره صح ان الايام تمشي وجي بس بعد الواحد ما يحط في باله الزواج وبس
خلي طموحج اكبر عن جي لأن الدنيا مب واقفه ع الريل وبس !!

واتذكري ان ها كله نصيب واذا ما ياج نصيبج ف الدنيا بيج ف الاخره...

وع فكره انا اصغر عنج بسنه بس تفكيري يختلف عنج .. صح احيانا احس اني ابا اعرس واحس بأحساس الامومه لكن هالشي مب اكبر همي .. ودي اتخرج بأمتياز ويكون اسمي له مكانه ف المجتمع ^^