ريلج تافهه ... !!

**بنت المزروعي** · 2012-09-12, 22:36

السلام عليكم ورحمة الله وبركاته ..

ريلج تافهه ..
ريلج ياهل ..
ريلج سخيف ..
ريلج ماعنده سالفه ..
ريلج مايحس ...

الفاظ غريبة وعجيبه اشوفها في ردود بعض الاخواات .! اسمحووولي بتكلم وبصرااحة ,, انتو خواتي والله يعلم اني اعزكن وابغي لكن الخير
شدني موضوع طرحته وحدة من البنات ربي يسهل عليها ترمس فيه عن ريلها وانه يهتم في شكل جسمها وجي .. الموضوع جدا عاادي بس اتغربت من ردود البنات !! وغيره من المواضيع

البنيه تبا النصيحة .. اتيي الاخت الناصحة تقولها ماعليج منه هذا مايهتم الا في جسمج وهذا مايعرف قيمتج وهذا مايحس بالي تعانين منه وهذا وهذااا .. انزين ليش كل هذا ؟؟ ليش تدخلين في داىرة انج ممكن تكونين من الي يفرقون بين الازوااج ..

يا خواااتي ليش تستغربوون اذا سمعتو عن ريال يحب دوم يشوف حرمته بدون ترهلات وبدون خطوط ومشدودة .. انتي ماتحبين انج تشوفينه بهالطريقة ؟؟ والله احب اشووف ريلي بأجمل منظر .. هو بعد يحب يشوفج جي ..

ليش تعتبرون انه الجنس ( واسمحولي على هالرمسه ) من الامور الاعتباطية في الزواج وانه في امور ثانيه اهم منه !! لا حبيبتي الجنس ركن اساسي من اركان الزوااج .. اساسا الزواج كله قائم على هالشي .. ليش الرسول عليه الصلاة والسلام يقول " يا معشر الشباب من استطاع منكم الباءة فليتزوج فإنه اغض للبصر واحصن للفرج " .. ماقال الرسول تزوجو لان في الزواج الاحترام والمودة والعطف ( مع انها اموور موجودة واتيي بالعشرة سبحان الله ) بس الزواج شرع عسبت كل من الحرمة والريال يحصنون نفسهم من الزنا عافانا الله ..

وهالشي يلزم انه الريال يشوفج بأحسن منظر .. خلاصة كلامي كله والي ابا اوصله " مايلفظ من قول إلا لديه رقيب عتيد " .. ديرو بالكم من أي كلمة تطرحونها في المنتدى والله انكم بتتحاسبون عليها يوم القيامة

ممكن تقولين الكلمة وتروحين في حال سبيلج .. بس الحرمة الي طلبت النصيحة ينخرب بيتها بسبت كلمتج ..
وعلى فكرة نحن الحريم نتأثر ببعض وااايد وناخذ بكلام بعض .. مثلا وحدة يت حق ربيعتها تشتكي من ريلها بتقولها الثانيه والله شكله ريلج هذا نصاب ويقص عليج ومادري شو او شكله يخونج وانتي ماتعرفين .. ترجع المسكينه البيت والكلام في راسهاا وتتأثر فييه وتظن مثل ماقالت لها ربيعتها ويندمر بيتهاا ..

اخيرررا بقول " اذا كان الكلام من فضة .. فالسكوت من ذهب " وهذا للي ماعندها نصيحة خير ..

واسمحولي على الاطالة .. فمان الله

المزيد من آخر المواضيع من نفس القسم:

**AM0OOO0N** · 2012-09-12, 22:43

[COLOR=""]عرفت الموضوع الى تتكلمين عنه

انا ما احط اللوم على ردود البنات لان المنتدى فيه فئات مختلفه من المجتمع

وممكن بنات 14 و15 سنه هاى بالله شو بتنصحج

يعنى المفروض نفكر 100 مره قبل لا ننزل موضوع عن حياتى[/COLOR]

**سفيرة دبـي** · 2012-09-12, 22:44

بالفعلٰ
اتمنىٰ النصيحةٰ تكونٰ واضحهٰ و ما تأثرٰ ع حياهٰ اليٰ طالبةٰ النصيحهٰ
لنها ف موضعٰ اتنفذٰ ايّ شيٰ عسبٰ المشكلةٰ تنحلٰ ..

بعض المواضيعٰ تعتبرٰ حساسهٰ لدرجةٰ اني اكتبٰ و امسحٰ
و عقبٰ ما اكتبٰ دعوةٰ لها تكفيٰ و لا نخربٰ بيتهاٰ بسبتٰ ردودٰ
منافقهٰ كانتٰ او سلبيهٰ بعيدهٰ عن الواقعٰ و المشكلهٰ

اجملٰ شي النقاشٰ صدقٰ خاطريٰ نرتقيٰ بالردودٰ و نبتعدٰ
عن الضرابهٰ و الافتراسٰ .. اذا وحدهٰ رايهاٰ سلبيٰ خل ناقشهاٰ
و نعرفٰ وجههٰ النظرٰ

الالفاظٰ اليٰ ذكرتيهٰا ما تنذكرٰ الا منٰ شخصٰ غيرٰ مباليٰ و اان كانتٰ
لحظهٰ الكتابهٰ انفعاليهٰ شيٰ تعديلٰ عدلو فـ

(( ما يلفظ من قول إلا لديه رقيب عتيد ))

اسفهٰ دخلتٰ اكثرٰ نقطهٰ ف موضوعجٰ

**ع ـيميه** · 2012-09-12, 23:24

كلامج سلييييم

الله يهديهم

مشكورة يالغاليه ع الطرح للتوعية

**عطر شرقي** · 2012-09-13, 00:11

كلام فالصميم وياليت البنات يكونن واعيات لكلامهن اكثر

**Em Wesam** · 2012-09-13, 00:23

كلامك مية بالمية صحيح

وسبحان الله الواحد بخاف يكتب احياناً أي كلمة تسبب مشاكل عند البنت او اي بنت تقرأها

لهيك نحاول نكون حياديين أفضل شيء ونميل لحلول الصلح

**بنت المزروعي** · 2012-09-13, 00:23

يزاكن الله خير .. وردودكن اسعدتني ..

**مندوبة جدة** · 2012-09-13, 00:29

برااافوا

**عشق طاهر** · 2012-09-13, 00:36

صح كلامج

الله يهديهن

والمفروض ان الي بتحطي مشكلتها
تعرف ان هالمكان فيه عقول تفكر بطرق مختلفه
وهي المفروض تاخذ الكلام الي يناسبها وتبتعد عن الكلام او النصيحه الي بتيب لها عوار راس

***7rm s3eed*** · 2012-09-13, 01:38

كلامج عين العقل

وبعدين اساسا بعض المواضيع المفروض ما تنطرح بالمنتدى
والوحدة المفروض ما تاخذ شور أي حد
نحن مب مستشاريين أسريين عسب نفهم الموضوع ونحله بطريقة صحيحة !
وخاصه هني شي بنات يهال وبنات تفكيرهم مادري كيف ويحكمون ع الريال بطريقة انا استغرب منها ! على أي أسآس انتي حكمتي ؟

وبعدين وحدة كانت منزلة موضوع ومشتكية ردت عليها وحدة تلاحقي ع ريلج يمكن يخونج !
يعنننني نعممم ؟ ليش تدخلين هالفكررة والشك ف بـالها !! ليش إساءة الظن !
ليش تساهمين بتخريب علاقتههم !!
وعلى اي أساس بعد قلتي جييه !!!
يخربطوووون والله وما يحسون بأعمارهم . . .
حاسبو عماركم قبل لا تقولون كلمة
يا انكم تصلحون يا انكم تصخون

**صبا الخليج** · 2012-09-13, 01:49

انا عندي وجهة نظر ان اللي يبا يعطي رايه في شخص لزوم يكون يعرفه او يعرف شخصيته عدل اما ان تعطين نصيحة فقط لانه الحرمة وصفته بها لشي انت نصيحتج ناقصة يبالج تعرفين الطرفين حتى تكوني منصفة اما اذا تبين نصيحة عن موضوع عام اعطيج نصايح بحريه اكثر لانها ما تمس شخص معين يمكن انج تظلمينه

**أحلام علي** · 2012-09-13, 03:00

برافو ياعسل

**كلي امل ~** · 2012-09-13, 03:34

المشاركة الأصلية كتبت بواسطة *7rm s3eed*

كلامج عين العقل

وبعدين اساسا بعض المواضيع المفروض ما تنطرح بالمنتدى
والوحدة المفروض ما تاخذ شور أي حد
نحن مب مستشاريين أسريين عسب نفهم الموضوع ونحله بطريقة صحيحة !
وخاصه هني شي بنات يهال وبنات تفكيرهم مادري كيف ويحكمون ع الريال بطريقة انا استغرب منها ! على أي أسآس انتي حكمتي ؟

وبعدين وحدة كانت منزلة موضوع ومشتكية ردت عليها وحدة تلاحقي ع ريلج يمكن يخونج !
يعنننني نعممم ؟ ليش تدخلين هالفكررة والشك ف بـالها !! ليش إساءة الظن !
ليش تساهمين بتخريب علاقتههم !!
وعلى اي أساس بعد قلتي جييه !!!
يخربطوووون والله وما يحسون بأعمارهم . . .
حاسبو عماركم قبل لا تقولون كلمة
يا انكم تصلحون يا انكم تصخون

اختي موضوعج قمة فالابداع
كان المفروض ينزل من زمان
وانا اشوف انه يباله تثبيت هالموضوع
عسبت كل وحده تقرأ عدل هالرمسه عقب تفكر كيف ترد على المواضيع
ربي يجزيج خير وبركه

،

ورد الاخت الي اقتبسته
حبيت اقول انه ملام سليم وصحيح
يزاج الله خير

الله يهدي اليميع

.

**أم راشد العين** · 2012-09-13, 04:47

بالتوفيق

**ورقة ناعمة** · 2012-09-13, 08:07

الغالية مب كل وحده حطت مشكلتها تتريا الحل من ردود البنات كلن عقله يراسه ويعرف خلاصه

وهذي الردود اللي تتكلمين عنها مب من شخص واحد من عدة اشخاص والاراء تختلف وجهات النظر بعد تختلف

اسلوب اللي تطرح المشكلة هو اللي ينرفز صاحبة الرد فتكتب الفاظ عن الرجل( الزوج ) على حسب ما كتبت من

صاحبة المشكلة ... وما وصلت ان الوحدة قامت تفرق بين اثنين الا هو حل كتابي ونحن مش اصحاب الرد الصحيح

او المعنيين بالرد هذه فقط مجرد رد نرده لو كنا من اصحاب المشكله والوحده لو تبغي الرد الصحيح تستشير اصحاب

المعنين بهذا الشي الاستشارين والتوجيه الاسري لحل المشاكل فأكيد ردهم مب مثل ردودنا لان المشكلة بتنسمع من طرفين

الموضوع: ريلج تافهه ... !!

أدوات الموضوع

عرض

ريلج تافهه ... !!

المزيد من آخر المواضيع من نفس القسم:

رد: ريلج تافهه ... !!

رد: ريلج تافهه ... !!

رد: ريلج تافهه ... !!

رد: ريلج تافهه ... !!

رد: ريلج تافهه ... !!

رد: ريلج تافهه ... !!

رد: ريلج تافهه ... !!

رد: ريلج تافهه ... !!

رد: ريلج تافهه ... !!

رد: ريلج تافهه ... !!

رد: ريلج تافهه ... !!

رد: ريلج تافهه ... !!

رد: ريلج تافهه ... !!

رد: ريلج تافهه ... !!

المواضيع المتشابهه

أحس عمري تافهه بس غصبن عني ..

خطوات تافهه وبسيطه بس تاثيرها اكبر وكبيييييييييييييييييييير جدا جدا وله تاثير فالزوج

هل يجوز أن تطلب الزوجه الطلاق لأسباب تافهه

سؤااااااااااااال تافهه بس ضروري