ساكنه بروحي

[الأصالة]

السلام عليكم بنات وحريم

بصراحه من عرست واحس اني مب عارفه انضم وقتي
و خاصه اني اداوم

ياريت لو كل وحده عندها خبرها تعلمنا وتعطينا من خبرتها
خاصه احنا العرايس الي ساكنات في شقق ارواحهم

خاصة الطبخ والاكل امسويلي عقده
للعلم انا اعرف اطبخ


وشكرا

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[مبتسمةمتفائلة]

الله يعينك

[الأصالة]

الله يعينك

جميعا حبوبه

[مونتاج]

مبروك يا عروس ^_^
بالنسبه لطبخ لابد تجهزينه بالليل و تخليلين فقط خطوات بسيطه يوم تردين من الشغل تكملينها
بالنسبه لترتيب البيت قبل النوم يكون البيت مرتب و لا تتركين شي لثاني يوم بيتراكم عليج الشغل
و الاطباق و الاكواب و اغراض المطبخ
خلي عدد بسيط فقط للاستعمال و الزياده حطيهم في الدواليب بعيد عن الاستخدام
بيكون تنظيفهم سهل و تضطرين لغسيلهم باستمرار ما بيتراكم عليج
ان شاء الله البنات يفيدونج بخبرتهم اكثر عني
موفقه ^_^

[um fa6amy]

انا بقولج نظامي

لأني في شقتيا بروحي

انش قبل ريلي اجهز الفطور والمدخن وعقب مايتريق ويروح ارتب وانظف واغسل واكوي قولي ساعتين وأكون خالصه الشقه كللللها وأقعد فاضيه لين ٢ وعقب اطبخ وخلاص اخليه مكانه أسبح وادخن البيت وقبل لا ايي اصخن الاكل وبس باقي اليوم فاضيه



سوي شراتي كل يوم ثلاثاء اروح كارفور وياريلي ونشتري حق اسبوع بس لان الويكند كله في بيت اهله .. اول مارد اقصص الخضره بالأشكال اللي تبينها وحطيه في اكياس الضغط وحطيه في الفريزر واخراض السلطه برايهن من تردين من الدوام بيكون سهل عليج

والثياب اول باول تغسلين وتكوين

والشقه رتبيها كل يوم واغسلي السامان اول باول وفي الويكند خميها وسوي اللي تبينه

وجي بيكون سهل عليج

[روضه123]

انا بقولج نظامي

لأني في شقتيا بروحي

انش قبل ريلي اجهز الفطور والمدخن وعقب مايتريق ويروح ارتب وانظف واغسل واكوي قولي ساعتين وأكون خالصه الشقه كللللها وأقعد فاضيه لين ٢ وعقب اطبخ وخلاص اخليه مكانه أسبح وادخن البيت وقبل لا ايي اصخن الاكل وبس باقي اليوم فاضيه



سوي شراتي كل يوم ثلاثاء اروح كارفور وياريلي ونشتري حق اسبوع بس لان الويكند كله في بيت اهله .. اول مارد اقصص الخضره بالأشكال اللي تبينها وحطيه في اكياس الضغط وحطيه في الفريزر واخراض السلطه برايهن من تردين من الدوام بيكون سهل عليج

والثياب اول باول تغسلين وتكوين

والشقه رتبيها كل يوم واغسلي السامان اول باول وفي الويكند خميها وسوي اللي تبينه

وجي بيكون سهل عليج

عجبني ترتيب الاخت

[اندلسيا]

والله ما اقدر أفيدك ها اليومين البيت عندي مكركب

لما ارجع لنظامي السابق و ترتيبي ارد على موضوعك عزيزتي
ربي يوفقك

[Dream High]

امممم انا صح ساكنه روحي بس ماقدر اقولج عن نظامي لانه عفيسه هههههه

شوفي الغالية التنظيم اهمم شي ،، ييبي ورقه وقلم واكتبي الاشغال الي لازم تسوينها كلها بالتفصيل ،، وعقب قسميهم خلي الاشيا اليوميه روحها والاشيا الي ممكن كل يومين مرة او فالاسبوع مرة تسوينها روحها ..

وعلى هالاساس رتبي يومج ،، احس يعني عندج من العصر لين قبل ما ترقدين بما انج اتداومين .. خذي من هالوقت ساعتين تخلصين فيهم شغل البيت احس ما تحتاجين اكثر ..

اهم شي ما تخلين الشغل يتراكم ابدا ،، الثياب كل يومين مب اكثر تغسلينهم ،، او ممكن يوم تغسلين ويوم تكوين ..

والطبخ الخوات عطوج نصايح حلوة طبقيها ،، وانا ويا الاخت الي قالت لا اتطلعين من الكبتات الي الي تبينه بس ،، يعني كم صحن وكم كاس وكم خاشوقه والباقي لا اتطلعينه عشان تضمنين انج غسلتي اول باول .. انا اول ما عرست لاني كنت اتعايز اغسل فاستخدم الصحون كلها وايي على اخر اليوم المغسله مليااااانه واهلك وانا اغسل .. الحين لا مطلعه الي احتاجه من كل نوع حبتين والباجي فالكبت ما اطلعه موول ..

والله يوفقج حبيبتي

[شقد أحبك]

حبيبتي كل شي بالتنظيم و بالتعود


انصحج الاشياء اللي ممكن تجهزينها قبل سويها قبل مثلا

السلطات لو بتسوين سلطة للعشاء زهبيها قبل مثلا ع العصر
او حتى طلعي المقادير كلها و حطيها ع طاولة المطبخ عسب تسوينها
السويتات تقدرين تسوينها قبل بيومين ثلاث اكثر ع حسب

كل شي بالتعود حبوووبة لا اتعبين نفسج دوم و اتسوين اشياء فوق استطاعتج
خاصة ف العشاء و الغداء مرة شي بسيط
و مرة اشياء حلوة عسب يعرف انج تتعبين
و مرة اطلبوا من برى مرة تغدي بيت امج مرة بيت عمتج

[موزه السويدي]

الاخت ام فطامي كفت ووفت

[أم راشد العين]

بالتوفيق

[بنت عقيد]

الله يعين الي يداومو صراحة انا فالبيت و مب ملحقة ههههههههههه
احينا اغسل مواعين و احيانا اطنشها لين ليوم التاني
و احياانا ارتب اغراضي واحيا اعقها و سكر الكبت
هههههههههه ما اجمل الحياة و ما احلى الواحد ساكن بروحه
بس تجيني هبات اقوم انظف البيت فوق تحت

[ss91]

بالتوفيق اختي

[^GalaXy^]

يبيلج بشكارة بارت تايم وايد بترتاحين

[غايـة المطلوب]

بعض الطرق اللي تعلمتها وخذيتها من المنتديات
اهم شي قبل ما ترقدين تتأكدين ان البيت مرتبة عشان يوم تنشين الصبح
ما تشوفين العفيسة
بالنسبة لتنظيف حطي الأغراض كلها في سطل تسهل عليج عملية نقلها من غرفة الى الثانية
بالنسبة للمطبخ
الدجاج واللحم ممكن تاخذينه من الملحة مقطع شرايح طولية او حسب الرغبة توزعينه في أكياس حسب كمية المناسبة وفي الفريزر
في اللؤلؤ هايبر ماركت يقطعون لج الدياية عشان ما تضيعين وقت وانتي اتقطعينها وبعد توزعينها في أكياس وفي الفريزر
في حريم يقطعون الخضرة ويفرزنونها اذا تبغين شي وايد طرق بس سوي بحث في قوقل
وقت الطبخ اول باول غسلي اي صحن مستخدم عشان يوم تخلصين من الطبخ ما اتحصلين كومة مواعين خايسة وبعد وقت ما تقطعين الخضرة خلي عدالج كيس اي بواقي تنعق وينربط الكيس وينعق في الزبالة العودة ... يساعد بعد ما يسوي ريحة في الزبالة
في مجال تستخدمين غسالة الصحون اختصار الوقت والجهد