بين نارين

[الروح]

والله حاولت كثير اكسبهم وأعمالهم. مثل أهلي
وأحط ف بيت بس مت يبان معاهم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ابتسامتي غير]

تصبر

ترا الدنيا دواره

[كتكوتة حبيبي]

اصبري واحتسبي وخلي زوجج يكلم اهله يخفون يعليج هذولي جنته وناره

[بنت زاايد]

الزوجه تتعوض بس الام ولاب لا

الام والاب كم بيتمون على الدنيااا...مهما كانت الام الاب مب متوالفين مع حرمة الولد تحاول هي تبرهم لانه بضبببببط لي هيه تسوووويه عيالها بيسووون في زوووجه بضبط مثل ماطلعت زوجها من امه وابوووه عيالها يوم يكبرون حريمهم بيطلعونهم من حياتهااا

كما تدين تدااان

تصبر وتتحمل..وتحتسب كل هذا لوووجهه الله تعااااالى... ادري صعبه وموووت بس تحاول تكسبهم وبكل الطرق اكيد فيه طرييقه ومفتااح لقلبهم لين الحين هي ماوصلت لها المفتااح ويتوصل باذن الله وبتحبهم وبتكوون قربهمم وسبحان الله ربي بيقذف البررركه في حياتهااا وعمرهاااا وحتى زوجا بيسعد فيهاااا مابينسى جميلهااا ابدن ابدن

عليها بالدعاء والدعاااء انه ربي يحنن قلبهم عليهااا مافي شي اقووى من الدعااااء اخرتها بيتغيرووون وهي بتحبهم

عنوان الموضوع بين نارين اختي قولي لصاحبة الموضوع انتي بين جنتين!!!
والله بين جنتين كم تكسب اجر يوم تبتسم لهم...كم تكسب اجرر يوم تاكلهم..كم تكسب اجر يوم تفصل لهم ملابس...كم تكسب اجرر يوم تعطيهم الادووويه...كم وكم وكم...

[مس ستايل123]

الزوجه لازم تتحمل والاباء والامهات سبحان الله كل ما يكبرون فالعمر يستوي مثل الاطفال فلازم تتحمل
هذي هي سنه الحياه .. حاولي تتجنبينهم ونسي نفسج ولاتحطين فبالج ان هم يضايقنونج .. هم كبار فالعمر شو يبون فيج

اصبري واحتسبي الاجر وبتكبرين في عين زوجج

[مبتسمةمتفائلة]

اللي ماله خير في أهله ماله خير في حد

[hamoudmam]

إذا الزوجة عايشة هي و ريلها ويا أمها هي وأبوها ويغلطون عليها و ما عندهم غيرها بتهدهم و تسير تسكن ويا ريلها في بيت لحالهم؟ ما اعتقد بتسويها وإلا بتكون عاقة ...كذلك والدين الزوج تعتبرهم في مكانة أمها وأبوها و تتحملهم ولها الأجر و تساعد زوجها على برهم .قال تعالى: "ادفع بالتي هي أحسن فإذا الذي بينك و بينه عداوة كأنه ولي حميم".ويكفي الحرمةأنه ريلها من صفها و عارف أنه أمه و أبوه الي غلطانين...
وإذا ما قدرت الزوجة عالعيشة وياهم (مع أني أنصحها بالصبر والعيشة معاهم) ياخذ ألها بيت غير بس أغلب الوقت يكون عند أمه و أبوه وحتى المبيت يبات عند أمه وأبوه يمكن احتاجوا شي استوى لحد منهم شي بالليل و احتاج يسير المستشفى هذيلة الوالدين الي الله قرن حقهما بحقه، قال تعالى: وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا [ الإسراء:23].

[• яed •]

اذا هو الوحيد الي عند اهله
المفروض الزوجه تصبر عليهم هم كبار فالسن وتعتبرهم مثل امها وابوها
مب زين تخلي ريلها يطلع ويخلي اهله
الريال الي مافيه خير في اهله مافيه خير لحرمته وعياله

[عيووووون]

تصبر على اذاهم وتحتسب الأجر ،، لان اذا خلته يخلي امه وابوه وهم محتاجين له ،، عيالها بيسون فيها نفس الشي ...

كلامهاا سليم

[مريم الكعبي ^]

عادي يطلع لها بيت وكل يوم يروح يشوف اهله

[ميمي121]

والله انا اقول كله ولا الوالدين

حتا لو امه و ابوه مب زينين ويايه انا بعاملهم بطريقه طيبه عشان يتغيرون ..

و اذا مثل ما قلتي كبار .. يعني هم من داخل نيتهم صافيه و حرام بتاخدين ذنب اذا بعدتي ولدهم عندهم

و عندي احسن حل و اشوفه ممتاز

شوفيهم بـ نظرة ( أمــــــــــــــــــــــــــــج + أبــــــــــــــــــــوج ) و صدقيني بتتقبلين منهم كل شى .. الام تخطي بس البنت من حبها ماتشوف و تسامح و عادي ^_^

خلي انتي قلبج كبير

1. بتحصلين اجر
2. ربج بيبارك لج
3. قدوه لعيـالج
4. " كما تدين تدان "
5. بيكون ضميرج مرتاح من بعد عينهم لاسامح الله ,, انتي ماقصرتي لآخر لحظه ^_^

[منى-السويدي]

يدور سكن جريب من بيت اهله

[banota.a7]

الله يفرجها عليج ان شاء الله وخل تتخيل هالاهل اهلها هي وهالحرمه هي مرت اخوها ...
واهلها متعلقين باخوها وااااااايد ...

والحرمه طلعته عن اهله شو بتكون رده فعلها هي خل تعمل بها الاساس ...