الحمل بعد الاجهاض

**دنيا الوله15** · 2012-08-29, 18:17

مرحباً أنا كنت حامل في الاسبوع 22 وسقطت قبل كم يوم وكان حمل أطفال أنابيب حبيت اعرف متي اقدر ارد اتعالج مره ثانيه ؟ أنا بصراحه مستعيله ابغي ارد أحاول مره ثانيه في اسرع وقت لأني جريب يوصل عمري 38 وتدرون الوحدة كل ما تكبر تقل فرصها وانا بعد بصراحه نفسيا تعبانه عقب اللي صارلي وخاطري احمل بسرعه

المزيد من آخر المواضيع من نفس القسم:

**Mamnoo3** · 2012-08-29, 19:01

الحمد لله على السلامه اول شي وان شاء الله يعوضج بالاحسن
والله انا ماعرف بس إن شاء الله البنات يفيدونج
بس الافضل انج تترين شوي عشان الرحم يرتفع مادري بعد !!

والله يرزقج ويرزقنا بالذريه الصالحه

**أحبه الغالي** · 2012-08-30, 08:50

الله يعوض عليج بحمل ثابت سليم ويقر عينج بالذريه الصالحه

الافضل تروحين استشاره للعياده مره ثانيه يسولج التحاليل ويخبرونج بخطه العلاج حسب استعداد جسمج

الله ييسر امورج

**دلوعة عبيد** · 2012-08-30, 14:25

شو سبب الاجهاض اختي

مع انج وصلتي اسبوع 22

**دنيا الوله15** · 2012-08-30, 16:48

الله يسلمكم ان شاء الله مشكورات خواتي علي الرد وان شاء الله أنا بصبر شويه قبل ما إبداء العلاج مره ثانيه أختي دلوعة عبيد أنا كنت حامل في توام واحد سقطته قبل في الاسبوع ١٣ بس المشيمه مانزلت تمت داخل وكل الدكاترة اللي شفتهم قالولي انها بتنشف وبتنكمش داخل بس أنا جسمي ما قبلها حاول يرفضها وطول الوقت كانت مسويتلي نزيف وكلهم كانوا يقولولي النزيف من الانفصالات اللي تستوي في مشيمة الجنين الحي وأنها نازله ومغطيه عنق الرحم يعني كان تشخيصهم كان غلط المشيمه المغطيه كانت مشيمه الجنين اللي طاح قبل وهيه سبب النزيف ونقلت بكتريا والتهاب للمشيمه الثانيه وبعد نقلتلي أنا التهاب وبكتريا في الدم

**أم راشد العين** · 2012-09-01, 20:21

بالتوفيق

**مروحة حيل** · 2012-09-02, 15:50

الله يعينج والحمدالله ع السلامه والله يرزقج أختي انتظري فترة قبل الحمل في هذي الفترة أخذي فيتامنات الخاصه حق الحمل

**دنيا الوله15** · 2012-09-02, 21:23

الله يسلمج أختي أنا ودي انتظر بس أنا جريب يوصل عمري ٣٨ سنه والانتظار مب في مصلحتي علي العموم أنا بسير حق دكتورتي وبشوف شو بتقولي واللي فيه خير الله بيجدمه

الموضوع: الحمل بعد الاجهاض

أدوات الموضوع

عرض

العرض المتطور