حليب صدري

[Ghyahib]

انا صار لي نفسج بالضبط
لدرجة صارلي يومين احس البيبي يصيح وايد وصدري صاير صغير غير عن قبل وماحس فيني حليب..وماهان عليا وعطيته حليب صناعي لين حصلت الحل ^^
اولا ابتعدي عن الضيق لأن يقلل ادرار الحليب
2.كثري من السوائل عصاير + ماي (يعني قبل الرضعة كوب وبعد الرضعة كوب وبين الرضعات كل شوي اشربي ماي يعني انا مثلا من حطيت كرتون ماي بغرفتي وهو معتدل بحرارته كل شوي اشرب احس الحمد لله زاد حليبي) سوالف المكسرات والحلبة الخ مايابت لي فايدة كثر الماي والعصاير.
3.تاكدي ان البيبي شبع اذا كان اخراجه وايد واذا كان شوي يعني ماشرب وايد حليب.
4.اهم شي .. لازم ترضعين ولدج ولو ماتحسين فيج حليب على الاقل 7 رضعات فاليوم ولازم تتاكدين ان قبل منتصف الليل تفرغين صدرج لان في هرمون يتنشط في هاي الفترة اذا كان صدرج فاضي بس اذا رقدتي بهالوقت وصدرج فيه شي بيكون نشاط الهرمون اقل وبالتالي ادرار الحليب في اليوم الي بعده بيكون ضعيف..
هالكلام علمي وانا جربته والحمد لله وايد استانست من هالتجربة بعيد عن الحبوب والادوية لاتفكرين فيها

شكرا