اشاره المعاقين

**Baith** · 2007-08-21, 19:24

السلام عليكم خواتي

لو سمحتوا خواتي بس بغيت اعرف اشاره المعاقين اللي تنحط علي السياره عشان الوقف الخاص بالمعاقين وين ممكن نحصله بالضبط يعني من المرور الصحه ولا البلديه ولا من وين بالضبط واكون لكم شاكره بس فعلا الموضوع عاجل جدا

المزيد من آخر المواضيع من نفس القسم:

**ام حمني و طمطم** · 2007-08-21, 19:29

. . . ما عندي فكره . . .

انشاء الله البنات يساعدونك

**منهالية** · 2007-08-21, 20:26

هلا اختي

التصريح من وزارة الصحه والاستكر مال المعاقين من هيئة الطرق والمواصلات

**Baith** · 2007-08-22, 00:04

مشكورة اختي المنهاليه تسلمين

**فوعة العين** · 2007-08-22, 02:42

يزاج الله خير أختي على الموضوع
انزين انا عندي استفسار ثااني؟

وهو هل الأستكر هذا بس يكون اذا كان سائق السيارة نفسه عنده اعاقة
او يقدر يأخذ الأستكر في حال أحد من الوالدين عنده طفل معاق؟؟

**Baith** · 2007-08-22, 15:30

اختي فوعة العين
ماادري انا قلت بتصل باج الصحه وباشوف شسالفه لان الموضوع يديد علينا الله لايبلي احد اختي

بس اعرف باقول لج

**منهالية** · 2007-08-22, 21:50

المشاركة الأصلية كتبت بواسطة فوعة العين

يزاج الله خير أختي على الموضوع
انزين انا عندي استفسار ثااني؟

وهو هل الأستكر هذا بس يكون اذا كان سائق السيارة نفسه عنده اعاقة
او يقدر يأخذ الأستكر في حال أحد من الوالدين عنده طفل معاق؟؟

لا عادي اختي مب بس صاحب سياره يكون معاق لا اذا عنده احد معاق ويستخدم هالسياره عادي قبل كان الاستكر مب ثابت الحين غير ثابت على رقم السياره يعني في حال انشال الاستكر وانحط على سياره ثانيه ينعرف من الرقم الاستكر ورقم السياره والله يحفظ الجميع ان شاء الله من كل شر

**العذوب** · 2007-08-22, 23:07

حبوبة التصريح في حالة وجود معاق في العايلة ويكون بكتاب من وزارة الصحة للمرور وفي المرور يعطونكم بطاقة وعليها الاستكر لازم تعلقون البطاقة والاستكر على السيارة وتكون مختومة من المرور

**baskootah** · 2007-08-23, 12:24

أكيد بتحصلينهة في المكتبات .. و أعتقد "Posters" يبيعونهة..

**Baith** · 2007-08-23, 14:31

اختي العذوبه بس عندي سؤال لان الظاهر عندج فكره
الحين في حالتننا يعني انا بيركب المعاق معاي بعد شوي حد ثاني بيشيله بسياره ثانيه يعني كيف لازم نستخدم سياره وحده بس

هذي مشكله

**أتعبني غروري** · 2007-08-23, 14:35

أنا اللي اعرفه

انه المعاق وحده بس اللي يبركن سيارته

يعني لو كان هو اللي يسوق السيارة

يعطونه من المرور تصريح بإسمه وبرقم سيارته

بس أول مرة ادري انه الباركن لأي شخص يكون فالسياة عنده اعاقة !!!

بتأكدلكم وبخبركم ان شاء الله لأن عندنا تصريح

**Baith** · 2007-08-23, 16:52

تسلمين اختي لان المعاق اللي عندنا حاليا مايسوق بس نحتاج نبركن جريب عشان انساعده يركب الشقه بس اللي يكون فاضي ياروح له يعني مب سياره وحده

انتظر

**العذوب** · 2007-08-23, 22:52

المشاركة الأصلية كتبت بواسطة Baith

تسلمين اختي لان المعاق اللي عندنا حاليا مايسوق بس نحتاج نبركن جريب عشان انساعده يركب الشقه بس اللي يكون فاضي ياروح له يعني مب سياره وحده

انتظر

انا اعرف وحدة بنتها عندها شلل دماغي بعيد الشر وهي حاطة استكر على سيارتها وشفت الاستكر والبطاقة مختومين من المرور بس ما عندي فكرة اذا فيه استيكر على سيارة ابوها شوفي انا افضل انج تتصلين المرور وتسالينهم

الموضوع: اشاره المعاقين

أدوات الموضوع

عرض

اشاره المعاقين

المزيد من آخر المواضيع من نفس القسم:

المواضيع المتشابهه

باركن المعاقين

الام ما بعد الدووره هل هي اشاره للحمل؟

موقع لزواج المعاقين..