رمضان قبل10 سنين

**jody abot** · 2007-08-21, 17:53

السلام عليكم ورحمة الله وبركاته

شخباركن خواتي ... ربكن إلا بخير ... وأنا يالسة أفكر شو بسوي برمضان تذكرت رمضان قبل 10 سنين شو كنا نسوي طبعا الوحدة منا من اتصلي الظهر قبضت المطبخ واتحوس بها الطباخ يا ثريد يا عيوش يا اللقيمات ويا الجيلي والكراميلة وينكم ... لين قبل الفطور ... ويضرب المدفع ويأذن المغرب
طبعا احنا عدنا في منطقتنا لازم انطلع فطور برع للرياييل .. وهاي عاداتنا قبل ... و عقب الفطور انريح اشوي وعقب يالله ع الفوالة ... وقبل صالة العشا كل شي يكون جاهز... لأنه احنا الحريم بعد انحب انسير انصلي في المسيد صالة التراويح ..

خلصنا التراويح ... وردينا البيت ... يالله يالحريم قومن وشلن عبيكن وسيرن واتفولن بيت فلانة وبيت وفلانة ... وكل مادخلن بيت واتفولن صاحبة البيت بعد قامت وسارت وياهن .. ولين الساعة 2 وهن برع ...

وينها أيامنا قبل في رمضان ... تعالن الحين ... ما تحسن بحلاة عاداتنا الأولية ... الكل من خلص الفطور .... ما يصدق يخلص من الصلاة عسب يتسندرج جدام هالتلفزيون من قناة لين قناة ومن مسلسل لين مسلسل ... ويالله بالزور يقوم عشان يصلي التراويح ... لا وحد منهم بس صلى العشا في البيت عسب ما يسير ويتعنى لصلاة التراويح يشوفونها ثجيلة عليهم ...
بس شو نقول ... والله في خاطري لواترد أيام رمضان قبل ..

بالذمة ما اشتاقيتن لرمضان أول ..

المزيد من آخر المواضيع من نفس القسم:

**omfaisal** · 2007-08-21, 18:01

هيه والله وين اول وين الحين
الحين زمن المسلسلات
ورقاد لين المغرب
الله يستر
موضوعج واااااااااااااااايد حلو

**o0oM_MaYeD** · 2007-08-21, 18:33

هيييه والله صح كلامج

بس ترى هالشي هب منا

هذا من الارف الممثليييييين والزفت الي ما يخلون الناس بحالهم في رمضااااان

اونه صايمييين وصوورهم طول رمضان جدام الحريم والريااايييييل

والله لا اتذكريني

غصه

**الاسطورة 2007** · 2007-08-21, 18:43

صح والله أنا كان عمري صغير كنت اودي الفطور لبيوت الجيران احلى شي ونرقب الجيران شو مسوين على الفطور ونتضارب انا واخوي على الفطور حتى الشوربه

الموضوع: رمضان قبل10 سنين

أدوات الموضوع

عرض

العرض المتطور

رمضان قبل10 سنين

المزيد من آخر المواضيع من نفس القسم:

المواضيع المتشابهه

فساتين لعمر اربع سنين وعشر سنين