حالة نفسية

[جورية2011]

سلام عليكم يا حريم
بطرح الموقف للي صار لي و ابي نصائحكم اذا انا صح او غلط
يوم الجمعة حبيت اطلع من البيت لأنه من شهر و شي ما طلعت من البيت و المهم انا ناشة من الصبح اجهز و اكوري ملابسي و شنطة البيبي و خلصت امور البيت و بعدين رقدت و مخبرة ريلي من يوم الخميس منطلع قال عادي و تخيلوا طرش مسج المغرب قال ما منسير اليوم اذا تبي تسيري عند اهلي بوديج اتصلت قلته ليش قال في عزيمة عند ناس ساكنين في منطقتهم صراحة تضايقته قلته يوم ملجة اختي ما حضرت و اليوم اخوي مسوي عزيمة و ما حضرت ساير تحضر عزيمة الغريب قام يتنازع في الفون و سكر في ويهي و قال اهليج مخانيث ( اسفة على الكلمة) و بعدين ياي فليل من عند ربعه مضايق و قال انا صراحة بتزوج ما مرتاح ابدا و قال عندي ارقام الخطابات بتواصل وياهم خفت قم اعتذر معني ما مسويه شي ما صدقني قال انتي اعتذارج كلمة مسخرة، اليوم الثاني قال بشلج عشان اختي و في سيارة قام يتمسخر على اهلي يقوم امج متى بتعرس ترها وايد ..... و الله عصبت منه و سبيته قلته تغلط علي عادي بس على امي مستحيل و الف مستحيل و تميت ساكة طول الطريق و يوم وصلنا البيت قال ما في حل غير الحرمة الثانية
و الله خايفة مو علي بس على هذي الياهلة شو بكون مصيرها يوم عندنا في البيت ما يحب يشلها ابدا و يوم نسير عند اهله كله يشلها و يحبها
شو بكون مصيرها بعد ما يتزوج بنساها لأني احسه يوم يداوم ما يتصل ابدا يسال عليها و لا حتى مسج يطرش بس يتصل يوم بيي البيت شو ناقص حق البيت

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[marwa2005]

الله يعينج اختي
مافي غير انج تحنني قلبي ريلج عليكي متلا سوي له ليلة رومانسية وتكشخي وتعدلي وغيري من روتين حياتج وخليه ينسى يتزوج عليكي

[بربر]

لازم تشوفين وين النقص على الاقل اقعدوا مع بعض جلسه صراحه خليه يقولج النقص وين انتي بعد قوليه القصور وين


الله يوفقج أختي ويمكن هو يقول جيه يبي يحرج بس مب من باب الجديه


الله لا يغير عليكم

[hamoudmam]

أختي ماأدري بس أحسه ما يبا يتزوج عليج بس يقول لج جي عسب يهددج عشان تغيرين أسلوبج وياه..هو باين عليه من النوع الي ما يحب حد يحاسبه لو أخطا ,وأنتي المفروض ما تسبينه لو شو ما استوى منه , يعني تقولين سألج متى والدتج بتعرس....يمكن قال الكلمة من باب المزح ...ما كان المفروض تسبينه , ولو فرضا حسيتي أنه قاعد يتمصخر قولي له ما عليه الله يسامحك بس لو سمحت سكر هالموضوع ...من دون ما تغلطين عليه .. ويوم قال لج ما بيطلعج عشان عنده عزيمة ..ما تحاسبينه و تلومينه عإنه ما حضر ملجة أختج...لأن ملجة أختج خلاص طافت ...المفروض في يومها تسألينه و تسكرين الموضوع و ما عاد تفتحينه...فيه رياييل ما يحبون الي تسوي ألهم مذكرة تسجل ألهم فيها أخطاءهم وكل شوي ذكرهم بيها يملون بسرعة...قال لج ما بقدر أطلعج قولي له خلاص متى ما قدرت طلعنا لأن بنتي لازم تغير جو...واشغلي نفسج بأي شي في البيت لين ما يي...حاولي ما تفتحين له المجال أنه يعصب أو أنه يحصل عذر للزواج ...سكري عليه كل الاعذار....نقصي من العتاب و اللوم حتى لو هو غلطان...لا تغلطين عليه نهائي أو تسبينه..لو شو ماصار..اشغلي نفسج باهتمامج بنفسج وبنتج وبيتج...والله يوفقج

[رومنسية 84]

استغفرك ربي واتوب اليك ... الله يهديه ويهدي سركم ويستر عليكم بس من وجهة نظري على حسب كلامج مدري شو كلام الطرف الثاني انج مب غلطانه وصراحة الله يسامحه احسه موول مو مسوي قدر حق اهلج .. ها اللي حسيته ويمكن اكون غلطانه واهم شيء اختي استخيري ربج في كل شيء وادعي ربج اذا هالريال فيه خير انه الله يقربه ويهديه ويجعله قرة عين لج واذا فيه شر الله يبعده
والسموحة

[Unkonwn]

مبين من الريال ان اسلوبة خايس و فيه وايد نقص.
المفروض يوم سب اخوانج او امج تخبرين اهلج و يتصرفون وياه لان مايصير الريال يرمس جي عنهم.
وماعتقد يبا يعرس ولو عرس فالله يعينها و يعينج.
وهو يمكن مايباج من البداية او يبا يسيطر عليج بشكل كامل و يتحكم فيج

خبري اخوانج وقولي ريلي قال عنكم جي ..... وقال عن امي جي ...... و خل يكلمونه ويتفاهمون وياه

[جورية2011]

انا خبرت امي عن سوالفه زعلت احليله و قالت لو يعرف ابوي عن سوالف كان ادبه
خبرت اخواني الاولاد انه ما يصلي و طول الوقت يدوخ حتى قلت لهم انتو غشيتوني من البداية ما خبرتوني عن اخلاقه كلها كنت تقول زين و طيب بس بخيل .......... الله كريم
حتى اهلي كلهم يعرفون انه ما ييلس في البيت بصراحة مرات ما اشوفه يطلع يوم يوعي من الرقاد و ايي البيت فليل و اكون انا بنتي رقدنا
حتى ابنت اخوي الصغيرة تسال عنه يوم تيينا تقول وينه و لا مرة ييت و شفه عندكم اقص عليها اقول دوام و تسالني انتي ليش كله يالسه في البيت ليش ما تطلعي ........زز ما اعرف شو ارد عليها

[hamoudmam]

انا خبرت امي عن سوالفه زعلت احليله و قالت لو يعرف ابوي عن سوالف كان ادبه
خبرت اخواني الاولاد انه ما يصلي و طول الوقت يدوخ حتى قلت لهم انتو غشيتوني من البداية ما خبرتوني عن اخلاقه كلها كنت تقول زين و طيب بس بخيل .......... الله كريم
حتى اهلي كلهم يعرفون انه ما ييلس في البيت بصراحة مرات ما اشوفه يطلع يوم يوعي من الرقاد و ايي البيت فليل و اكون انا بنتي رقدنا
حتى ابنت اخوي الصغيرة تسال عنه يوم تيينا تقول وينه و لا مرة ييت و شفه عندكم اقص عليها اقول دوام و تسالني انتي ليش كله يالسه في البيت ليش ما تطلعي ........زز ما اعرف شو ارد عليها

أختي لا طوفين سالفة أنه ما يصلي نهائي و لا تخلينه يقرب عليج و هو ما يصلي لين ما تتصلين عدار الفتوى في هالموضوع إذا يجوز تعيشين وياه وهو ما يصلي أو لا. أنصحيه وقولي له شو بيقول لج المفتي.يمكن لو صار يصلي يتغير ...

[LADUREE]

مبين من الريال ان اسلوبة خايس و فيه وايد نقص.
المفروض يوم سب اخوانج او امج تخبرين اهلج و يتصرفون وياه لان مايصير الريال يرمس جي عنهم.
وماعتقد يبا يعرس ولو عرس فالله يعينها و يعينج.
وهو يمكن مايباج من البداية او يبا يسيطر عليج بشكل كامل و يتحكم فيج

خبري اخوانج وقولي ريلي قال عنكم جي ..... وقال عن امي جي ...... و خل يكلمونه ويتفاهمون وياه

انا معها بهالكلام ,, صج ما يستحي , يقول عن اهل حرمته جي !! اذا ريل اخته جي قال لها اكيد ما بيرضى .....

[ابتسامتي غير]

حاولي تتفاهمي وياه وتشوفين الغلط وين

وتصححينه

الله يعينج

[tami ~]

الله يكون ف عونج اختي
عليج بقيام الليل والدعاااء
الله يحنن قلبه عليج ويسخره لج

[ورقة ناعمة]

احس من كلامج انج صغيرة واسلوبه على ماتربى اذا رمس وقال الفاظ مب زينة ردي عليه بالفاظ ترضي الله وبيستحي على دمه
يعني اذا قال xxxxxxx قولى حسبي الله ونعم الوكيل ,,, استغفر الله ,,, ربي يهديك ,,, سبحان الله ,,, كلمة الله عظيمة
على الحجر مابالج باللي قلوبهم حجر ,,, وادعيله اختي

[الم الندم]

ما عليج من كلامه ان شاء الله ما بيعرس عليج
انا ريلي من اول سنه حاشرني بعرس وبعرس وما شاء الله كملنا اكثر عن عشر سنين ولا عرس

[Ro7 AlRo7]

ماعرف شو اقولج بس المفروض ماتخلينه يغلط على اهلج اهم شي الاحترام اذا تم يسب اهلج وانتي تسكتين انتي جي تفهمينه ان هالشي عادي !

بس بعد انتي ماقلتي كيف علاقتكم ومن اسلوبه يبين انه مضايق منج او من شي انتي تسوينه لازم تيلسين وياه وتصارحينه وتسألينه ف شو انا مقصره معاك ؟ وشو الشي اللي انا ماسويه وانته تباني اسويه , وشو الشي اللي ماتباني اسويه

قوليله انته ريلي واغلى ناسي وانا مابا اشوفك زعلان علي ومضايق مني لازم نتفاهم وو الله يهديه ويحنن قلبه عليج

[{ آحلى دلع ..]

حقج لآتتنآزلين عنه لو ع قص رقبتج , خلج حآزمة وكلمتج وحدهـ

يعني لآ تسكتين له آبدآآ , وغير جي لآتحطين سآلفة العرس فـ بآلج

لآتسوين له سآآلفة يوم يطريهآ , ونصيحتي اللي المفروض آبتدي فيهآ

عليج بسهآم آلليل + سورة البقرة وربي بيسخره لج بآآذن الله