مسلسل حياتي

[# غلا روحي #]

السلام عليكم ورحمة الله وبركاته


اشحالكن يا سيدات الامارات

عندي موضوع او مشكله اباكن اتقولن لي رايكن فيها

انا متزوجه الحمد الله وعندي وبنت

مشكلتي هي ريلي ما اعرف كيف اتفاهم وياه ابدا

يعني يوم ني نبا نتناقش في موضوع واتم اناقشه يقولي انتي قليلة ادب وموب متربيه كيف تردين عليه
زين نحن نتناقش لازم تتقبل اقتراحاتي مثل ما انا اتقبل اقاراحاتك
يعتبر النقاش في موضوع قلة ادب يعني الحرمه بس تسمع وتسكت ما اتقول رايها

وثاني شي يوم نتفق بنطلع مكان وبنختار اثاث ولا فرش للبيت نطلع ونوصل للمكان الي نبا انروح له ويوم ني نختار اقول له شو رايك في هذا وشو رايك في هذا يقولي لي انا مالي خص انتي اختاري وانا مالي خص ويبوز ما اختار ولا ابا ادخل في اي سو كل شي على كيفج ويروح ويوقف في زوايه ويحطني في مواقف محرجه في المحلات
زين شو صار ترانا متفقين ني ونختار رباعه ليش ما تبا تختار وياي بس ما اريد
ويوم اختار على كلامه انه ماله خص يرد يقول لي مره ثانيه لا تاخذين شوري في اي شي سوي كل شي بروحج انا مالي خص فيج
والله احترت معاه

عندي بنت صغيرونه عمرها 6 شهور .. يوم تصيح ولا شي يقولي شليها وامشي اقول له لا هي تبا ترقد انتي اسمعي كلامي ويوم اشلها وامشي ما تسكت يقولي اسدحيها على بطنها يا ولد الحلال هي تبا ترقد انتي اسمعي كلامي وبس انتي اصلا ما تعرفين لها انتي ام فاشله ومهملة هاتيها
وكل شوي يقولي سوتها سوتها افتحي الحفاظه اقول له ماسوت شي توني مبدله لها .. يقولي انتي ما تسمعين كلامي يوم اقول لج شي سويه .. مرات ترجع شويه وكل ياهل لازم يزوع يقولي انتي كله تعطينها حليب حليب ليش ما تعطينها ماي هالكلام اول ما انولدت اقول له الدكتور قالي بس عطيها حليب والماي ما بيفيدها بشي لانه انا اعطيها حليب صناعي والحليب الصناعي فيه ماي
الدكتور شعرفه عطيها مرضاعه ماي كله حليب حليب

يا يوم وانفجرت قلت له شو تباني اعطيها عيش وصالونه ولا كبتشينو وبعدين خلني اشوفها انا امها واعرف شو الي يسرها ويضرها خلني اعرف اهتم فيها بروحي

والله اني خلاص معد اعرف اتفاهم وياه يوم اقول له تعال بنقعد وبنتفاهم يقولي ما اريد اتفاهم وياج
مرات يكون رايق ويضحك ويسولف وماشي احسن منه وفجأه ينقلب شو فيك شو صار ماشي ماشي لا تكلميني خلاص انتي موب متربيه زين انا شو قلت شو سويت والله اني احتااار شو سويت شو قلت


قولو لي شو اسوي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[جمر بارد]

الي في ريلج هذا نتائج التربيه في بيتهم وطريقه عيشتهم

يعني شكله متعقد من شي!!

[+حلوه موت+]

والله ريلج غريب وعنيد وايد الله يعينج

[AM0OOO0N]

طولى بالج

وحاولى تسايرينه قولى له زين

وسوى الى يقوله وحسسيه انه صح صدقينى هو بيتفشل

من نفسه ومعا الايام بتتعودو على بعض

[hanoOOody]

لا حول لوا قوة الا بالله
شخصيته متناقضه وايد
شكله عنيف ويعصب بسرعه
يتراوالي الكلام لي يقوله لج هو كلام كان يسمعه من صغره والله اعلم
الله يعينج شخصيته صعبه بس انتي لا تحرجين وايد
يوم بيصارخ البسيه

[هماليل]

بصراحه طبعه غريب والله يعينج
ما أتخيّل ريلي يعاملني بهالطريقه
شوفي حبيبتي
رمسي أمه أو وحده من خواته
اسألي إذا هو طبعه جيه وياهم أو لا
وكيف تحاولين اتغيرين من طبعه
سايريه واسكتي عنه لين ما ايي هو ويرمسج
راح يلاقي نفسه روحه ويعرف انه غلطان

ربي يسهّل أمورج وياه

[مجنونة و تجنن]

لا حول ولا قوة الا بالله العلي العظيم

[قارورة العسل]

ربي يعينك حبيبتي اصبري مع الايام كله بيتغير

[# غلا روحي #]

بصراحه طبعه غريب والله يعينج
ما أتخيّل ريلي يعاملني بهالطريقه
شوفي حبيبتي
رمسي أمه أو وحده من خواته
اسألي إذا هو طبعه جيه وياهم أو لا
وكيف تحاولين اتغيرين من طبعه
سايريه واسكتي عنه لين ما ايي هو ويرمسج
راح يلاقي نفسه روحه ويعرف انه غلطان

ربي يسهّل أمورج وياه

علاقه مع اهله زينة بس هو يعصب بسرعه .. ومرات يعصب ولا اعرف شو السبب زين نتفاهم ما يبا
واذا زعل ما يكلمني عادي عنده لازم انا الي اتكلم
دايما انا الي اتنازل واتكلم

[يمامة أيوب]

مادري احسكم توكم متزوجين بعده مب متعود ع الوضع ودايما الرياييل اول الزواج يحاول مثل مايقولون يثبت قدمه يعني كله اوامر حتى لو مب مقتنع فيهن انتي سايريه وكله انزين انزين من مناك سوي اللي تبينه لكن جدامه سمعي كلامه اخر شي بيطخ و بيسكت عنج مع الوقت كل شي بيخف ماعليج منه اغلبهم من بعد السنه سنه ونص خلاص يخفون
هذا يبا يصير سي السيد مب عارف شقايل انتي لا تاخذين الامور بحساسيه وقت وبيعدي لاتحسسينه مايعرف شي ببنته مع الوقت بيعرف انه مايعرف شي لكن عطيه جووه يعني لمن يقولج سوي شي لها سويه ولا تناقشينه تعارضينه كانج تحسسينه انه مب بنته هو لا عطيه جووه او قوليله ان شالله وروحي الحجره سوي اللي تشوفينه صح

هونيها و اتهون صغريها تصغر انتي بعدج مضغوطه من البيبي والمسوليه
الله يوفقج

توني اقرا ردج سالفه انه انتي كله تروحيله بطليها مب كل مره انتي انا ماقولج موليه لا تتنازلين لكن مب كللل مره وخليه برايه لمن يشوفج تغيرتي مايهمج كلمج اولا اهو بروحه بيي يكلمج جربي و يتقولين اني قلت حتى لو كلامه لج كان ينازعج عرفي انه طريقته يبا يقولج اشفيج مب مهتمه فيني يعني لا تبتدين انتي الكلام خليه بروحه اييج

[# غلا روحي #]

لا حول لوا قوة الا بالله
شخصيته متناقضه وايد
شكله عنيف ويعصب بسرعه
يتراوالي الكلام لي يقوله لج هو كلام كان يسمعه من صغره والله اعلم
الله يعينج شخصيته صعبه بس انتي لا تحرجين وايد
يوم بيصارخ البسيه

انا قبل كنت وايد اعصب واحتشر بس الحين ما احتشر وايد واكثر السوالف اطوفها
واحاول اني اتقبل الوضع

[# غلا روحي #]

مادري احسكم توكم متزوجين بعده مب متعود ع الوضع ودايما الرياييل اول الزواج يحاول مثل مايقولون يثبت قدمه يعني كله اوامر حتى لو مب مقتنع فيهن انتي سايريه وكله انزين انزين من مناك سوي اللي تبينه لكن جدامه سمعي كلامه اخر شي بيطخ و بيسكت عنج مع الوقت كل شي بيخف ماعليج منه اغلبهم من بعد السنه سنه ونص خلاص يخفون
هذا يبا يصير سي السيد مب عارف شقايل انتي لا تاخذين الامور بحساسيه وقت وبيعدي لاتحسسينه مايعرف شي ببنته مع الوقت بيعرف انه مايعرف شي لكن عطيه جووه يعني لمن يقولج سوي شي لها سويه ولا تناقشينه تعارضينه كانج تحسسينه انه مب بنته هو لا عطيه جووه او قوليله ان شالله وروحي الحجره سوي اللي تشوفينه صح

هونيها و اتهون صغريها تصغر انتي بعدج مضغوطه من البيبي والمسوليه
الله يوفقج

صار لنا 4 سنين

[جرح وحداوي]

انا من راااي تحااولي تسايريينه شكلمة من النووع المتقلب..

الله يعيينج ..بنفس الوقت اوهمييه انج رااضية برااية ومقتنعة لاااتجاااادليينه مووولية ابدا ..

حاولي اتبدليين فكرته وتعااملة بس شوي شوي بذكااائج ولاتحسسييه انج مضايقة ولا تبيينه يتغير لانه بيعند اكثر..

[يمامة أيوب]

صار لنا 4 سنين

هييه مثلي

اذا جذي وضعه صعب شوفي فيما يخص البيبي انتي عطييه جووهه يخلي يشاركج لازم نفس ريلي الا يقولي سوي جييه غيري جييه بنتج فيها جيي جربي ها الطريقه انتي ماتعرفين لها الخ وواااايد اسمع ها العبارات لمن كنت ارد عليه بنرفزه اشوف الامور تصير بارده وبايخه بينه وعادي يتحول هواش بسبب ها الموضوع فتعلمت اسكت واقول انزين حتى لو مب مقتنعه براييه ومرات اخليه هو يسوي اللي يبيه يعني اعطيه بنتي

اما في علاقتج معاه ريلج ماعنده اسلوب ثقافه حوار يعني يبي الكل يراضيه و يسمع كلامه ويسوي اللي يبي هو من ها الشي انج انتي للي تتنازلين لمن اي شي يصير لانه يشوف نفسه كله صح ويعصب من اول نقطه لمن يحس انج راح ترفضين له او تعارضينه

انتي لازم شوي شوي كل مره ولمن يكون هادي تقولين له ابي اكلمك بشي لكن اوعدني تسمعني للاخير وتفهم شنو قصدي ولا تفهمني غلط انا مو يالسه اهاجمك لكن عشاني احبك احب حياتنه ابي امورنه كلها تكون احسن مايكون
عقب ابتدي كلميه بنقطه نقطه لكن بيني له بعد كل نقطه انج مب يالسه تقللين من قيمته او تهاجمينه يعني كلميه باسلوب حلو فهميه تفاهموا على كل شي

ماعليه هونيها واتهون اصعب السنوات اللي يقول اول 3 واللي يقول اول 5 عقبها كل واحد بيفهم طبع الثاني و بيعرف طبع الثاني
انا وريلي للحين بينه امور التفهم و التفاهم وسوء فهم واطباع مختلفه لكن واثقين انه راح نحل كل شي باذن الله صغري الامور تصغر
انا مب وايد سوالف خصائص الابراج ( مب فلك) لكن احس ريلج من اللي برجهم ناري ..

ان شالله خير

[LADUREE]

والله ريلج غريب وعنيد وايد الله يعينج