الجزء الثاني ...زواجي الثاني .... اوافق او لا ؟

[بنت ختوم]

السلام عليكم و رحمة الله و بركاته
هذا موضوعي الجديم
http://forum.uaewomen.net/showthread.php?t=1075818
ملاحظه بس على ردود البنات ( انا كتبت الموضوع للنقاش مش للهجوم عليه عالخاص و حتى شي ردود مااعرف هل انتو فهمتو الموضوع قبل لا تردون و لا بس رديتو عالفاضي ؟ اللي تقول لي مثل ما هانت عليه بنت عمه انتي بتهونين ماماتي نحن نرمس عن زواج مش شي غلط
و اللي تقول لي انتي انانيه ما صبرتي على ريلج الاولاني ؟ اقول لج الله خلقني و بعيش مرة وحده بس و الشرع و الدين ما قالو لي اني انانيه
و اللي تقول يبالج دكتور نفسي كيف تبين تاخذين ريال من حرمته ؟ انتو المهم تكتبون حتى لو بدون تفكير ؟؟)
الله يهديكم بس

اليديد فالموضوع
صليت استخارة كذا مرة و كل مرة ارتاح للزواج اكثر عن اللي قبله
المهم اشترطت اني اسمع الموافقه من زوجته و عمه قال لي من حقج و انا اللي بخليها تكلمج من دون علم الريال عسب تتاكدين بس و استغرب من الشرط و قال نحن اقل واحد عندنا عنده حرمتين و البنت امها الثالثة بس بعد من حقج و ابوي عطاه رقمي و فعلا بعد 3 ايام اتصلت بي حرمته و قالت لي انا زوجة فلان انا هني حسيت بماي حار ف جسمي سلمت و حسيتها هادية و انا كنت ساكته فالبداية كنت متخربطه مب عارفه شو اقول لها هي قالت لي مبروك الخطبة ما قدرت ارد عليها ضحكت و قالت شوفي انا اكيد بزعل و بشل بخاطري كمن يوم بس عقب خلاص بمشي حياتي عادي و هو خبركم بانه يدوام ف بوظبي يعني طول الاسبوع عندج و الاجازة عندي يعني بالنسبة لي ما بيتغير شي علي و هو قال لي تعالي بوظبي كمن مرة بس انا مااقدر اهد اهلي و جي بعد احسن لج و لي و تمت تتكلم ف امور الدين و انا مستغربة منها و
سالتها انتي زوجته اكيد ؟؟؟
ضحكت و قالت لي هيه و الله انا فلانه (اسمها و اسمي واحد) و قلت لها انا بعد اسمي ...
انا قلت خلني اشل المستحى من الحين احسن
قلت لها انتي كيف جي موافقه و عادي عندج انا مستغربة منج بصراحه ؟؟
قالت لي شوفي قيسي الموضوع بالعقل انتي في عمره و انا اكبر عنه 4 سنوات و انا كنت اختيار اهله و ما قدر يرد وصية عمي المرحوم و وافقت بس انا كنت عارفه من اول يوم اني مش في باله و الدليل نقل لدوامه بعد زواجنا ب 4 شهور يعني كنت عارفه انه بيزوج فالنهاية و كل ما يكلمني عن الزواج انا اكون عادية معاه و اقول له الشرع محلل لك 4 و اذا تبي انا بخطب لك رد اكثر من مرة جدامي و جدام اهله اذا بتزوج الثانية ابيها من اختياري و الحين انتي من اختياره و نحن الاثنتين زوجاته و بالحلال ليش ارفض و عقب يروح بالحرام اول شي انا اتاثم فيه و ثاني شي بيتي يخترب و انا مش غير عن امي تراها الثالثه و عايشه و ابوي ابد مش مقصر مع امي و الثانيات
بس انا ابي اطلب منج طلب
قلت لها تفضلي
قالت عمي قال لي انج تطلقتي عسب اليهال صح قلت لها هيه قالت لي منحقج محد يلومج و ان شاء الله بتزوجين و بتيبين درزن و انا ضحكت قالت انا عندي بنت منه خليها مثل بنتج يعني قدري اذا بغته في نص الاسبوع لانها مرات تصيح تباه ف اييها و مرات يوديها بوظبي و تبات معاه يوم و ترجع يعني لا تتضايجين من وجودها قلت لها انا بكر ابويه و انا غاليته و اعرف كيف البنت لما تتعلق في ابوها و بالعكس دامه هو يباها ماحد يقدر يخرب اي شي و قلت لها انا طلبت رايج فالموضوع و تقريبا رايج وصلني و ان شاء الله من صوبي ما بيوصلج اي شي انا ماحب المشاكل و عسب جي رفضته اول مرة بس لما يي ثاني مرة مع عمه هني فكرت فالموضوع و قلت لها حتى يمكن ما تشوفيني الا نادرا قالت لي لا ان شاء اله بتيين عندنا فالاجازات وياه و مرحبا بج و عدي تراج زوجته
و اللي خلاني افكر اكثر و اكثر
عمج قال اقل واحد عندكم متزوج له ثنتين قالت صح نحن عايلتنا كبيرة
المهم لين هني و انتهى النقاش و طرشت لي مسج اذا مافي احراج بحضر يوم الملجة ؟؟؟!!!! امه بتحضر

انا خذت اكثر من ساعه اقرى المسج و ارجع اقراه مرة ثانية
و رديت عليها حياج اختي اكيد

و باذن الله بالخميس الملجه و بعد شهرين العرس

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دلوعه فزاع]

ماشاءالله مبروك والله يتمم لج على خير ي الغاليه ويرزقج الذرية الصالحه والله يرزق حرمته كل خير ويرزقها الصبر والسعاده

[غروري جاذبية]

الحمدللـه دام متفاهمين خلاص إختي توكلي على آللـه وماعليج من كلام حد ..

[gmare]

الله يوفقج ويسعدج
دام الشرع محلل هالشي انتي مب محتاجه لراي اي وحده في المنتدى
انتي محتاجه انج تستخيرين ربج وتتوكلين عليه بس
لان هو لي بيوفقج
الله يسعدج وبشرينا بالملجه

[عشق طاهر]

الله يوفقج

[أم أريج]

الله يتمم على خير

[أم المزيونه33]

دام استخرتي وتوكلتي على رب العالمين

لا تخافين بَـً>:/ـًسْ لازم تصبرين ؤتكونين حاطه في بالج انج يمكن تمرين بمشاكل ويا عائلته أو زوجته الأولى

وهتفكرين زوجج مب لج بروحج في حد بيشاركجج فيه وهي زوجته الأولى يعني الحياه من زوج متزوج يبالها صبر طولت بأل

[3yoon 3lya]

ألف ألف مبروك الغالية تستاهلين والله ،، ولا يمهج راي البناااات وكلامهم عنج .. الله يسعدج وياه

[احلى اثنين]

اتوكلي على الله ومبرووووك مقدما

[قارورة العسل]

الف مبروك حبيبتي ربي يبارك فيكي وفي زوجك ويسعد قلبك ان شاء الله
شرع ربنا وما عملتي شئ غلط والحرمه جزاها الله خيرا طلعت اصيله
وربي يجعلكم دوم متفاهمين

[بنت ختوم]

تسلمن الغوالي عالمرور
و ع الردود الطيبة
و الله يوفجكن جميع

[مالتيزرس]

اتوكلي على الله ، وعين العقل اللي سويتيه انج خذتي رقمها، وخلج من كلام البنات ولاتاخذينه دامج كلمتي أم عياله وهيه طيبة مسكينة الصراحة حبيتها من كلامها لج وماتوقعت تكون ردة فعلها بها الشكل عسى الله يوفجكم ويجمع بينكم فخير ، وجوفي خلج ويياها طيبة عشان المركب يمشي ، وتبادلو الهدايا واذا قالج بروح للحرمة لاتتضيجين وتبيني له انج متضيجة حاولي انتي تقولي له اعدل وجيه عسب تكبري فعينه

[ازميرندا]

لا حول ولا قوة الا بالله

[Rimas El7ayat]

الله يسعدج يآرب

[ss91]

ربي يهنيييج ويسعدج ويبعد الحساد عنكم و تستوون ربيعات بعد