اساعده ولا .?

[دلوعة قلبهم]

السلام عليكم
بنات ريلي عنده ارض سكنية و يبي يبنيها الحين هو ما اصر علي و نحن ساكنين بايجارو الايجار غالي و هو قالي اذا تبين تساعديني و لا لا ما بزعل لو ما تبين و ما يخصني ببيزاتج بس عسب نسكن البيت بسرعة احين ابي رايكم اساعده ولا وكيف و كم اعطيه ما ابيه يستغلني بس انا واثقه فيه و يقولي لا تحاتين لما بموت البيت لج و الله ما بسرقج و لا ابي استغلج و استحي اصلا اطلب منج المفروض ما اطلب رايكم بنات

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عشق طاهر]

اختي

انا ماماتي
قالت لابوي حزت ماكان يبني

قالت له انت ابني البيت
وانا بساعدك بتآثيثه
من صبغ و اطقم غرف النوم وجذي

لان بعد هالامور يبالها ميزانيه كبيره

[يمامة أيوب]

ساعديه لكن مانقدر نحددلج كم بتعطينه و بنفس الوقت مب اتساعدينه يعني تشيلين شي كامل عنه يعني مو تقولين له انت تبني و انا ااثث لا انتي قولي بسااااااعدك حطي خط عليها يعني مو بعد عليه التاثيث لكن انتي بتساعدينه لا اكثر يعني انتي دورج مساعده مو تشيلين عنه شي كامل راح يستسهل اشيا وايده بعدين

والغاليه دام قالج ما بسرقج مايخصني ببيزاتج وعيب اطلب من الحرمه ها الكلام كلللللللللللللللللللله في مضمونه باطنه انه يبيج تساعدينه وراح يشيل بخاطره لو رفضتي ما كلمج الا وهو يبيج تساعدينه ببنا البيت حتى لو قال العكس لا مابزعل
انا ماعندي خلفيه بها الموضوع تريي راي بنات بنو بيت العمر مع رياييلهم وشوفي شقايل وزوعوا بينهم يعني دشي قسم الديكورات و المنازل بتلاقين مشاركات حريم وايد يبنون للحين كتبي موضوعج هناك اشوفه احسن ويمكن تلاقين ردود تفيدج لانه مب كل اللي اهنيه بانيين او راح يبنون جربي هناك بعد اهنيه كل وحده بتعطيج راييها هي لو كانت بموقفج شوبتسوي..

[الورد الأحمر]

ساعديه
هذا نصج الثاني

[Ms anime]

خلية يسجل نص البيت باسمج كضمان ما اكثر تجارب الحريم اللي ساعدو رياييلهم و عقب خانوا الثقة , لان يمكن عقب يطلقج او يتزوج عليج ساعتها شو بتسوين؟

[قمر العود]

خلية يسجل نص البيت باسمج كضمان ما اكثر تجارب الحريم اللي ساعدو رياييلهم و عقب خانوا الثقة , لان يمكن عقب يطلقج او يتزوج عليج ساعتها شو بتسوين؟

اي والله صدقتي لازم الحرمه هالايام تضمن حقها الريال ما يتأمن

[شاقني]

وابويه !
هذا ريلج ؟؟!!! دامج تقدرين ساعديه ! دامه محتاي ساعديه !
ياخذ منج ولا ياخذ من غيرج

[مالتيزرس]

عادي ساعديه هذا بيت العمر بس لا تعقين جيه بيزاتج الا تاخذين ضمان كعقد أو شي لاسمح الله باجر هاي الدنيا ماتعرفين شو يصير . أنا حميتي عادي ساعدت ريلها حطت وياه ميتين ألف حق البيت للنه كلف البيت مليون وشي تقريبا ووين الريال بييبها مسكين ولا انه يروح ويتدين وتبتلي وياه

[ملاآك قلبكـ،،]

خلية يسجل نص البيت باسمج كضمان ما اكثر تجارب الحريم اللي ساعدو رياييلهم و عقب خانوا الثقة , لان يمكن عقب يطلقج او يتزوج عليج ساعتها شو بتسوين؟

انا معاها
ساعديه وخليه يسجل نص البيت باسمج

[ام عمر 33]

أكيد ساعديه لأن هذا بيت العمر.. بشرط يتسجل نص البيت بإسمك .. ضمان الحقوق ما بيزعل حدا

[وحييدهـ]

عادي قوليله بساعدك بتاثيث البيت والا قوليله بساعدك ب 100 او 200 الف بس

يعني ساعديه بشي معقول بس افضل انج ما تشيلين كل المسؤولية عنه خليه يحس بتعب البيت اللي يبنيه


انا اشوف انج تساعديه اكيد بس بنفس الوقت ما تحسسه انه شال ايده من التعب والبنا. ترا البيت بيكون لج ولعيالج

ربي يوفقج اختي

[hamoudmam]

صلي استخارة وإذا ارتحتي لمساعدته ساعديه خاصة إذا زين وياج و عندج ياهال منه لأن في النهاية بعد عمر طويل كله حق عيالج وإذا خفتي تساعدينه كوني ذكية ف رفضج عسب ما يزعل فعلا منج, مثلا قولي له لو بنينا البيت بياخذ وقت و نحن تعبنا من الإيجار شو رايك بالفلوس اللي عندي ناخذ بيت على قدنا و طبعا بيكون باسمج لأنه بفلوسج , هذا لو عندج فلوس كفاية و لو ما عندج كفاية قولي له نفس العذر و خذي بيت قرض من البنك وطبعا إذا القرض باسمج البيت يكون باسمج .....
مع أني الصراحة ما أحب الحسابات بين الزوجين فلوسج فلوسه و فلوسه فلوسج.....

[حـ uae ـلا]

عطيه مبلغ معقووووووووووووووووول

بس لا تعطيه كل مرة

ترى الرياييل يمصخووها و ما يصدقوا انه الحرمه عندها فلوس و تقدر تساعده

و فيه نصهم يعقوا المصاريف كلها ع الحرمه ^^

خلج حكيمة

و الله يهنيكم و يسعدكم ^^

[ابتسامتي غير]

ساعديه بس يكتب لج نص البيت

الحق مايزعل

[غروري جاذبية]

المفروض هالشي ما تشاورين فيه حد لأن إلي بتقولج ها ريلج وكيف ما تساعدينه وما يصير وماعرف شو ..... والي بتقولج لااا تحملي ووايدات سووها ورياييلهم قصوو عليهم .. بس ها كله يعتمد عليج إنتي كيف ثقتج فيه .. لأن محد يعرف ريلج غيرج فأحسن شاوري نفسج ..