تعبت من هالحياه

[منـوه]

صباحكم خير شحالكن خواتي عساكن مرتاحاات

ببدأ بسالفتي ع طول لان العبره خانقتني بموووت انا اداوم من جريب من شهرين تقريبا و مب اول دوام لي كنت اشتغل قبل ف مكان ثاني خواتي ريلي من يوم ما داومت و هو على اي شي يتحسس اي شي لو شي بسيط مثلا بحط قلوس يقول ها حق منو حاطه قلوس منو بيشوفج هناك يعني مب معقوله بروح الدوام و انا ويهي مبهذل و جني عيوز ,,
و انا انش الساعة 6 لين الساعة 2 و شي في الليل ما ارقد لان لو رقدت من وقت هو يزعل ليش ارقد و اخليه تعبت و الله و مرات ارقد من وقت من التعب ما احس بعمري الا و انا الساعه 6 الصبح انش مرتاحه و القاه مبوز وزعلان هو يباني اسهر وياه و انش من وقت اذا نشيت متاخره يعصب علي ف لحظه حسيت اني انا امشي برموت كنترول مليت و اذا رقدت و هو ما رقد وياي يزعل بعد هذي بروحها سالفه
نفسيتي صارت ارف كرهت الدوام تعرفون اخر شي شو يقول ,,,
يشك ان حد ف حياتي من الدوام في علاقه بيني و بين حد من جيه يقول انتي شبعانه ما تبين ارقد وياج ريلي تغير ف لحظه حياتي صارت جحيم عطووووني حل مليت شكلي بكرهه اخر شي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[حبي لك]

ؤالله ما أدري شو أقولج

بس إذا إنتي مب محتاجه لشغل وريلج إوكي وياج، فتخلي عن الشغل

وان شاء المتزوجات يفيدونج أكثر

[انفاسک تذوبني]

لا حول ولا قوة إلا بالله

لا تسمحينله يقول هالكلام لج !! كيف يشك فيـج ؟؟ و على أي أساس ..؟؟

بس بسبة قلوس ؟؟ معقولة ؟؟

انتي لا تحطين جدامه أي شي حطي ف الدوام

حاولي تخففي شوي صدامات معاه لين تعرفين شو أساس المشكلة !!

ان شاء الله الخوات بيساعدونج .. ..

الله يهديه و يسخر قلبه لج

[منـوه]

المشكله اني محتاجه الدوام لاني انا اساعده اصلا و الله مره حطيته جدامه بس عقبها اسير بويهي و لا احط شي حتى في الدوام اقول حرام ان هو مب راضي بس يوم ما احط شي ف ويهي يقول كيف جيه سايره الدوام هههههههه ما عرفت له ابدااا
انا الحمدلله مب اني خسفه او ويهي مب حلو الا بميكب لا ويهي الحمدلله طبيعي بس مرات اكون راقده و انا ميته من الصياح انش عيوني وارمه يباله تعديل لو جحال من داخل العيون بس لاكن اخاف احط اي شي ما اعرف شو الحل وياه

[حلوة واموره]

يوم تردين من الدوام رقديلج ساعة ريحي شوي عسب تجابلينه المسا
لانه يبا اهتمام منج
واقترحي عليه تتركين الشغل وشوفي شو بيقول

[منـوه]

يوم تردين من الدوام رقديلج ساعة ريحي شوي عسب تجابلينه المسا
لانه يبا اهتمام منج
واقترحي عليه تتركين الشغل وشوفي شو بيقول

لو رقدت الظهر بعد يزعل يقول يت و رقدت حتى عيالها ما تجابلهم و على طلعتي من الدوام ما اقدر انا علي التزامات صعب فكرت فيها بس صعبه و الله

[بنت زاايد]

سبحان الله وبحمده سبحان الله العظيم

[+حلوه موت+]

اممممم

[روح اخوها]

يلسي وياه وافتحيله قلبج
قوليله انج اتنشين من فير الله .. وما ترقدين لين الليل
غصب اخر اليوم بتتعبين وبترقدين من وقت
انتي آدميه مب حديده.. اذا يباج تسهرين وياه يخليج ترقدين الضهر .. ع الاقل يعني ..
واذا ما وصلتو لحل
استخيري ربج وهدي الشغل
دام هو ساس المشكله

هو كيف شغله .. ما يحتاي يرتاح الضهر !!

ومثل ما قالولج الخوات
لا تسمحين له انه يشكك فاخلاقج
وقفيه عند حده .. بطريقه ينقرص فيها
وفنفس الوقت بدون صراخ ومشاكل

والله يألف امبينكم
ويسخركم لبعض ..
^^

[امراه]

الله المستعان ليش ريلج ماايقدر
والعلاقه الي مبنيه عالشك تكون فاشله وعالمحك
انااقول ارقدي من اتردين من الدوام ونشي لعصر وقابلي بيتج واعيالج انتي نوب مب رجل اكتروني
حشه

[منـوه]

هو متقاعد انقهر مرات اوعيه ما ينش اخليه و اسير بتكسي
و يوم ارد اقول له ليش ما نشيت يقول تعبان اقول له يعني رقدت و ريحت راسك و تباني اسهر و انش من الصبح يعني ما في احساس و احس انه اناني بس ما احب اقول له هالكلام اسكت عنه و ابين له اني زعلانه يراضيني بس ما يغير هالطبع

[الوزيره7]

الغاليه ،،، ما شي غي تيلسين وياه .... مره مرتين ...
صارحيه بالي فيج حتى لو جلتيله انك اناناي بس بطرقة غير مباشره ...
ولا تخلينه يشكك في اخلاقج ...
ولا تهدين الشغل تراه بينفعج ... مدامه متقاعد ...
الله يديه لج ان شالله ...

[ss91]

يمكن هو مب راضي انج تشتغلين
بس يقول شي ويبا عيش حياته
وياج ويستانس وما ينحرم منج
واذا مجبورة تروحين الدوام تنقبي
لان اللي عندنا يتنقبن ومرتاحات
ورياييلهم راضين ، ويني وبينج
سوي لج بزنز فالبيت دوري لج مواقع
اجنبيه وشوفي اغراضهم واعرضيهم عالبنات باسعار
حلوة وبتحصلين فالشهر قد راتبج مرتين وانتي
قاعدة فبيتج ، بين ريلج وعيالج ، عن تجربه ؛
والله يريحج ويهون عليج ويسعد قلبج

[gaaaaaaaya]

يمكن اختي شافج تغيرتي عليه عقب توظفك، واهملتيه، وماعدتي تقوليله كلام حلو مثلا............. دائما امدحيه ،وقوليله كلام حلو، وبينيله انك ماتشتغلي الا عشانه، وعشان تساعديه،وهذا من زود حبك له.
عشان يطمن ويدرك انه لايمكن حد ثاني يحل محله فماتدخل فراسه هذه الشكوك والوساوس.بس مثل ماقالن لك الاخوات سابقا اذا رد وشكك فيك مره ثانيه حاولي توقفيه عند حده. مادري كيف سكتيله،ومارديتي عليه في نفس الوقت؟؟؟؟؟؟؟؟؟؟

[ss91]

وريلج مب انه يشك فيج
بالعكس هوو يغار علييج من
حبه لج ،