سؤال مهم للعضوات

[دانهـ راكـ]

السلام عليكم
مساااااكم وصباااااحكم خير ونور وسرور
شـــــــحااااااااااااااااالــكم شخــــــباااااركم عســــاكــــم كــــلكــــم طيبيـــــن وشـــخـــــبار الكــــتاكـــيت
عســـــى ربــــي يســـــــــهل علـــــــى كــــــــل حـــــامــــــــل يــــــــــاااربــــــــي ويــــرزقهـــــــــــا بالــــــــطفل الـــــــمعافى

حبيت انزل موضوع اليوم عسب نستفيد من خبرات البعض عدنا ماشالله وايد اعضاء يمرن بتجربة الحمل لأول مره وانا وحده منهم فقلت ياريت نسأل سؤال للامهات الموجودين عدنا ونستفيد من خبراتهم

انا عارفه انه آلام الولاده تختلف من وحده لوحده وبعد من طفل لطفل بس نبي نعرف شو هي الاعراض الي مرت بها كل وحده ياريت نعرف تجارب العضوات وناخذ خبره شوي عسب نعرف نتصرف وقت الطلق وناخذ الفايده

وسامحووووني بالاطاله والله يسهل على كل حامل ويرزق كل محرووومه يااااربي بالذريه الصالحه

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[M!sS-AnTeeKa]

ااااب

[عين الدماني]

ربي يسهل عليج الغاليه بس حبيت أشارك بتجربتي الاولى كانت طلق صناعي يعني كنت تحت الرقابه عندهم بس اهم شي في الولاده تحسين دفع سوي بش بس لا تمين تسويت لو ماشي دفع عشان ماتتعبين يعني وفري للطاقه والأكسجين وايد يساعد استخدميه ف ويعاتج ع الولاده الولاده الثانيه استحملت الويع مع أني كنت عارفه انه فاتح اثنين ونص ف موعدي الاخير ونزلت السداده المخاطيه وهي عباره عن مخاط قد حفنة الكف مع دم تميت امشي واشرب الاشياء اللي تسهل مثل الزعتر العسل الميرميه الحلبه الخ ومائة الورد والزعفران حتى ف الولاده شليته واقرأ سورة مريم ومرات أسمعها لانه من الويع مرات ماترومين تقرين هني يوم مشيت ساعتين وحسيت الويعه كل ربع ساعه او عشر دقايق بانتظام والويع ماتقدرين تستحملينه رحت والحمدلله ولادتي خذت ساعه و اربعين دقيقه وان شاء الله فدتكن ادعلي الله يسهل حملي وولادتي هالمره ويحسن خلق البيبي وأي سؤال حاضره

[دانهـ راكـ]

مشكوووره عين الدماني ع تجربتج الغاليه
والحمدالله ع سلامتج ., والله يسهل عليج يااااربي
وبنتظار تجارب العضوات ^^

[آآآه]

وعليكم السلام ورحمة الله وبركاته ..

بما اني جربت الولادة فولدي
يوم الجمعة ناشه عادي مافيني شي ..
فجأة ياني الويع احس الويع فبطني وضغط من تحت ..
ما رمت ايلس ولا اوقف احس شي بطييييح ..
بس متسدحه وكان الويع منتظم كل 3 دقايق يروح ويرد ..
ورحت المستشفى بعد حنة ريلي ومرت حميي فديتهم ..
ووصلت المستشفى كان فاتح 5 سانتي وعلى اذن المغرب ربيت
وربي يسهل علي هالحمل والطلق .. ويسهل عاليميع يارب

[مندوبة جدة]

الله يسهل عليكي

[تفاحه الخضرا]

الله يسهل ع الجميع لي عوده ^^

[ms burberry]

انا توه الناس علي .. توني مخطووبه
بس دخلت من باب الفضوول .. هع

[ام حمود2010]

هلا اختي بما اني جربت الولاده في بجري بخبركم عن قصه الولاده كان يوم السبت حسيت نفسي مب طبيعيه و الويع خفيف بس امي شافت اويهي متغير قالت قومي بنسير نشوف و نتطمن المهم سرت بس قالو مافي ولاده رديت للبيت تعشيت ورقدت نشيت الصبح احس بويع خفيف و شي بجسمي متغير قلت ما في شي توني البارحه مراجعه المهم قلت خليني ارد ارقد شوي لانه كان الساعه ست الصبح المهم بعد ما رقدت نشيت على شي ينزل مني و قوي قمت اركد للحمام لين وصلت للحمام الله يعزكم و الماي ينزل بطريقه غير بيعيه قام ريلي و خاف لحقني قال شو فيج قلتله ويع امايه وعاها و يات قالت لا تخافين هذا بس ولدج بيي انا فرحت من بع الخوف اللي ياني المهم تميت مستانسى بس مافي وجع بس ماي ينزل بغزاره جيكت على شنطه المستشفى و جيكت على الاوراق و انا بطير من الفرحه ما عرفت انه وراي تعب المهم تمت امي تعطيني جرفه يقولون تسهل الاولاده المهم سريت للمستشفى على الساعه عشره الصبح قالو مافي ولاده قلت كيف مافي ولاده و انا نزل كل الماي اللي في بطني المهم ريلي قامةيزاعق عليهم دخلوني لانه كانو حاجزين حقي يوم الثلاثاء و انا سرت الاحد المهم دخلت غرفه اللي قبل الولاده و انا مافيني لا وجع ولا مفتوح غير نص كل شوي تي دكتوره شكل تفحصني و اللي تقول مافي ولاده و اللي تقول في المهم تبهدلت شوي خف الماي و تم ينزل بس الدم خفيف و ما طاع يفتح حطولي تحميله ما شوت شي قالو امشي مشيت ما طاع يفتح يا المغرب انا بموت من الويع تميت اتريا مافتح عطوني بعد تحميله و حطو ابرا الويع يزيد بس ما يفتح المهم يا الليل حطولي مسكن عسب ارقد ما طاع يخف اللويع تميت لين خمس الصبح ياو كل الدكاتره قالو خلاص ما نروم نعطيج محرض اكثر عن جي قالو ماعلي الا الصبر و تميت الكل يصيح و يقرا على قران لاني صدق تعبت و قمت اخرف و يغم علي و ارد اصحصح و طلبت ابرا الضهر ما سوت شي لانهم ما ركبوها زين و ما كان يوصل الدوا للظهر المهم تميت اصيح و اقولهم سولو قيصري ما طاع ريلي يقول بس ريحوها سولها عمليه قالو تريي لين الساعه وحده اذا ما نزل الراس للحوض خلاص عمليه المهم تميت لين ما ياني الطلق و فتح عندي و تميت في غرفه الولاده لين الساعه خمسه العصر و الحمدلله ربيت بعد معانه ادري طولت بس وايد عانيت ادعولي الله يتمم حملي و يجعل ولادته سهله يارب لي ولكم و للجميع

[ابرااااار]

الله يسهل عليج انشاء الله

[ابرااااار]

يا اختي انصحج ما تساالين هالموضع علشان ما تزيغين ولا تحاتين لاني انا من كثر ما اسمع انه في عوار وتطلع الروح لين ما ينزل البيبي تندمت يوم موعد ولادتي دخلوني مستشفى ورقدوني عندهم لا وبعد غرفة ولاده لمدة ثلاثه ايام و اكثر وما في طلق ولا عوار ولا شي اللهم قالولي بنرقدج لانه عندج مفتوح ثلاثه و كل يوم اسمع وحده تصارخ واللي تصيح اخر شي اطلع من غرفة ولاده دخلت في غرفه خاصه و اتصلت في ريلي اقوله يه و يكلم دكتوره انا ابي عمليه قيصريه مابي طبيعي مستحيل ايب طبيعي وايد حاولوه وياي و لا اخذت طلق و لا سمعت كلامهم اخر شي يو يفحصوني قالوني مب مفتوح ولا نص دخلوني غرفة عمليات وسولي عمليه تندمت والله ياليت لو ما سالت و لا سمعت من حد انه يعور و يطلع الروح جان صبرت ما استعيلت

[راحت أيامك]

الله يسهل ع الجميع ^_^

[CALA_LILY]

الله يسهل عليج

[Bint Ghareeb]

خفت ><"

[< لارين >]

موضوعج مفيد لي واااااااااااااااايد للرفع للرفع ياريت الكل يفيدون بالتجارب انا بربي برمضان باذن الله و وايد خايفة من الوجع