بيولدوني بطلق صناعي

**pearlly** · 2012-06-19, 19:30

السلام عليكم ورحمة الله وبركاته ...

شحالكم خواتي

؟

بغيت أسألكم منو جربت الطلق الصناعي ؟؟ وكم تاخذين لين ماتربين ؟

انا بكمل شهري الاسبوع الياي وقالولي مابنترياج لين ما تطوفين موعدج بنولدج نفس اليوم

...

قتلهم انزين شو السبب قالولي نخاف عن السكر يزيد ومادري شو ... بس اييبلهم قياسات السكر وكلها أوكي الحمدلله

شو رايكم أدخل المستشفى نفس يوم موعدي ولا اتريا ! أخاف أطول !

أتريا آرآئكم .. تعبت من التفكير

!

المزيد من آخر المواضيع من نفس القسم:

**راعية الدار.** · 2012-06-19, 20:21

انا احب الطلق الصناعي لانه يحمي الطلق وتولد الوحده بسرعه
الله يسهل عليج ان شاءالله

**pearlly** · 2012-06-19, 21:08

المشاركة الأصلية كتبت بواسطة راعية الدار.

انا احب الطلق الصناعي لانه يحمي الطلق وتولد الوحده بسرعه
الله يسهل عليج ان شاءالله

مشكوره الغاليه عالرد ..

آميــــن يارب .. بإنتظار الباقيين

**عيناويه ماتهاب** · 2012-06-19, 21:31

ماجربت الطلق الصناعي ف ماقدر اقولج انتي يلسي ادعي وسبحان الله يمكن اييج الطلق قبل لا يخلص الاسبوع وربي يسهل عليج ختيه

**عين الدماني** · 2012-06-19, 22:28

حبيبتي انا جربته بس ولاده مبكره التحاميل مانفعتني اللي ف الوريد حطولي اياه الساعه ٤بطيء وزادوه ع الساعه ٩ وربيت ١٢ لا تخافون بالعكس تكونين واثقه انها ولاده بس رايي اذا كل شي طبيعي أتريي اسبوع

**آآآه** · 2012-06-20, 00:26

ما عندي خلفية ..
ربي يسهل عليج وعلينا يارب

**ام حمود2010** · 2012-06-20, 00:36

انا سولي طلق صناعي تحاملي و في الوريد بس انا نزل كل الماي و لبيبي كان في خطر و مافتح عندي الا اثنين و الراس ماكان في الحوض عسب جي تاخرت لين ثاني يوم العصر بس كل اللي سولهم طلق ما يتاخرون الله يسهل عليج اختي و ان شاء الله تقومين بالسلامه

**lily.baby** · 2012-06-20, 01:07

الله يسهل عليج

**روح اخوها** · 2012-06-20, 04:08

حتى انا قالولي نفس الرمسة
بعد اسبوع وكمن يوم اذا ما ربيت بيعطوني طلق
مع انه كل شي الحمدلله تمام
بس ما ادري هم ليش جي
اتقولين يبون يفتكون الا
اماية قالت لي ما اتسيريلهم الا عقب ما اييج الويع
دام كل شي تمام ولله الحمد

اذا النفس مب فاتحه كيف يعطون طلق؟

ان شاء الله انربي خلال هالايام وانقوم بالسلامة ولا نحتاي لا لطلق ولا غيره

**قلبي من ألماس** · 2012-06-20, 05:03

ان شالله تربين خلال هالاسبوع بدون طلق صناعي .. مهما كان احس تحفيز الولادة من الدكاترة يتعب اكثر من ان الوحد ييها الويع بدون تدخلاتهم ..

الله يسهل عليج اختي ويقومج بالسلامة .. انتي عليج بالمشي هالاسبوع .. ولا تنسين التمر .. عشان تقوين جسمج ..

**ملكة الاحاسيس** · 2012-06-20, 06:48

ماريد اخوفج جربت الطلق مرتين
حييت ومت
لولا ابرة الابيدورال ولا جان انا من الالم ميته

الموضوع: بيولدوني بطلق صناعي

أدوات الموضوع

عرض

بيولدوني بطلق صناعي

المزيد من آخر المواضيع من نفس القسم:

رد: بيولدوني بطلق صناعي

رد: بيولدوني بطلق صناعي

رد: بيولدوني بطلق صناعي

رد: بيولدوني بطلق صناعي

رد: بيولدوني بطلق صناعي

رد: بيولدوني بطلق صناعي

رد: بيولدوني بطلق صناعي

رد: بيولدوني بطلق صناعي

رد: بيولدوني بطلق صناعي

رد: بيولدوني بطلق صناعي

المواضيع المتشابهه

اللي تربي بطلق صناعي في مستشفى صقر ضروووووووري الدخول

بيولدوني قيصري

بيولدوني في بداية التاسع ممكن مشورتكن,,,,

(|`•.¸¸.•|`•.¸¸.->اليوم قالوا بيولدوني<-.¸¸.•|`•.¸¸.•|)

...أحســـــــن و أصـــح حليب صناعي للرضع و احســـن مرضعة...الي بدت ترضع صناعي تدخــل