مسجات.......للزعلانه

**محد شراتي** · 2006-06-27, 12:47

هذي مسجات عتب ........يني عالإيميل
......................................
وش المغزا من الكلمه وش
الداعي!! وش الاسباب!!
وهرج الكذب والتجريح!!!
قوليلي وش اسبابه.
....................................
انا الشرهه علي اني فتحت
لخافقي كم باب
ولكن مثل ماجيتي !! ترى
وسع الجمل بابه.
....................................
تحسبيني على فرقاك
ابندم واغرق الاهداب
انا مبسوط يوم اني؛؛ طردت
الشوم وغرابه.
....................................
انا ما اعاشر الخاين..
ولا اسمع هرجة الكذاب
ومثلك قيمته عندي تحت
الزيرو حسابه.
.....................................
رفعتي خشمك الواطي
يوم غرك زينك الخلاب
ترى والله ما حرك جمالك
نظرة اعجابه.
....................................
تغطرستي على الفاضي
وانتي من علق وتراب
ومصير ابن آدم المسكين
يدمدم فوق ترابه.
...................................
هذاك اللي تحبينه؛ حقير
وخكري ولعاب
عاجبك ان قذلته شقرا ويميل
بالشعر كابه.
..................................
صحيح انه حقير وزين..
وشكله للنساء جذاب
تشبه بأخته فلانه؛؛ومنها
الدم متشابه.
...................................
وانا مانيب حرف الجر؛؛
تجرينه على الاعراب
انا حرف(ن) جزم نفسه؛ و
مثلي يصعب اعرابه.
...................................
تشوم النفس عن زينك
عقب ما طاح فيها ذباب
وانا حر(ن) ولد حر؛؛
تركت الزين لـ ذبابه.
....................................
انا شيخ(ن) ولد شيخ؛
بذكره تنعم الانساب
وقليل الأصل يافلانه!!!!
يراجع دفتر انسابه.
....................................
ولد شيخ(ن) وسط ربعه
له بين الرجال حساب
إليا ضاقت به الدنيا ؛؛ يهز
الارض مشعابه.
..................................
محنكني على الطيبه من
يومي صغير وشاب
أجل :وش رايك بطفل(ن)
دلال القهوه العابه.
...................................
ترى بدري على مثلك
تعيب وساسها معياب
ياليت اللي يعيبني؛؛
يحاول يستر اثيابه.
..................................
انا ليا جتني الزله؛ من
الجاهل وهو كذاب
تركت القافله تمشي؛؛
وراها تنبح كلابه.
..................................
وانا ليامن كشفت ان
الخوي اصبح لسانه داب
نزعت السم من عرقه..
وكسرت بمخلبي نابه.
..................................
خلاص اليوم يافلانه ؛
كرهتك والقلوب اغراب
وترى كل طير(ن) بكبد
السماء يشبع بمخلابه.
....................................
خساره !! مثلك بقلبي
يتوج سيد الاحباب
وخساره غلطة العاشق ؛
يحطك أول احبابه.
...................................
بعد هذا تبين ارجع لاجل
عينك نصير اصحاب
خسيتي واقلبي وجهك!! ولا
كلمه ؛ ولا اجابه

[img]http://www.*************/smiliespic/FAWASEL/bloem_16.gif[/img]

المزيد من آخر المواضيع من نفس القسم:

**شيما** · 2006-06-27, 23:02

تسلمين حبوبه

**محد شراتي** · 2006-06-27, 23:18

شيما..........من قال سالم

[img]http://www.*************/smiliespic/FAWASEL/bloem_16.gif[/img]

**منى الحمادي** · 2006-06-30, 15:20

يسلموووووووووو

**محد شراتي** · 2006-06-30, 15:57

ريانة العود ................من قال سالم

الظاهر ماعيبن البنات ..........امررررررررررره ماشي تفاعل!!!!!

[img]http://www.*************/smiliespic/FAWASEL/bloem_16.gif[/img]

**سـد اللـيل ـيم** · 2006-07-01, 01:44

انا ليا جتني الزله؛ من
الجاهل وهو كذاب
تركت القافله تمشي؛؛
وراها تنبح كلابه.

تسلمين الغاليه مسجات حلووووه وننتظر جديدج

**الدلووعة** · 2006-07-01, 01:58

مشكورة خيتوو يسلموو

**عالية المقـام** · 2006-07-01, 01:59

طر الصراحهـ .. وجان استانس عليهم لووووول ..

خص هذا .. وايد عيبني ..

...................................
وانا مانيب حرف الجر؛؛
تجرينه على الاعراب
انا حرف(ن) جزم نفسه؛ و
مثلي يصعب اعرابه.
...................................

تسلم ايدج حبووبهـ .. ولا تحرمينا من اليديد

**ندا الروح** · 2006-07-06, 16:15

محد شراتي ......................... صدق محد شراتج
تسلمين حبيبتي ... بصراحة واااااااايد روعه
كلج ذوق يا الغلا
مع محبتي لكم
ندا الروح

**رقيقة الإحساس** · 2006-07-06, 16:59

انا ما اعاشر الخاين..
ولا اسمع هرجة الكذاب
ومثلك قيمته عندي تحت
الزيرو حسابه.

محد شراتي ......................... صدق محد شراتج
تسلمين حبيبتي ... بصراحة واااااااايد روعه
كلج ذوق يا الغلا

**رعبوبة العين** · 2006-07-06, 19:25

وانا مانيب حرف الجر؛؛
تجرينه على الاعراب
انا حرف(ن) جزم نفسه؛ و
مثلي يصعب اعرابه.
ياااي والله خطيرات المسجات دام صا حبتهن خطير مشكوور حبوبه على الموضوع الحلو
ولا تحرمينا من لمساتج الحلوه

**هنودة** · 2006-07-11, 03:28

تسلمين عالمسجات القوية ،، وننتظر المزيد منج يالغالية

**نبضة قلب** · 2006-07-11, 12:10

روعه روعه الغاليه ننتظر مسجات في مجال اخر معايد ولا مباركه في رمضان
بس هذا مايمنع ان مسجات قمه

**سندريلا** · 2006-07-15, 17:25

تسلمييييييييين على المسجات الطررررررررر...

**القطوة** · 2006-07-16, 00:44

تسلمين الغالية..

الموضوع: مسجات.......للزعلانه

أدوات الموضوع

عرض