كيف بتتصرفيــن ؟؟!؟

[انفاسک تذوبني]

السلام عليكم و رحمه الله ،،،

مسـاءكم فــل

كيف بتتصرفيــن ف الحالــة اللي بذكــــرها :’


اذا زعلتي من ( الزوج OR الـخطيب )
و خبرتيه عن شي يضايقج وما تحبين يسوينه مهما كانت الأسباب و الظروف
تخيلي أكثر شي يضايقج و جاوبي

وكل مرة تزعلين من ( الـزوج OR الخطيب ) و تضايجين و تعيدين وتزيدين ف نفس السالفة
و هو يوعدج انه هالشي ما يتكرر

و يوم يتكرر هالشي ما يتأسفلج ولا يقول شي يتم ساكت ما يتصل ولا يسأل عنج 3 أو 6 ايام !!
على أساس انه زعلان من نفسه ومب عارف شو يقول

قبل انتي كنتي تسيرينله و تعاتبيه و تسكرين السالفــه على وعد منه هالشي ما يتكرر

لكن تكرر نفس الغلط و نفس تصرفه
سوى شي يزعلج و ما تأسف او علق عالموضوع أو ناقش الموضوع
وخلاج كم يوم ولا يسأل عنج

هل بتطنشينه مثل ما يسوي فيـج ؟
هـل بتتصلين فيه ؟
هل بتطرشين مسـج ؟ شو بتكتبين فيهـأ ؟؟
هــل .............................


هذا نقاش بيني وبين زميلتي ف الدوام وابى اعرف شو الأكثرية بيسون او شو هي الطريقة الصح للتعامل مع هالفئـة من الأزواج او أزواج المستقبل !!

مشكورات على قراءة الموضوع و على ردكم مقدما"

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[طبعي الطيب]

هلا حبوبهه انامتزوجه واذا كان زوجي يتصرف او يسوي شي يضايقني ويكرر التصرف
بتصرف على حسب الموضوع اذا كان شي يضايقني جدا او يمس كرامتي او يهدد حياتنا الزوجيه
باخذمنه موقف جاد ولاراح اسامحه ابدا الى مايترك التصرف او بروح لاهلي ولابرجع الى مااحس انه خلاص جاد في التغيير 000مشكوووره حبيبتي موضوع مهم جداااا ولك تحياتي

[هزووفه]

اذا طنشني بطنشه بعد شو هههههههههه

[ام زايدالغالي]

على حسب سبب الزعل بتصرف
لكن احاول قد مااقدر ماتكبرالسالفه يعني اقعد واتفاهم معاه

[انفاسک تذوبني]

هلا حبوبهه انامتزوجه واذا كان زوجي يتصرف او يسوي شي يضايقني ويكرر التصرف
بتصرف على حسب الموضوع اذا كان شي يضايقني جدا او يمس كرامتي او يهدد حياتنا الزوجيه
باخذمنه موقف جاد ولاراح اسامحه ابدا الى مايترك التصرف او بروح لاهلي ولابرجع الى مااحس انه خلاص جاد في التغيير 000مشكوووره حبيبتي موضوع مهم جداااا ولك تحياتي

كيف بتاخذين منه موقف وهو ساكت من يوم السالفة اللي زعلتج ولا كلمج !!
بتبادرين انتي مثل كل مرة و بتبدين ف الكلام ؟؟

اذا طنشني بطنشه بعد شو هههههههههه

لمتــى بتطنشيـــن ؟؟
هو ما يكلمج انتي بعد بتسوين مثله ؟؟ لمــــتى ؟؟

على حسب سبب الزعل بتصرف
لكن احاول قد مااقدر ماتكبرالسالفه يعني اقعد واتفاهم معاه

مممممم يعنـــي بتسوين مثل كل مرة انتي بتبادرين و بتكلمينه ؟؟

مع انه هو الغلطــان ؟؟

مب هالشي بيعوده انه مهما سوى شي غلط انتي بتردين وبتكلمينه ؟؟ وما بتطولين ف الزعــل ؟؟

[mayat]

سبحان الله وبحمده

[امراه]

ماااعرف بتريا الموقف وبرد لكم خبر

[أم ريمـ]

لا انا في هالامور جاده واذا وصلت لدرجة الزعل مااسكت ومسجات اطرش هب مسج بس خخخخ
وزوجي الحمدالله لو غلط بسرعه يندم ومايكرر الغلط ..
وهكذا الحياهـ ..

[سفيرة دبـي]

المعامله بالمثل بتضر ابد ما راح تنفع
بتخسرين نفسج و بتخسرين شريك حياتج
و لكن السكوت بيزيد غيضج و بيضاعف
افضل حل بعيد عن المثاليه انه اتفاهم معاه
بجلسه جديه فيها حده و شده .. و اقوله
يا فلان السالفه جيه و جيه و جيه و اقول الي ف خاطري
وخلاف بخليه يرمس و بغض النظر النقاش ايجابي او سلبي
من السالفه تتغير ارجع لحياتي و ابدا اراقب شي تغير و لا لآ
اذا شي الحمدالله لكن لو لا هني بدخل ابويه ربي يحفظه
بس بطريقه غير مباشره .. يعني عظه و عبره لي و له
وان فهم اني خبرت الوالد خير عسب يعرف الموضوع صج يضايق
وان مافهم و تغير خير و بركه بعد ..

[!baby_face!]

بالتفاهم تنحل الأمور ,,~

يسمعني وأسمعه ,, ^^

[ورقة ناعمة]

هل بتطنشينه مثل ما يسوي فيـج ؟ أكيد وبدون شك
هـل بتتصلين فيه ؟ مستحيل
هل بتطرشين مسـج ؟ شو بتكتبين فيهـأ ؟؟ nooo
هــل ..........................مافي مجال ...

[wafa123]

ممممممم كل موقف وله ردت فعل على حسب

[نوني عنوني]

أهم شي الحوار.....اذا ماشي حوار مابتنحل أي مشكلة ...
كلميه وخبريه بغلطه ...وكل اللي متضايجة منه ..
وربي ييسر أمرج فدييييييييتج....

[ملكة الاحاسيس]

نجرب نجلس ونتفاهم اذا مافي نتيجه ندخل كبار العايله
اذا افترضنا الموضوع كبيييييير ومؤذي للزوجة بشكل خاص ويؤثر على حياتها

[nayla79]

التطنيش ....كم بيتم ساكت مصيره يتكلم الا جان الحرمة مب مهمة ويبالها الزله..