فيتامينات للاطفال

**# غلا روحي #** · 2012-05-31, 14:13

مرحــــبا امهات

انا عندي بنت عمرها 4 شهور ووايد ضعيفة كل محد يشوفها يقول لي بعدها في الاربعين

والله احباط
انا اعطيها حليب اس 26 جولد وما اريد اغيره لانه الحمد الله هي مرتاحه عليه
اليوم وديتها للدكتور ووزنها 5 كيلو و 800 جرام قالي طبيعي لانها اتزيد كل شهر 750 جرام
قالي في اطفال يزيدون كيلو وفي اقل عن كيلو

المهم هي ما ترضع الا يمكن 3 رضعات في اليوم وغصب وعقب معاناه تشرب 60 مل

فقلت للدكتور عادي اعطيها فيتامينات قالي ما تحتاج طبيعيه بس اذا تبين تعطينها عطيها فيتامين بس يوم ورا يوم ونص مل

انا خذت لها فيتامين اليوم من الصيدليه اسمه PediaVit select

في حد جربه وشوتنصحوني من تجاربكم

هل اعطيها فيتامين ولا لا ؟

وشو الحل وياها وكيف اخليها ترضع

وسالته اذا ادخل لها اكل قالي لا لما تكمل 6 شهوور

المزيد من آخر المواضيع من نفس القسم:

**uae pulse** · 2012-05-31, 17:09

هلا اختي

انا اعطي ولدي نفس الفيتامين الي خذتيه

وهو زين لان فيتامين د يثبت الكالسيوم ف عظامهم

**# غلا روحي #** · 2012-05-31, 18:01

كم ملي تعطينه ؟

ويوميا ؟ ولا يوم ورا يوم

**الشاعريه** · 2012-05-31, 18:33

عادي هذا فيتامين د
كنت بقولج عطيها قطرات حديد بس اذا تعطينها صناعي وايد مايحتاج لان موجود فيه

**# غلا روحي #** · 2012-05-31, 19:53

الغاليه هو فيه منه فيتامين د وفي الي يسمونه ملتي فيتامين يعني مكمل غذائي وهذي صورته

والي انتي تقصدينه نفس الاسم بس مكتوب عليه حرف D هذا للي عندهم نقص في فيتامين دال

**فراشة دبي** · 2012-05-31, 21:59

تعطينه 1 مل .. قد الانبوب اللي ايي معاه ,,

بالنسبه للحليب يمكن مايعيبها ! اذا بس تشرب 60 ..

الصراحه شويه 60 مل 3 مرات فاليوم ,,

جربي Similac Gain

هذا الحليب يزيد الوزن ..

**مونتاج** · 2012-05-31, 23:07

للرفع

**ملكة الاحاسيس** · 2012-06-01, 03:46

امكن جسمها من الله جي

**мιѕѕ gυ¢¢ι** · 2012-06-01, 11:30

انا اقول شوفي دكتوره ثانيه لان بنتي وزنها كان يزيد بالجرام والدكتوره احتشرت علي ولازم يزيد كيلو كل شهر وكنت كل ثلاث اسابيع اسير عندها علشان اشوف اذا في زياده والا..
بنتي كانت ترجع الحليب يوم تشرب بكميات كبيره، بس الحمدلله تحسن حالها والحين بخير فديتها..

والفيتامين هاي النوعيه هي اللي ينصحون فيها الدكاتره، والافضل

**الروح** · 2012-06-01, 20:45

عطبها مريس تمر مهروس مع ماي يزود الوزن
جربي اول يوم بس تمره وحده هرسيها

**# غلا روحي #** · 2012-06-04, 13:43

اعطيها .. بس هي تبا تلعب ما تبا ترضع .. الحين قمت استغل الفرصه يوم اتكون راقده وارضعها

**ام الـBaby** · 2013-09-22, 22:27

اعطيها واعتمدي ياختيه
انا بنتي كتبه الدكتور لها ولا عطيتا ولين احين اعاني وياها مافيها مناعه والزجام يطرحا والا بالبخار
وولديه الحمد لله اعطيه من الولادة وقالي الدكتور اعطيه لين يكمل سنه نص قطاره 5. 0 فاليوم
واحين كل المستشفيات يصرفون من من الولادة ... حد يصرفوله لين يكمل 6 شهور وحد لين يكمل سنة
المهم انه وايد زين

**Ana Uniqe** · 2013-09-25, 08:02

انا عطيت بنتي من الولاده هذا النوع بس فيتامين د من 5 شهور عطيها سيريلاك الازرق خفيف وبيعطيها صحه

**الزوجة البارة** · 2013-09-25, 11:39

حاولي اترضعينها طبيعي لان حليب الام هو اللي يعطي الصحة للطفل اما حليب القواطي فوايده ما اتي كثر فوايد حليب الام واذا تبين يزيد حليبج اشربيل وحلبة وخذي من الصيدلية ليدي ميل. شربيه

**قوس وقزح** · 2013-09-25, 14:03

عادي وزنها انا بنتي عمرها سنه ووزنها 8 كيلو بس صح انا أشوفها ضعيفه والكل يتحراها مال 6 شهور لانها ما تأكل وايد وديتها العياده والدكتوره أتقول عادي في يهال بسرعه يمتنون وفي يهال لا

الموضوع: فيتامينات للاطفال

أدوات الموضوع

عرض