بنتي والحمام

**إمنوره بيتي** · 2012-05-23, 11:28

السلام عليكم خواتي ...

اتمنى احصل المساعده من ذوات الخبره بنتي عمرها سنتين وشهرين واحاول اعلمها ع الحمام .. اول يوم يوم شافت تكرمون البي بي ينزل منها خاافت ومن ساعتها بنتي تحبس البول حتى لما اتكون لابسه بامبرز وتقعد اتصييييييح لين خلاص تفقد السيطره وتطلع روحها !!

انصدمت من ردة فعلها لدرجه امس وديتها للدكتور على بالي انه فيها الم امساك .. وهالشي مايصير عندها الا الصبح اتقوم ماسكه نفسها وماترضى اتسويها في البامبرز او في الحمام ؟؟؟

احين ابغي اعرف هل اكمل اعلمها على الحمام ولا اتريا عليها ؟ ولو شافت الكبيره شو راح اتسوي اذا ردة فعلها للصغيره جذي

المزيد من آخر المواضيع من نفس القسم:

**om khalifa** · 2012-05-23, 12:30

الغلط الي إحنا دوم إنسويه إنا نعود عيالنا على لبس البامبرز بشكل دائم .... لازم في اليوم نعودهم أنهم ما يلبسونه حتى لو فترة بسيطة أثنا لعبهم في حديقة البيت أو في مكان يسهل تنظيفة عشان ما يحسون ان البامبرز جزء لا يتجزأ منهم.... خصوصا من يبدا الطفل يتحرك .... بتنج أكيد بتتعرض لصدمة نفسية إذا وصخت نفسها لأن في قرارة نفسها تحس انه شي خطأ ... فأنتي حاولي تاخذيلها كرسي حمام صغير على شكل لعبة لين ما تتعود عليه وحطيه برع الحمام مب شرط داخل لين ما تتعود تيلس عليه ....حاولي تشلين عنها البامبرز وقت العصر يوم تلعب ولا تذكرينها فيه.... وإنشا الله تدريجيا بتتعود تعيش بدونه ... وبالتوفيق

**إمنوره بيتي** · 2012-05-23, 13:56

مشكوره ام خالد ماتقصرين وباخذ نصيحتج بعين الاعتبار

**صغيره بس خطير** · 2012-05-23, 23:16

والله نفس عمر بنتي ونفس الشي صارلها وديتها الحمام ويوم خلصت شافت
البراز تمت تصيييح وعقب ما بغت الحمام بس تميت كل يوم اوديها واصفق لها
يوم تخلص واعطيها حلاوه والحين عادي ماتتروع بس بعدها تلبس البامبرز وقت الرقاد

**إمنوره بيتي** · 2012-05-24, 12:54

انا و الله تعبت كل يوم الفجر اتقوم اتصيح حصلانه وماترضى اتسويها لا في الحمام ولا في البامبرز اليوم ثالث يوم ونفس الموال

بس يوم اتقول لي ماما حمام اوديها انروح وانرد عالفاضي اقوللها ماما انتي لابسه بامبرز ماعليه سويها اهنه ماترضى اتخاف !!!

يمكن اتخاف اتوصخ اثيابها و الله مب عارفه شو موضوعها بالضبط ..

**مونتاج** · 2012-05-24, 13:34

الله يعينج
ان شاء الله البنات يفيدونج

للرفع

**إمنوره بيتي** · 2012-05-24, 23:25

المشاركة الأصلية كتبت بواسطة مونتاج

الله يعينج
ان شاء الله البنات يفيدونج

للرفع

مشكووره

**شمعة عمري دبي** · 2012-05-28, 01:09

شي طبيعي كل ياهل له ردة فعل بطريقته

انا بنتي من شليت عنها البامبرز وتسوي نفس الحركه تمسك عمرها لين ماتسويها برع ومرات كانت تصيح

وتميت فترة وياها لين مااتعودت حتى يوم يتعودوون ع الحمام مرات يخورون وييسوونها برع لانه بالنهايه طفل ماعنده كنترول

بس يا اختي هالموضوع يباله صبر.,........الصبر ثم الصبر

وان شاء الله خير

والسموحه

**إمنوره بيتي** · 2012-05-28, 09:27

المشاركة الأصلية كتبت بواسطة شمعة عمري دبي

شي طبيعي كل ياهل له ردة فعل بطريقته

انا بنتي من شليت عنها البامبرز وتسوي نفس الحركه تمسك عمرها لين ماتسويها برع ومرات كانت تصيح

وتميت فترة وياها لين مااتعودت حتى يوم يتعودوون ع الحمام مرات يخورون وييسوونها برع لانه بالنهايه طفل ماعنده كنترول

بس يا اختي هالموضوع يباله صبر.,........الصبر ثم الصبر

وان شاء الله خير

والسموحه

مشكووووره الغاليه والله يعيناويصبرنا يااارب ..

**LéNoura** · 2012-05-28, 14:30

تصدقين الدكتوره تقول علموهم من عمر شهور !
يعني وهم بالمامبرز حطوهم ع المرحاض وانتو بكرامه " وانتي يالسه قبلها طبعا "
انا بديت مع علايه الحين بروحها تبا المرحاض لكن كسل فيني خخخ ..
تدرين يبيعون مراحيض صغيره اشكال حلوه لليهال بس شفتهم في الامازون كنت ادور شي لعليا
عشان اعودها .. الله يسهل عليج يارب .. بتحبسها مره ومرتين لكن اخر شي بتغلبها عشان جي فجي وخليها ع المرحاض !
لين ماتعود ! وايد معاناة ولد خالي عانينا وياه وايد لين تعود بس اهله يخلونه بدون بامبرز وكل شوي يسالونه

الموضوع: بنتي والحمام

أدوات الموضوع

عرض

العرض المتطور

بنتي والحمام

المزيد من آخر المواضيع من نفس القسم:

رد: بنتي والحمام

رد: بنتي والحمام

رد: بنتي والحمام

رد: بنتي والحمام

رد: بنتي والحمام

رد: بنتي والحمام

رد: بنتي والحمام

رد: بنتي والحمام

رد: بنتي والحمام

المواضيع المتشابهه

ولدي والحمام

طفلي والحمام

الرضيع والحمام

بنتي والبامبرز...؟؟؟ والحمام

ولدي والحمام