اسعاااار المكياج !! لين متى يعني ؟؟

[LADUREE]

خواتي بصرآآحه في موضووع شاغل باالي

عن اسعاااااااااار المكياج
احسس في استغلال كبير ف الاسعااااااار
بصرآآحه ما يسسوى ,, ليش الاسعار فوق بالآف ؟؟
والله احسس حرآآآآآآآآآآآم نعق بيزآتناا على شي مال ساعتين ثلاث وعقب ينغسسسل ,
معقووله يعني ؟ شو الحلووو بالموضوع انهم يخلوون مكياج العروووس بالـ 4000 و الـ 5000 درهم ؟
لآنها عروس و يومها مميز يعني ولا شو بالضبط ؟
ماتوصصل لها الدرجه يعني
التسريحه فوق الـ1000 واكثر والميك آب قيمتها مادري فوق الـ 3000 ..
.. ليش ادفع كل هالبيزات عشان جم ساعه بسسسس .. هالمبلع بيفيدني بواايد اشياء احسن من اني اعقه جي
انا مسستغربه يعني مستغلين العرايس و العرايس عادي عندهم يسوون ؟
وانا اشوف ان وايد مبالغ ف الاسعار وكل يوم يزيدون السعر
((الحمدلله عندنا خير)) بس ماتوصل لدرجة ان نفر فلوسنا بالهبل
لين متى ؟؟
اللي يخاف من الله ما بيسسوي جي و شو يعني ماكيره وخبيره ؟ تحسسيس
ما احيد الروج والبودره فيه ألمااس ولا ذهب عسب يحطون هالاسعار
واكثرية الماكيرات شغلهم يكون مال سرعه وتخلص بسرعه ..؟ ما اشوف ان في تدقيق واحترافيه ف الموضوووع
والمكياج يتكرر على اكثثثثثر من عرووس


انيي لـ أسعار خوات العروس او المعرس ,, طبعا هاييل قيمة مكياجهم يختلف عن العرووس
قبل كاان المكياج العادي بـ 150 درهم و الخاص بـ 200
الحين العادي صاار بـ450 و الخااص بـ 600 او 700
والله ما يستااهل هالسعر
انتوا بس لو تقعدون تفكرون شوي قبل لا تصرفون فلوسكم على شي ما يستااهل بتحسون انه صج استغلال
يوم يزيدوون سعر السمج الناس يحتجوون , مع ان هذا ينفع للاكل ونستفيد منه مب المكيااج يزيدون سعره ونحن نتطمش ..
نحن مب قاعدين ع بنك ولا على مال قارون كل ما يزيدون السسعر نمشي ونعطيهم ؟؟ ترى العرس برووحه يباله مخااسير
بس لوو وحده تعطينآ سبب يقنعناا ان هالاسعار تستااهل ..
راعوا النااس بالاسعار

هالموضوع ناقشته مع مجموعه من البنات والكل كان ردة فعله مب عاجبنهم الوضع

والسسسموحه ع الإطالة

المزيد من آخر المواضيع من نفس القسم:

• احدث اشكال دعوات زفاف انيقة بالالوان...
• اجمل افكار زفاف لاعراس خريف 2023 حصري
• احدث تنسيقات طاولات زفاف انيقة لاعراس الخريف...
• اجمل مسكات ورد باللون الاحمر للعروس الانيقة
• اجمل مسكات ورد انيقة باللون الازرق لعروس...
• زفة نبدا بذكر الله بدون موسيقى - افخم زفة...
• احدث افكار زفاف باللون الاخضر جميلة وانيقة...
• اجمل افكار زفاف بالألوان المحايده لاعراس...
• اهم نصائج اتيكيت الزفاف لعروس 2023
• احدث ثيمات زفاف باللون الاصفر لعروس صيف 2023...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فاتنــة]

انا وياااج اختــــي قلبا و قالبااا ،
و احييج ع هالموضووع ، قبل ردييت ع كذا موضوع عن هالنقطه بس محد عبرني وايد

تدري شو المشكلة من انه البنات و الحريم معطيين ويه حق الماكييرات الغاليات بالتحديد
ويفرون بيزاتهم بدون ووعي ، و الماكييره عاد من تحترف في شغلتها تستغل الزباين و تزييد بأسعار خياليه
صدددق حق شوو البيزات 5000 درهم ، اعتقد بكون شريت ميكبها اللي تستخدمه حق ويهي
صددق لازم نحط حد و نوقفهم عند حددهم ، واتمنى من البنات يكونون ايد وحده او على الاقل يحطون قانون
بخصوص هالشـــي ونتمنى نرفعه لأعلى مرتبه،،

تخييلي عاد يوم يحنونج بالصالون يسألونج عروس ولا لا اذا هي يدبلوونه فوق
لانهم يدرون عندج بيزات المهر يعلهم الزط حراميييه ،،

اسمحلوووولي من الغصصه و الله آلاف حرااام و اللي ما عنده من غير خوات المعرس و العروس
خافووا الله محطيين ذهب بويوهنا ،، اووك الحرمه اشتغلت ع شعري و ويهي معقووله توصل فوق 5000

على الاقل حدها 2000
شي يقهر و اتمنى التعاون بهالنقطه و نمنع اي حد يستغلنا سواء أيااا كان و صدقووني بينزلون اذا سمعوا حد تنصصصخخخ

فمان الله ,,

[ريم الفلا 555]

كلامج ميه بالميه صح
والله حرام انا الحمد لله اعرف احط ميكابي بروحي
بس التسريحه بسير
والتسريحات العاديه ياخذون 400 والله حرام عشان كم ساعة

[امل التونسية]

للرفع

[LADUREE]

انا وياااج اختــــي قلبا و قالبااا ،
و احييج ع هالموضووع ، قبل ردييت ع كذا موضوع عن هالنقطه بس محد عبرني وايد

تدري شو المشكلة من انه البنات و الحريم معطيين ويه حق الماكييرات الغاليات بالتحديد
ويفرون بيزاتهم بدون ووعي ، و الماكييره عاد من تحترف في شغلتها تستغل الزباين و تزييد بأسعار خياليه
صدددق حق شوو البيزات 5000 درهم ، اعتقد بكون شريت ميكبها اللي تستخدمه حق ويهي
صددق لازم نحط حد و نوقفهم عند حددهم ، واتمنى من البنات يكونون ايد وحده او على الاقل يحطون قانون
بخصوص هالشـــي ونتمنى نرفعه لأعلى مرتبه،،

تخييلي عاد يوم يحنونج بالصالون يسألونج عروس ولا لا اذا هي يدبلوونه فوق
لانهم يدرون عندج بيزات المهر يعلهم الزط حراميييه ،،

اسمحلوووولي من الغصصه و الله آلاف حرااام و اللي ما عنده من غير خوات المعرس و العروس
خافووا الله محطيين ذهب بويوهنا ،، اووك الحرمه اشتغلت ع شعري و ويهي معقووله توصل فوق 5000

على الاقل حدها 2000
شي يقهر و اتمنى التعاون بهالنقطه و نمنع اي حد يستغلنا سواء أيااا كان و صدقووني بينزلون اذا سمعوا حد تنصصصخخخ

فمان الله ,,

صدقج والله , واللي يقهر اكثر ان اغلبية الماكيرات مواطناآآت واسعارهم نااااار..
وسسسالفة الحنه بعد صج اللي قلتيه ,, اذا عروس يرفعوون السعر
شو نقول بسس .. حسبي الله

[LADUREE]

كلامج ميه بالميه صح
والله حرام انا الحمد لله اعرف احط ميكابي بروحي
بس التسريحه بسير
والتسريحات العاديه ياخذون 400 والله حرام عشان كم ساعة

شو نسسوي ياختي .. هاييل يعرفون الحرام ؟ مستغلين كثرت المناسبات وخذوها فرصه
وين يبوون حضرتهم
ياخذوون الفايده واكثر بعد ..

[fluffy meowy]

هيه صدق وايد غالى الا هم كمن صبغه ملطوعه عالعين والله مصخره

[دلع 2009]

هيه قهر يعني مكياج ب 4000 وفوق جنة قاعد على بنك

[امل السورية]

بالتووووووووووفيق حياتى

[عذبة..!!]

انا عرسي قريب والصراحة مقهورة مب محصلة وحدة تمكيجني على 2000 او 2500 الصراحة ما حرام احط 4000 او 5000 على المكياج والتسريحة ..
وكلنا بنتحاسب على كل فلس ..

رااااااااااااااعونا شوي

حدي معصبة اليوم بعد تميت اقول لامي شو ها استغلال من خاطر ..

الله يسامحهم

[ليمونته]

العين بصيرة و الايد قصيرة

عادي حبيبتي سنه 2013 بيوصل 10000
شو نقول بس .. والله غصة

[دره في دربي]

موضوع يستحق نقاش صدق حراام ع كم ساعه بس واسعار نار

[{ الحب يكبر }]

لانهم يدرون عندج بيزات المهر يعلهم الزط حراميييه ،

اللهم امين خخخخخ
صدقتي والله يحسسوني انهم يحطون لنا خشم ثاني أو يسوون لنا عملية تجميل استغفر الله
كله مكياج والله لو احط طحين في ويهي ارحم من انه يتيني وحده تحط لي مكياج فوق 2000
خيبة شو هاه ماشي رحمة في قلوبهن !!!
انزين راعي شوية البنات بس تبون الصج انتن تستاهلون ليش موافقات اعترضوا وبتشوفوهن ينزلين من اسعارهن
واللي وحده من اهلها تعرف تسوي مكياج تسوي لها والله الا هو مكياج وكل ماكان بسيط كلما كنت حلوة
وسيري الصالون سوي لج تسريحة بسيطة ع 200 درهم والحمدلله
بس تيي وحده تقولج مكياج 3000 او 5000 خيبة والله خيبة اسمحييلي بتكونين بو مقصة هههههه
سوي حق عمرج وين المشكلة والله اشوف جم وحده تحط مكياج فوق 2000 بس تعالي شوفي شكلها استغفر الله
جنه سارت عند صباغ صابغ ويهها بكل الوان الصبغ مب حلو
نصيحة يابنات ونصحيتي للي بيعرسن ترى الله بيحاسبكن على كل درهم والله مايحب المبذرين والله كلها تقريبا
5 ساعات بالكثير مب حرام لمن تدفعين هالمبلغ على مكياج !!!!!!!!!!!!!!!!!!
اشكر صاحبة الموضوع والله يجزيج الخير على نصيحتج والتذكير وان شاء الله عرايسنا يفكرن وين يحطن كل درهم الحين ريل كل وحده يدفع من دم قلبه عشان العرس وفي الاخير
حرمته تدفع 5000 على مكياج والله حرام
كلمة حق وحبيت اقولها

[مشاعر مكتومة]

مرآآآحححب

موضوع في قمة الروعه ..

القهر نرمس ونرمس بس محد يسوي شي

لو تقاطعونهم بيحسون بهالشي .. بس محد يتحرك بس يرمسون وخلاص

القهر يتحرون العروس تصير غنية مايعرفون انه وراها بلاوي واااايد وساعات حتى البيزات ماتكفيهااا ..

محد يرحم حد ..

الله يعينا بس

[m3andah]

انا افكر اشتغل ماكييرة ..احس صدق واااااااااايد بستفيد .

ومادري الحين لو عرست شو بسوي ..معقوله ادفع 3000 او 5 على ميكاب .. وحتى دورات المكياج وايد غاليه ..

انا الف درهم عالمكياج والتسريحة واحسها واااااااااااايد..

وهذا يعتبر اسراف الصراحة ...

الناس ما محصلة اكل ونحنا بنحط ميكاب ب بالآلاف

الله يعين ..