بغيت نصيحتكم لي

**ladygaga love** · 2012-05-16, 08:54

السلام عليكم ورحة الله وبركاته إشحالكم خواتي إن شاء الله بخير المهم انا بدخل الموضوع على طول بس والله كنت وايد متردده بس انا اعتبركم مثل خواتي وما ابغي منكم غير النصايح وربي يشهد المهم انا ظروفي وايد صعبة هالأيام مب بس هالأيام يمكن من 3 شهور تقريبن وانا ظروفي صعبة مب بس انا حتى الوالده الله يطول بعمرها الله يسلمكم أمي مطلقة من 18 سنة تقريبن بس ظروفنا كانت الحمدلله اوكي بس من نزلو القرار اليديد الي قطع المساعدات عن الأرامل واليتاما والمطلقات تدهورت حالتنا والله تخيلو من ستنين احنا نحاول نبني البيت اليديد بنيناه الحمدلله بس الحين ناقصتنا وايد أشياء تخيلو للحين ما صبغنا ولا أثاث ولا شي وكل مره نقول بتتعدل حالتنا بس والله كل شي غالي الحين انا عمري 20 سنه وادرس بالكلية والله من هالظروف افكر اني اطلع واشتغل بس وين اشتغل واهلي يبوني اكمل دراستي والله محد يعلم بحالنا غير الله تخيلو اني صرت ما اصرف بالكلية شي لان أكلهم وايد غالي وانا مصروفي ما يتعدى 2000 بس من غير ما اني ادفع للباص كل شهر 400 والنادي 300 والعياده 300 والله يمكن انتو تجوفون ان مصروفي يكفي بس والله ما يكفي من غير ما اني اعطي امي ل شهر 500 لان مصروف البيت وايد والله ما عارفة شو اسوي غير إني افضض همومي لكم و أعتبركم مثل خواتي بس الحمدلله على كل حال إن شاء الله ظروفنا تتعدل بس ما بغيت انكم تاخذون عني فكره مب زينه او اني ابغي مساعدات بس بغيت منكن النصايح والله كريم

المزيد من آخر المواضيع من نفس القسم:

**@مبدعه@** · 2012-05-16, 09:12

بعطيج الغاليه بعض الاقتراحات وان شاء الله بتنفعج بس حبيت اعرف المصروف 2000 درهم

هل هو من الكليه؟

اولا بالنسبه للنادي وفري المبلغ للاكل ويفضل انج تسوينه فالبيت اذا المدرسين اللي رواتبهم عاليه ايبون من البيت ونادر ياكلون من الكفتيريا.

ثانيا مصروف الباص حاولي تكلمين الكليه لانهم مرات يدفعون عن الطلبه اللي ما عندهم امكانيات او حاولو اتدورون باص ارخص.

ثالثا في الكليه اكيد مرات يكون عندج وقت فراغ فانصحج تكلمين الاداره انهم يشغلونج اي مكان ويعطونج راتب رمزي منها تكتسبين خبره وتستفيدين.

واخيرا اتمنى اني ساعدتج ولو بالشي القليل تقبلي تحياتي وبالتوفيق ^^

**ladygaga love** · 2012-05-16, 09:20

مشكوره الغالية ال 2000 الوالد يعطيني لهم بالنسبة للباص ما اعتقد انهم بيعطوني مساعدات بهالوقت المهم بتخلص الكلية بعد شهر تقريبن بالنسبة للأكل انا نادر ما اكل بالكلية لان بصراحة اكلهم تو متش تخلي الوجبه الوحده ب 15 وايد مغلين وانا تعودت اني اسير النادي اغير جو لاني نادر ما اطلع من البيت بس الله يسهل علي إن شاء الله

وثانكس عالنصيحة الغالية

**^الدماني^** · 2012-05-16, 09:23

ليش ما تحاولين تسوين تجارة عن طريق المنتدى أو بين رباعتج في الكلية ؟
ابتدي بشي بسيط وشوفي عمرج اذا ترومين تمشّين ..

انتي ما عندج هوايات ممكن تحولينها الى تجارة ؟
أو الوالدة الله يحفظها ما عندها مهارات معينة في الطبخ أو الخياطة الخ ؟

أنا مرة قابلت بنية في مثل عمرج وظروفها صعبة
وأعجبت بها وايد لأنها فكرت في شي يزيد مدخولها وهي في الكلية ..
تعرفين شو سوّت؟

قامت تشتري شيل سادة بـ 30 درهم وتطرزهم بطريقة فنكي شبابية وتبيعهم على بنات الكلية
ونجحت

فقامت توسع نشاطها وتبيع في المنتدى ..

والحمدلله مشت أمورها ..

هذا مجرد اقتراح وان شا الله يفيدج

**ladygaga love** · 2012-05-16, 10:00

هلا وغلا الدماني انا شوي خبيره بالميكب وإن شاء الله بحاول اتعلم ميكب عرايس بهالصيف شوي بضغط على عمري والله بالتعليم والله كريم

**ladygaga love** · 2012-05-16, 13:39

لا اله الا الله

**دهن_العود** · 2012-05-16, 13:45

ادخلي فالمجال اللي انتي تبرعين فيه
وكل شي اوله صعب وعقب يسهل
موفقه

**dxbaii** · 2012-05-16, 13:53

للرفع

**عين السيح** · 2012-05-16, 13:54

موفجه حبيبتي

**ladygaga love** · 2012-05-17, 12:22

ما أقول غير الله المستعان

الموضوع: بغيت نصيحتكم لي

أدوات الموضوع

عرض

بغيت نصيحتكم لي

المزيد من آخر المواضيع من نفس القسم:

رد: بغيت نصيحتكم لي

رد: بغيت نصيحتكم لي

رد: بغيت نصيحتكم لي

رد: بغيت نصيحتكم لي

رد: بغيت نصيحتكم لي

رد: بغيت نصيحتكم لي

رد: بغيت نصيحتكم لي

رد: بغيت نصيحتكم لي

رد: بغيت نصيحتكم لي

المواضيع المتشابهه

معرسات بغيت نصيحتكم

بغيت نصيحتكم خواتي

بغيت نصيحتكم خواااااتي

بغيت نصيحتكم

بغيت نصيحتكم