حفلة تخرج اختي

**ro7.wed** · 2012-05-15, 10:53

السلام عليكم ورحمة الله وبركاته

شحالكم خواتي ..؟؟

خواتي ابا منكم خدممه .. اي حد يسوي شغل حلو لآشي يخص التخرج يخبرني

ابا افكااااركم شو ممكن اسوي بحفلة تخرررررج اختي ..

بلييييييز اتريآكم ..

المزيد من آخر المواضيع من نفس القسم:

**مبتسمةمتفائلة** · 2012-05-15, 10:58

ونين بيكون المكان فلبيت ولا في قاعة ولا في الجامعة

**@مبدعه@** · 2012-05-15, 12:04

موفقه الغاليه.. اختج @مبدعه@

**مزون داري** · 2012-05-15, 12:23

الله احب سوالف التخرج
لاني ايمع افكار حق تخرجي بعد خخخ
المهم
بعطيج كذا فكرة و ان شاء الله اتكون مفيدة لج

اول شي اتسوين توزيعات صغيرة بحيث تكون ذكرى للضيوف
مثل استاشيو صغير لابس مال تخرج و جوكليت ^.^

ثاني شي كحركة مميزة اترومون اتسوون مثلا في مكان الحفل دايرة بحيث اتكون
اشوي وسيعة و اتحطون فيها كيكة خاصة حق الخريجة

وبعد لو العشاء يكون بوفيه احلى و ارتب

اخر شي عسب تسوون جو خلوها حفلة تنكرية ^^

هالاقتراحات ما تناسب البيت ابدن يعني قاعة ممكن لكن التوزيعات عادي
و كل ما كانت التوزيعات سمبل و هب مبالغ فيها احلى ^-^

**المصارعه** · 2012-05-15, 12:25

بالتوفيق اختي

**ro7.wed** · 2012-05-15, 23:57

هيه بتكوووووووووون فالبيت ان اشاء الله ..

وبيكووون بوفيه بعد ..

ومشكوووووووورات حبايبي .. ولو عندكم فكره هديه خبروني بعد

**ام مهااري ...** · 2012-05-16, 00:10

اناا هالسنه بتخرج ان شاء الله و بناات الكلاس مسويين سلسه ع شكل مفتااح و مكتوب عليه خريجت 2012 بالانقليزي رووعه طاالبينه من امريكاا وهااي بتكوون هديه مناسبه ل اختج

**دهن_العود** · 2012-05-16, 00:14

بالبركه

**الأحلام الملونة** · 2012-05-16, 04:02

عندي مني مج وعلية فيسات البلاك بيري وممكن كتابة آي شيء على الكوب سنة التخرج وأهداء

أضغطي على التوقيع أذا عجبتك الفكرة راسليني

موفقة حبيبتي

**وردة غلااا** · 2012-05-16, 08:12

عزيزتي ،،، التوزيعات أحلا ( كابات التخرج )
.
.

ممكن تهدينها أي شي هي تحبه وينفعها ان شاء الله
.
.

خلي الديكورات باللون اللي هي تحبه
.
.

سوي استكرات على غراش الماي الصغار فيها عبارات حلوة حقها
.
.

ربي يفرحكم فمن تحبون يارب

**ro7.wed** · 2012-05-17, 13:25

مشكوووووورين خووواتي .. بس افكاركم حلووووووووة ومن وين اقدر اشتري هالسوالف الكابات وغيرها ..؟

**حمادينة** · 2012-05-17, 13:51

بالتوفيق
تم الرد عالخاص

**راعية الغنم** · 2012-05-17, 13:58

لا تنسين تسوين ألعاب بتزيد الضحك و الفرح و المرح و تثبت بالذاكرة
و أغنية عبدالحليم حافظ لان لها احساس غير "وحياة ألبي و أفراحه"
و الكيكة أكيد عليها أحلى عبارة
و التوزيعات نوعين الاول للأطفال حلويات بس لأن أي شي ثاني معاها مصيره الزبالة
و النوع الثاني للكبار قطعتين شوكليت و هديه صغننونة و استكر تهنئة بالتخرج
و الهدية .... الفكرة الاولى: خذي لها طقم من داماس أو من ديور
الفكرة الثانية: مجموعة أشياء (حقيبة يد من باريس جاليري, كم قطعة مكياج مثلا "قلم أسود و مسكارا و روج و بودرة و بلاشر" للستخدام اليومي, نعال, و خاتم أو سلسلة من داماس)
الفكرة الثالثة: إذا كنتي مب متأكدة من ذوقها أو ان الهدايا من اختيارج ممكن ما تعجبها, بكل بساطة عطيها مبلغ الهدية حطيه على شكل باقة ورد
الفكرة الرابعة: لاب توب

خاطري أعطيج افكار اكثر لكن العيال محتاجيني أحين.
السموحه

**candy box** · 2012-05-18, 12:50

عندي حلويات مميزة خاصة بالتخرج

الموضوع: حفلة تخرج اختي

أدوات الموضوع

عرض