الوحام ذاااابحني

**دااار الزين** · 2007-08-16, 21:57

أنا توني في بداية حملي
الدوخة معذبتني والزواع عزكم الله ..ومب مشتهية شي طول
حتى البيت جبدي لايعه منه

خبروني شو اللي ممكن يخفف اللوعة

المزيد من آخر المواضيع من نفس القسم:

**طي السنيين** · 2007-08-16, 22:40

في دواء يخفف الوحام ممتاز أنصحج فيه سيري للدكتوره
ومحتواه عباره عن فتامين B
بتحسين بنوم زايد مع إستخدام الدواء

**اموووره** · 2007-08-16, 22:52

صح في دوا ينباع فالصيدليات ويخفف اللوعة وااااااايد
واذا ما نغع اشتري الشاي اللي بالزنجبيل والليمون بعد يخفف اللوعه ينباع في كارفور

والله يخفف عنج بصراحه معانااااه الوحام!!!!

**فيء** · 2007-08-16, 22:58

الله يعينج..

بس الحمدلله أنا أحمل ولا اتوحم .. قولوا تبارك الله .. ماشاء الله .. عن الحسد..ههههههههههه

بس أعرف إنه في إبر تنعطى عن اللوعة .. غختي كانت تاخذها لأن الوحام يبهدلها..

في إبر مفعولها سريع .. يتم ليوم .. وفي إبر يتم مفعولها لعدة أيام .. بس يكون سعرها أغلى..

روحي لدكتورة مختصة..

الله يعينج.

حنين الامارات* · 2007-08-16, 23:20

اختي شاي الونجبيل والليمون اللي قالت عنة الاخت امووورة
يمكن يكون مب زين لج لان الزنجبيل حاااااار

**امواج بوظبي** · 2007-08-16, 23:58

هيه صدقج الوحام يلوع بالكبد

وايد علي يوم استحملت والله كنت اتعذب مع اني وحامي شوي خفيف ما ارجع بس اللوعة ذابحتني يووه

ايام والله تقصر العمر

**Princesses** · 2007-08-17, 00:06

لا تذكروني بالوحاااااااااااااااااام ... مرت علي أيااااااااام ما أقدر مثل ما قلتي وزياده ..الناس في الحمل يزيد وزنها و أنا أنقص .. الحمد لله قربت على الثامن ألحين .. ما نفع معي كل أدويتهم لا حبوب ولا إبر.. بس اتحملي و الله يعينج

***nawari*** · 2007-08-17, 00:20

أخيييج أخس شئ الوحام والله

عليج بعصير الليمون بالنعناع وايد زين فادني وايد

***عســـولة*** · 2007-08-17, 00:33

الله يعنيكن

نحن نحس بلوعة شوي ونكره عيشتنا عيل وين انتوا الحوامل

**ثمرة حبنا** · 2007-08-17, 00:36

الله يعينج ويقومج بالسلامه

**شيخة بيتنا** · 2007-08-17, 02:22

انا عطتني الدمتوره حبوب ما اذكر اسمها لكن نتيجتها خفيفه ما تشل اللوعه بشكل تام

لكن كنت اشرب عصير ليمون بالنعناع وااااايد خفف عني

واكل خيار مع ملح يخفف شوي

و يوم تكون اللوعه خفيفه اكل بسكوت مملح لانه بعد يخفف

طبعا ابتعدي عن اي شي حلو و الاكلات هذي : الكاكاو و عصير البرتقال و الهمبا و البطيخ و الصالونه والسمك(لان فيه دسومه وكان اييب لي لوعه فظيييييعه) وهذا اللي اذكره الحين

الله يخفف عنج الله ويسهل عليج الحمل والولاده

ويسهل علينا جميعا ان شاء الله

**bent_dalma2007** · 2007-08-18, 11:25

أنا نفس الشي ميتة من الوحامممممممممممممممم
انا اعرف عمري لزم اتنوم في مستشفي الكورنيش كم اسبوعععععععععععععع

**أم كنه** · 2007-08-18, 11:30

اختي في حبه صغيرة بيضه اتصلي الصيدلية وبيعطونج اياها تاخذينها قبل الرقاد.. في ناس مفعولها زين يوم يستخدمونها ع طول يخف الوحام عنهم وفي ناس يقولون ماتنفعهم ..اذا انتي من بوظبي جربي صيدلية دار الشفا وخبريهم وبيعطونج اياها سعرها 6 دراهم الي اذكره ..بس نسيت اسم الدوا

**الفـ روح ــقيد** · 2007-08-18, 11:35

الله يعينج الصراحه ..

بس احيد مره قالولي انه الوحامشي نفسب .. فالوحده تشغل نفسها بوايد اشيا ينسيها الوحام ..

ما تشوفونا نحن الحريم ... نكون بادين في الحمل اول كم اسبوع بس ما ندري .. من ندري سبحان الله يبدا الوحام ...

دوم خلي في شطتج اللبان العربي ... يبعونه في محلات العطور العربيه ... يخفف وايد من اللوعه ...

و الله يعينج هم اول كم شهر و بيخف ان شا الله

وو تربين بسلامه الغالية ..

**دااار الزين** · 2007-08-20, 11:07

مشكورين خواتي
آسفة تأخرت في الرد لأني كنت منومة في المستشفى وأمس طلعت
الله لايبلي حد بالوحام
مب قادرة أرفع راسي من اللوعة والدوخة
وزادني الزود حمى فضيعة
الله يعين

الموضوع: الوحام ذاااابحني

أدوات الموضوع

عرض

الوحام ذاااابحني

المزيد من آخر المواضيع من نفس القسم:

المواضيع المتشابهه

الوحام .... كل وحده تدخل وتخبرنا قصته مع الوحام

الوحام

الوحام

الوحام

الوحام