تجربتي مع عملية الشد والشفط

[نور السحاب]

هلا خواتي وسامحوني على التاخير المهم عدا اليوم الثان على خير ونفس الشي ما عرفة ارقد من ضهري وانا اصبر نفسي واقول ما عليه كلها كم يوم ويعدن وصار الجمعه وطبعا خلاص بيرخصوني بها اليوم وقمت من الصبح من الفرحه لاني بصراحه اكره قعدة المستشفيات ورحت الحمام عزكم الله طبعا ما اقدر اتسبح بس اللهم امش جسمي بفوطه مبلله وغيرة ثيابي وطبعا من يوم الخميس انا قدرة امشي بس كنت امشي مثل العيوز وجسمي منحني لاني ما اقدر اصلب طولي من العمليه ويوم الجمعه كنت احسن بس بعد المشيه مب لين هناك وياتني الدكتوره وعطتني اذن بالخروج وكتبت لي على ادويه وارشادات لما بعد العمليه وياتني اختي وطلعت على كرسي متحرك لين السياره والحمدلله ركبت السياره وبعد ساعه ونص وصلت البيت بما اني من العين بس تعبة شوي بالسياره من القعده وها كان ثالث يوم ومن ها اليوم لين موعدي الي كان بتاريخ 3| 5 وانا اعد الدقايق والساعات عشان يشلون الشاش مني واشوف بطني كيف صار وبصراحه عدن علي ها الايام ثقال كنت مرات احس اني بخير ومرات اقعد اصيح من الويع والنوم طبعا ابد ما فيه كل ساعتين اقوم احس جسمي مكسر انا ما اريد اخوفكم طبعا كل شخص يختلف باالمه عن الثاني وانا بصراحه وايد تعبة بها الايام وانا كنت احتسب الاجر من الله لان الله الشاهد ان عمليتي كانت علاجيه قبل لا تكون تجميليه
الحين صبحون على خير واكما باجر باذن الله