ابني حبيبي

**الجوافه** · 2012-05-05, 15:18

السلام عليكم ورحمة الله وبركاته
اخواتي العزيزات لدى ابني يبلغ من العمر 10 سنوات عصبي دايما يقول انتوا ماتحبوني اكيد تتمنوني اموت احسن اذبحوني على العلم انه السنه الماضيه ماكان جذي

كان يحب الصلاه

والان لايحبها

كان يقراء القران ويحفظه والاحاديث والان لا كان يسمع كلامي ولا يرفع صوته علي والان ماشاءالله صوته اعلى من صوتي ولا يحترمني ولا يحترم ابوه كان يحب الذهاب الى المساجد والحين يقول ماابي احس اني يوم ادخل المسجد ارقد واجلس اتفاوه من النعاس تعبت معاه كثير

عاقبته في بعض الاحيان اضربه بس مافيه فايده ارجو منكم مساعدتي كيف اتعامل معاه

المزيد من آخر المواضيع من نفس القسم:

**الجوافه** · 2012-05-05, 19:40

الله يسامحكم 11 وحده داخله ولا رد

**$قطرة ندى$** · 2012-05-05, 19:54

الله يعينج الغاليه يمكن عين صايبتنه وديه عند مطوع يقرا عليه
الله يشفيه

**mayat** · 2012-05-05, 20:01

هيه خلي مطوع يقره عليه الله يحميه ويشفيه وجميع اولاد المسلمين امين

**ساره السويدي** · 2012-05-05, 21:21

ولدج ريال مااشااء الله ، مقبل ع عمر لمراهقه بيدخل ١١
سنه ، من الافضل تحتوينه و تسايرينه انتي وابوه خصوصا
لو ملاحظه تغيرات جسميه مثل ريحة ملابسه خصوصا بعد
مجهود او بداية ظهور شنب و غيره انا من راي هاي التغيرات
النفسيه طبيعي مع هالعمر ف احتواءه و تاديبه ومسايرته هم الحل
خذي له اذكار لاطفاال و خليه يقراهن للاحتياط فقط و ك نوع من الالتزام
و تربيه دينيه

**لاهوبه** · 2012-05-06, 00:53

قوليله قصص بطريقه فيهن درس مفيد بس بطريقه غير مباشره ،،،

خليي ابوه يكلمه عن طفولته عشان يشوف الابو قدوه >> حتى لو مب صدق

عطوه من وقتكم لانه ولدج على ويه سن حرج جدا ،،،، اتقربي منه الحين عشان تكسبينه اكثر في الكبر ،،،

قوليله انته صاير عصبي ومب مرتاح لانك بعيد عن الصلاه
وترفع صوتك علينا ،،،

حصنيه كل يوم ،،، ،وشغلي القران في البيت دايما ،،،

**ليندااااا** · 2012-05-10, 12:40

الله يعينج حبيبتي
بداية المراهقة وايد صعبة

**ام زايد21** · 2012-05-10, 14:29

هاى بداية مراهقة وتغيرات هرمونية حاولى تتقربون منه اكثر وتعاملونه كانه ريال يعتمدعليه شوفى شو من الهوايات يحب وساعديه على ممارستها ان كانت قراءه او رياضه او غيره خلى يتواصل مع الاهل والاصدقاء المعروفين باخلاقهم واهم شى لازم تحصنينه لان تغير حاله فجاه موب طبيعى والله يهديه ان شاء الله وتشوفينه معرس

**جوهره مكنونه** · 2012-05-10, 17:41

صحيح هو داخل على فترة مراهقه . ممكن تشاورين أخصائي اجتماعي .. او حتى اللي موجود فالمدرسة طبعا بدون ما يعرف ولدج .. بس بصراحه من كلامج ان شاكة ان عين صايبته الله يعافيه ياارب

**{"البريسم"}** · 2012-05-10, 17:45

اختي يمكن ظاربينه بعين و ديه عند مطوع يقرا عليه و ان شاء الله بيرد شرات ما كان و ادعيله , السموحة

**أمـ سـعـيد** · 2012-05-10, 17:51

اكيد ولدج مكسور من داخل .. يعني فيه شي مضايقنه منكم
يلسي معاه وكلميه واسمعي كلامه لانه هو يحس انه كبر ويريد اهتمام
وقوليله الكبير لازم يصلي شوف ابوك كيف يروح المسيد يصلي .. والافضل تسالين عنه فالمدرسه وعن اصحابه

**أم يوســـف** · 2012-05-10, 22:20

الله يهديه ويخليه لج

**نفحه أمل =)** · 2012-05-13, 12:42

اختيه يمكن من الدلع استوى عصبي ويمكن تستوي اشيا وخلته يكون سلبي جي بس بعده سنوات
عطيه من الحنان اللي يكفيه وما يخليه يقول هالرمسه واذا تشوفين انه يباله مطوع ودوه وخلوه يقرا عليه
واظن اذا انتوا الاثنين مرخين وياه لازم واحد منكم يشد عليه لانه ما يستوي ولد وما يسمع كلام ابوه !!

رمسي ريلج وخليه يكون شديد وياه ف بعض المواقف وحنون ف بعض المواقف وانتي سوي نفس الشي والله يحفظه لكم =)

**شمسة المرر** · 2012-05-13, 18:24

الخوات مول مااقصرن ، ربي ايحفظه
لكم اختي

**Little Steps** · 2012-05-13, 22:57

الموضوع: ابني حبيبي

أدوات الموضوع

عرض

العرض المتطور

ابني حبيبي

المزيد من آخر المواضيع من نفس القسم:

رد: ابني حبيبي

رد: ابني حبيبي

المواضيع المتشابهه

الووووو.... حبيبي رقدت .... حبيبي حبيبي

امي أم ابني ؟‎

امي ام ابني

ابني