الليزر لمنطقة البكيني (تجاربكن مهم بعد الحروق)

**الأميرة فلة** · 2012-05-02, 22:18

السلام عليكم ورحمة الله

بنات أنا اسوي ليزر لمنطقة البكيني

فحبيت اعرف منو جربت اتسوي..

لأنه صار لي حروق بسيطة شوي وبصراحة متخوفة إنها ما تروح لأني هب متزوجة ؟؟منو صار لها نفس مشكلتي؟؟ وشو استخدمتن وهل راحت الحروق؟؟

وهل الليزر فادكن في هذي المنطقة لأني حاسة إنه يسود المكان ولا هو عادي وبيروح عقب

بليز اللي جربت لمنطقة البكيني يعني برايفت اريا كلها اتمنى تفيدني بتجربتها

مشكورات

المزيد من آخر المواضيع من نفس القسم:

**mischocolat** · 2012-05-02, 23:14

تاجرات لو سمحتو ما نبغي رفع المواضيع بالقسم
يا تردون على تساؤلات البنات يا توقفون مسألة رفع وبالتوفيق ...هذا راي أغلب البنات وياليت نحترمه

**الأميرة فلة** · 2012-05-03, 13:57

بانتظار الرد

**m3andah** · 2012-05-03, 14:15

انا ما جربت بس اذا فيها حروق يعني الليزر قوي عليج ..لازم تخف درجته
..اسالي اللي مسويه عندها وقوليلها ان صارلج حروق فالمنطقه اللي سويتي فيها

**مسك غالي** · 2012-05-03, 23:38

حطي ميبو وايد زين بعد الليزر

**الأميرة فلة** · 2012-05-04, 14:59

المشاركة الأصلية كتبت بواسطة m3andah

انا ما جربت بس اذا فيها حروق يعني الليزر قوي عليج ..لازم تخف درجته
..اسالي اللي مسويه عندها وقوليلها ان صارلج حروق فالمنطقه اللي سويتي فيها

المشكلة من الجهاز كان فيه خلل وعقب عرفوا
فالمشكلة الحروق زاعجتني مب وايد بس مب حابة شكلها

تسلمين اختي

**الأميرة فلة** · 2012-05-04, 15:01

مسك غالي

حطيت فوسيدون اول

والحين يالسة احط ميبو

**الأميرة فلة** · 2012-05-04, 15:02

بس أنا حابة أعرف تجارب البنات هل استفادن من الليزر بهذي المنطقة ولا لا؟؟

لأني يمكن اوقف

**العنود20** · 2012-05-04, 15:02

انا بصراحة سويت ليزر ولا فااااد

سويت 4 جلسات ,. استغرب من البنات اللي يقولون افتكينا من الشعر بسبة الليزر .!!!؟؟

آخر جلسة كانت بشهر 11 واحترقت

ما حطيت شي عليه سويت طاااف خخخخ

والحين مااشوف اثر للحرق ( بس التوبة اسوي ليزر مرة 2 )

اللهم ارزقني وارزق كل وحدة تتمنى الحمل بالذرية الصالحة عاجلا غير آجل اللهم آمييييييين

اللهم عاملنا برحمتك

وبشر الصابريييين

اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.

ربي لا تذرني فردا وأنت خير الوارثييييييين

**لاهوبه** · 2012-05-04, 15:29

بليز والله حتى انا حابه اعرف تجارب البنات في هالموضوووع ،،،

في وحده من الاهل تقول استفادت انه الشعر يطلع ناعم وخفيف نفس شعر الويه ،،،
بس ماكملت كل جلساتها لانها حملت ،،،

**نقنوقة** · 2012-05-05, 01:51

سألي دكتورة جلدية وايد افضل

**Amira.s** · 2012-05-05, 02:26

انا قريب ف مجلة الصدى انه الليزر ضار لمنطقة البكيني و الإبطين لانه ها المناطق تحتوي على خلايا ممكن انها تتحول و العياذ بالله لخلايا سرطانية

**غزيرة الهموم** · 2012-05-05, 03:31

عاااادي جدا سويت في عيادة سميحه وتروعت شراتج اول بادي وخلاف قلت ماشي الا الميبو والفوسودين وزيت جنين القمح
انا اتشوهت عندي المنطقه كانت ثاني جلسه والحمدلله كل شي تمام الحين
يتني حكه بعد الليزر ويلست احج لين ما التهبت المنطقه واحمرت احمرار فضيع وعقب الاحمرار قامت تسود وتتقشر وانا استعيلت الحمدلله وتلاحقت عمري بالكريمات والزيت حتى دخلت عندها استشاره قالت لي زين انج اتلاحقتي واستخدمتي الادويه تميت استهدمهن لين ما احسيت ان المنطقه قامت تفتح لان اساسا زيت جنين القمح يفتح وقالت لي ممتاز جدا ويدخل في تركيب كريمات تفتيح البشره جنين القمح وتوكلي اهم شس عالجي المنظقه اول باول

**ميميه88** · 2012-05-05, 19:54

مممممم
انتي تشلينه بروحج؟
يمكن الدرجه ماناسبتج
وخبري الدكتوره
فيه يعطونج كريم بعد الجلسه تححطيه لمدة 3 ايام
وشوفي تجارب الخوات
وووما اعتقد انه يسود

**لا تسافر** · 2012-05-06, 10:42

بصراحة انا اسوي بس في كذا نقطة لازم تنتبهين عليها

- انا اسوييييه مرة كل شهر او مرة كل شهرين ومرتاحة احسن عن الموس بشكل يومي و الحلاوة بس لازم تستمرين عليه أول بأول
- عن الحروووق حطي ميبوووو بشكل يومي لو حتى 5 مرات ف اليوم انا لازم يكون في حرق بس يروح عقب اسبوع بالكثير
- و الشعر يستوي اخف عن كل مرة و ما يظهر بسرعه
- مشكلته اللي تحمل لازم توقف

الموضوع: الليزر لمنطقة البكيني (تجاربكن مهم بعد الحروق)

أدوات الموضوع

عرض