ربيعتي وزوجها

[الأماني الكبيرة]

بنات حبيت اعرض عليكم قصة ربيعتي ،،،

واباكم تحكمون وتعطون حلول ايجابية ،،،

المسكينة قصتها طويلة بس انا بقولكم القصة اللي صارت لها اخر شي

يالله تعالوا اسمعوا

المسكينة يوم ميلادها امس وطبعا كالعادة تنتظر زوجها يفاجأها بهدية كالمعتاد يعني يجيب ساعة باقة عطر اي شي المهم يتذكر هذا اليوم

بس للأسف السنة هذي مارواها شي حلو وصلت حالتها للاكتئاب حتى انها تظارب عيالها انتقام من زوجها

شو ضنكم صار لزوجها :؟؟؟

هل بدا يمل من هالسوالف او مشغول بشي ثاني ولا ،،،،،،

انا تعبت معاها احاول اسليها بس المشكلة ابو العيال اللي ناسي ومطنش

يالله عطوني اقتراحاتكم عشان اخبرها

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[سويت هارت]

امممم انا ماعندي خبره في هالسوالف اخليه للمعرسات

[فيء]

عزيزتي .. أنا ريلي لا يعرف متى يوم ميلادي ، ولا يذكر يوم زواجنا

فهل أروح وأهد حياتي بايدي؟؟؟

طبعا لا..

ليش لا؟؟؟

لأن الزواج قايم عالاحترام والود والتراحم بين الطرفين..


صدقيني ريلي أبرد عنه ماشفت... لو أرسله ألف رسالة حب ما بيعبرني،لأن هذا طبعه..

لو أهدي هدية ، ما بيبين عليه إنه مستانس وفرحان..

إذا طرش في السنة مسج واحد بتكون معجزة..

بس احنا الحريم...حساسات وعاطفيات..

والرياييل عافانا الله .. ماشي إحساس..

إذا ربيعتج مقهورة وااايد..تكلمه بصراحة .. أو تكتب له رسالة عتب وحب في نفس الوقت وتحطها بالسيارة..

مشكلتنا ألحين الوحدة إذا ريلها طنش ييب لها هدية تزعل وتضيق .. بس إذا طنش صلاته وذكرؤ الله ما نهتم وهذا سبب خراب البيوت..

طبعا أنا ما أقصد بهالكلام ربيعتج...

أنا أقصد هذا السبب اللي خلنا نزعل من أمور يمكن مب مهمة ونيسوي منها حكاية ورواية..

وأنصحج تسوي له هدية معتبرة .. وتكتب له .. بمناسبة يوم ميلادي أهديك هالهدية..

يمكن يحس ويتذكر..

والله يوفق الجميع..

[Me No.1]

عزيزتي .. أنا ريلي لا يعرف متى يوم ميلادي ، ولا يذكر يوم زواجنا

فهل أروح وأهد حياتي بايدي؟؟؟

طبعا لا..

ليش لا؟؟؟

لأن الزواج قايم عالاحترام والود والتراحم بين الطرفين..


صدقيني ريلي أبرد عنه ماشفت... لو أرسله ألف رسالة حب ما بيعبرني،لأن هذا طبعه..

لو أهدي هدية ، ما بيبين عليه إنه مستانس وفرحان..

إذا طرش في السنة مسج واحد بتكون معجزة..

بس احنا الحريم...حساسات وعاطفيات..

والرياييل عافانا الله .. ماشي إحساس..

إذا ربيعتج مقهورة وااايد..تكلمه بصراحة .. أو تكتب له رسالة عتب وحب في نفس الوقت وتحطها بالسيارة..

مشكلتنا ألحين الوحدة إذا ريلها طنش ييب لها هدية تزعل وتضيق .. بس إذا طنش صلاته وذكرؤ الله ما نهتم وهذا سبب خراب البيوت..

طبعا أنا ما أقصد بهالكلام ربيعتج...

أنا أقصد هذا السبب اللي خلنا نزعل من أمور يمكن مب مهمة ونيسوي منها حكاية ورواية..

وأنصحج تسوي له هدية معتبرة .. وتكتب له .. بمناسبة يوم ميلادي أهديك هالهدية..

يمكن يحس ويتذكر..

والله يوفق الجميع..

أنا مثلج

[سماا]

لعله خير لها ..

إنها ما حصلت ذنوب من ورا هالشي.. لأنه احتفال بعيد الميلاد مب من طبع المسلمين .. والكفار هم اللى يسوون جي ..

حرام عليها ..

يعني تعذب عيالها، وتشوش جو بيتها عشان هدية عيد ميلاد..

الزواج = عيد ميلاد بس يعني !

الزواج= مسؤولية أكبر من هدية في عيد الميلاد ..

يوم يوين وبتنسى..

وإنتي ربيعتها ..

وبتاخذ بشورج ..

إنصحيها ..

وأنا أدري إنج بتقنعينها

[أوان الود]

لعله خير لها ..

إنها ما حصلت ذنوب من ورا هالشي.. لأنه احتفال بعيد الميلاد مب من طبع المسلمين .. والكفار هم اللى يسوون جي ..

حرام عليها ..

يعني تعذب عيالها، وتشوش جو بيتها عشان هدية عيد ميلاد..

الزواج = عيد ميلاد بس يعني !

الزواج= مسؤولية أكبر من هدية في عيد الميلاد ..

يوم يوين وبتنسى..

وإنتي ربيعتها ..

وبتاخذ بشورج ..

إنصحيها ..

وأنا أدري إنج بتقنعينها

باااااااااااااارك الله فيج
تعجبني هالردود الحكيمه ما شاء الله عليج
و ربي يحفظج و يوفج الجميع يارب

[ام ندى ...]

باااااااااااااارك الله فيج
تعجبني هالردود الحكيمه ما شاء الله عليج
و ربي يحفظج و يوفج الجميع يارب

نفس كلام الاخوات ....

[ELMooz]

صراحه ماعندها سالفه
هذا الشي مايزعل لدرجة تظارب عيالها؟؟؟؟؟؟؟؟؟؟؟؟؟؟؟!!!!!!!!!!!!!!!
غريبه هاي ربيعتج؟؟؟؟؟!!!!!!
والله الناس أحين ملت من سوالف الهدايا
الكل قام يهدي بمناسبه وبدون
اللي عند واللي ماعنده
تشكر ربها وتحمده إذا تعامل ريلها وياها واااايد زين وهاي أشياء ثانويه
يعني بسألج سؤال
قبل لا تعرس منو كا اييب إلها هدايا يوم ميلادها؟؟؟؟؟؟؟
والله إحنا يمر علينا هاليوم ونزعل مانفرح
عشان مرت سنه وماأستغليناها في عمل خير
الله المستعان

[سارونة الكويتية]

اختى لازم تنبهينها انه حرام عيد الميلادددددد
والمسلمين ماعندهم غير عيدين الفطر والاضحى

[%Om_Khalid%]

بالاضافة الى انه عيد الميلاد حرام الاحتفال به

احب اضيف انه الرجال عكس النساااء.. الرجال ما يحفظوووووووون التوااريخ عكس الحريييم اللي ماشاء الله علييهم يحفظون تواريخ يوم ميلادهم وميلاد عيالهم وعيال الجيران بعد .. وهاي حقيقة علمية وليس تأليفا من عندي..

وبعدين تبين الصرااحة .. ماعندها ساالفة ربيعتج تضرب عيالها عشان هدية ..

لازم تستهدي بالله وماتخلي الشيطان يخرب علاقتها الزوجية ..

[جوهرة لندن]

سبحان الله أول مره أعرف قيمتي عن زوجي بس إذا ذكر عيد ميلادي شو ها المنطق ،،،
نحن نقول المحبه في القلوب دخلته عليه البيت وهو بخير تسوى ملايين الدنيا كلها اي هديه وأي خرابيط ،،،، وبعدين شو ذنب لذه فؤادج تتسببين في تعاستهم لو للحظه وعلشااااان شو ( هديه ) الله لا ردها من هديه ولا من مناسبه ،،،،،،،،، أختي جزااك الله خير حطي زوجك وعيالج في عيونج لانك محاسبه عن كل حرف وكلمه وفعل أمام الله يوم القيامه

[اختكم ###]

والله قبل ثلاث او 4 ايام كان عيد زواجي ... ومن كثر اني ما اهتم في هذي الامور السطحية لا انا ولا

(سعة الباشا ) على بالي كملنا 4 سنوات زواج ويوم ابوي الله يطولنا بعمره حسبها جدامي طلعت 5

سنوات هههههههه والله ضحكنا انا وهو على اعمارنا ..

وبصراحة ربيعتج لو تكبر عقلها شوية ... يمكن الريال نسى او كبر عقله وبدا يستخف فعلا بهذي

الامور ....

ياريت لو الحريم يتوازنن ويعقلن عن هذي الهيافات !!

السموحة الغالية ...

ربي يوفقج انتي وربيعتج ..

[قانونيه]

بنات هي قالت ما يهتم
و ذكرت مثال عن يوم ميلاد اربيعتها

يعني هو هاملنها
الحين ودرتو المشكله الاساسيه و الي هي الإهمال
و قمتوا اتقولون حرام و حلال
كل حد يعرف إن الاحتفال حرام
بس هو هاملنها من زمان و المشاكل بينهم من زمان



سلام

[.Um Hamad]

المسكينة يوم ميلادها امس وطبعا كالعادة تنتظر زوجها يفاجأها بهدية كالمعتاد يعني يجيب ساعة باقة عطر اي شي المهم يتذكر هذا اليوم

بس للأسف السنة هذي مارواها شي حلو وصلت حالتها للاكتئاب حتى انها تظارب عيالها انتقام من زوجها

اكتئاب مره وحده !!!!!

عزيزتي....

هناك امور اولى واجدر من قضايا اعياد الميلاد وطقوسها

اذا اهملها
اساء معاملتها
قصر في اي حق من حقوقها

هنا فقط يحق لـ صديقتكِ ان تطلب النصح والمشوره

ويحق لها ان تستاء وتغضب

من ناحية اخرى...

اساءة الام لابنائها لـ مجرد ان اباهم قد نسي ذكرى يوم ميلادها تحتاج لـ الف وقفة و وقفة

هدانا الله واياها

[ميروووه]

ما يوصل بها الموضوع انها اتضارب عيالها .. يمكن نسى ..هي ما بتحط في خاطرها لها الدرجه الا لانه معودنها انه يفاجئها بها اليوم ..من كل سنه .. واعرف وايد حريم يتريون هالمناسبات ع سب ايهدون اريالهم .. لكن لو كان عنده شي والا مشكله ف الشغل وشغله عن هالمناسبه ما بجلب الدنيا ...