بشو تنصحوني ؟

**بقايا الأمس** · 2012-04-28, 12:14

السلام عليكم ورحمة الله وبركاته ,

بنات طلبت شوركم ,
كنت اسولف ويا ريلي ف موضوع جدي فجأة قال شي ويلست اضحك ، وكل ما يقولي خلصتي اضحك واتذكر السالفة
فجأة حسيت انه الخط انفصل ، ما توقعت انه ممكن يسكر الفون ف ويهي , يعني مول ما توقعته يعصب ولا يزعل من الموقف هذا
لانه بالنسبة لمواقف ثانية وايد عادي الموقف

انا هنيه انصدمت ، ومابي هالشي يتكرر ,وقلت له انه الحركة ما عيبتني
قالي وانه يوم يضحك مب حلوة ف حقه ؟

ماعرف اللي سويته صح والا غلط ؟
اعتذر له ؟
واراضيه والا هو المفروض يراضيني ؟

للعلم انا مالجة مب متزوجة

المزيد من آخر المواضيع من نفس القسم:

**العنود20** · 2012-04-28, 12:47

ههههههههههه يحليلج على نياتج

مااعرف شو اقولج إن شاء الله البنات يفيدونج ..

**الأحلام الملونة** · 2012-04-28, 12:55

حبوبة للحديث مع الآخرين له أصول

ما بالك للزوج وأنت تقولي الحديث كان جدي أسفة أقولك الضحك بدون سبب --------

وأكيد زوجك حين أشركك بموضوع يخصه وهذا أمر جيد جدا لك أفضل ألف مرة من الزوج الكتوم

أكيد منتظر منك رد جدي ومناقشة تكون على مستوي الكلام ليس الضحك

حبيبتي الزوجة الذكية تعرف متى تضحك ومتي تصمت ومتى تقدم النصيحة وحين ما يكون عندها أجابة ما أجمل أن نقدم للطرف الأخر الدعاء

وما أجمل أن تصل الزوجة لقلب زوجها حين تستطيع أمتصاص غضبة والتخفيف علية بمشاكلة وصدر حنون يلجيء له وناصحة أمينة بالنصيحة

حبيبتي لا تزعلي من موقفة وبادري بلآعتذار بكلمات رقيقة حلوة ونعنشي قلبة بكلمات جميلة فالكلمة الطيبة صدقة

وتأكدك أنت الكسبانه أولا وأخيرا لأن هذا الأنسان سوف يكون أقرب مخلوق لك

وحلوا يكون بينكم مسح أول بأول آي خلاف وتعودوا يكون بينكم حديث ومشاركة الحياة لا تتحمل نزيد متاعبها

الله يوفقك ويسعدك يارب

**عيناويه جادة** · 2012-04-28, 13:20

امس صارلي هالموقف ههههههههههههههههههههههههههههه
كنا نسولف ونضحك والجو رااااااااااايق آخر روااق وفجآه يقلب الجو

ع آساس نضحك ع ربعه جيه يعني سوالف وضحك وفجأه تضايج من الكلام قال ببند بويهج لو كررتيها !!
انا انصدمت ماتوقعت توصل لهالدرجه خصوصا ان سوالفنا كانت ضحك بس يعني ماشي بالخاطر
بس الشباب جيه تفكيرهم مرات يتحسسون اذا الحرمه طرت ربعه او حد عزيز عليه ويتضايج من هالشي

المهم تميت صااااخه مارمست وهو عقب حس بغلطته وتم يعتذر وانه كان يمزح معاي ومستحييل يسويها اصلا
انا مشيت الموضوع بس تم بخاطري شوي لان ردة فعله ماتسوي يعاملني جيه
بس عادي نحن نتعلم من هالمواقف وكيف شخصية كل واحد منا وشو الي يزعله ويضايجه عسب مانكررها بالمستقبل

الله يحفظ ريلج ويسخره لج

**الشاعريه** · 2012-04-28, 13:22

اعتذري مافيها شي
الحياه الزوجيه محتاجه تنازلات حتى لو مب غلطانه احس مافيها شي لو اعتذرتي
جي الامور بتمشي بسهوله وبيقل الزعل
لازم الواحد يكبر عقله مثل مايقولون ويبدا بالتصالح دايما

**بقايا الأمس** · 2012-04-28, 13:59

الموضوع كان ما بين المزح والجد،عادي يعني كنا نسولف ونضحك ،صدمتني ردة فعله،
عادي أنا بعتذر بس مابي جي دوم يكون أنا اللي اعتذر،هو ما يعتذر لي ولو كان هو غلطان،

**لأنني مختلفة** · 2012-04-28, 14:20

مممممممم ..
يمكن شخصيته انه يتنقل بين الجد والمزح بسرعة ..
فأحس الاعتذار ممكن يخليه واثق انه هو ما غلط ..
تناقشوا وفهميه ان كنتوا تضحكون وما له داعي يزعل ..
واهم شي احس هو بين لج انه تضايج يوم قالج خلصتي وانتي رديتي ضحكتي ..
وما له داعي على كل شي تعتذرون ..
لان عادي لا انتي ولا هو غلطانين
انتوا تتفاهمون وسوء التفاهم وارد فترة الملجة

**غروري جاذبية** · 2012-04-28, 14:53

موقف صعب ،، أنا أموت ؤلا حد يبند في ويهي أموت من هالحركه .. بس يمكن إنتي زودتيها وياه شوي وما تحمل .. المهم خلاص إنتي عرفتي إحين كيف طبعه وشو إلي يضايقه عسب مره ثانيـه لأا تكررين الشي نفسه .. وخلاص كلميه قوليله انج ما كنتي قاصده وانج ما تحبين هالحركه إلي سواها .. يعني اعتذري في نفس الوقت بعد حسسيه انج زعلتي من حركته..

**ss91** · 2012-04-28, 16:20

لا خليج عاديه خبريه انج غلطتي فحقه من غير ما تدرين
و لنفس الوقت هو بعد غلط فحقج وصكاه فويهج ..
يعني تعادل .. وضحي له الصورة وبس بدون اعتذار و سكري الموضوع
يعني بعدها غيري السالفة

**ليندااااا** · 2012-04-28, 17:41

اللّهم انا نسألُك أن ترزُقَنا حبَّك.. وحبَّ من يُحبُّك
وحبَّ كلِّ عملٍ يُقرِّبُنا الى حبِّك
وأن تغفرَ لنا وترحمَنا
واذا أردت بقومٍ فتنةً فاقبِضْنا اليكَ غيرَ مفتونين
لا خزايا و لا ندامة و لا مُبَدَّلين
برحمتكَ يا أرحمَ الراحمين

الموضوع: بشو تنصحوني ؟

أدوات الموضوع

عرض

بشو تنصحوني ؟

المزيد من آخر المواضيع من نفس القسم:

المواضيع المتشابهه

وين تنصحوني؟

شو تنصحوني

بشو تنصحوني؟؟؟؟

بشو تنصحوني