::: أســـــــتراليا:::: دعوه لكل من زارها.. أويعرف نبذه عنها

[مــــيره دبــي]

الســـــــــــــلام عليكم ورحمــــــــة الله وبركاته..
خـــــــوااااتي.. شخبااااركم؟؟؟
موضوعي باين من عنوانه..
كل وحده منكم زااارت أستـــــــراليا.. (( كولد كوست)) أتخبرني..
1-عن طبيعتها في شهر 8؟؟؟
2- ســــــــوقهـــــــــا؟؟؟
3- أشهر فنادقـــها.. ؟؟؟
4- الشـــــقق المفروشه النظيفه..؟؟؟
5- الأمــــــــــاكن الســــــــياحيه؟؟؟
6- الأمــــــاكن الـــــــترفيهيه؟؟؟
وكل شـــــــيء حلو..:1 (8): :1 (8):
وشو عن الفــــــيزا؟؟؟ هل أطول لين ماتطلع؟؟؟؟ وهل الأجراءات بتكون بسرعه؟؟؟
خاطريه في هالبلاد.. وريلي:1 (53): يبا صوب فرنسا وماجاورها من دول.:1 (22):.
وأبغي أقنعه باستراليا:1 (9):
ياريت ألقى الرد:22 (22):
:22 (29): دمــــــــتم بود:22 (29):

المزيد من آخر المواضيع من نفس القسم:

• اهم مميزات السياحة في ارمينيا
• تحذير نصب واحتيال شركة سياحية في دبي -...
• اجمل مدن سياحية في انجلترا
• كيفية ترتيب حقيبة السفر
• نصائح هامة قبل السفر الى بودابست
• نصائح مفيده لتسهيل السفر مع الاطفال على...
• اجمل الاماكن السياحية في كوريا الجنوبية
• اجمل الاماكن السياحية للسفر في فصل الخريف
• تقرير شامل عن السياحة في أذربيجان
• اجمل الاماكن السياحية في تونس تناسب الصيف

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الأحلام الملونة]

هلا ميرة :22 (16):

بنتظر معاكي علشان نشوف حد يخبرنا هالمعلومات بلكي رحنا معك

[ad girl]

وانا بعد عندي سؤااال

شوو أحسن شقق مورووكان ولا شيفرون تاورز؟؟

انا عندي حجز في الثنين بس محتاره وين أأكد ووين الغي

[شيما]

السموووووووووووووووحه

[مــــيره دبــي]

مازلنا أنا وخواااتي في الأنتظاااار....

[مــــيره دبــي]

... معقوله.. محد ســــــــارلها؟؟؟؟!!!!

أو حتى سمع لو شــــــــــيء بسيط عنهــــــا...؟؟؟؟!!!!!!

[توته الحلوه]

هلا الغاليات
بالنسبه لويزة استراليا
اذا ناويه اتسيرين شهر 8
المفروض ادخلينها الحين لانها تاخذ من 9 الى 14يوم

السكن اذا تبين مجابل البحر(المحيط)
عندج الامبريال سيرف حلو
وعندج الشيفرون بس مش مجابل البحر


الاماكن الترفيهيه
فيها حدايق وايده مثل الدريم والموفي

وعنده رحلة الريف الاسترالي
حلوه الرحله
فيها الكوالا والكنغر اترومين تلعبين وياهم واتصورين وياهم

اذا عندكم صغاريه بيستانسون وايد في استراليا

لاي استفسار فالكم طيب

وان شاء الله اشوفج هنااااااااك في شهر 8

[عيون الفيافي]

مرحبا خواتي.. أنا راده قبل اسبوعين من جولد كوست، وكانت أول سفره لي لإستراليا، وبخصوص الفيزا من اسبوعين إلى 3أسابيع .. وعن الجو كان في شهر 6 بارد مع إنها الشمس ساطعه بس هواهم بارد جدا ويقولون هذا دخول الشتاء أنا كنت الحمدلله ما خذه ملابس شتويه لي وللأولاد وأبوهم.. فلا تنسون الجاكيت والسويتر ترى بتستخدمونهم حتى في النهار..
سكنا في شيفرون تاور ترى واااااااااايد حلو ومريح .. لانه ايدد واحد(تقريبا سنه وشوي) في المنطقه وهو عباره عن 3 أبراج متصلات في الطابق ال3 (حوض السباحه) ومن مميزاته إنه تحته محلات وسوبرماكت كبير(كولز) فيه كل شئ تبونه يعني ما بتتعبون من هاي الناحيه.. وشققه حلوه وفيها بلكونات و أدوات التنظيف و غساله أتوماتيك ونشافه زياده ومكنسه والمطبخ فيه كل شئ ( فرن- مايكروويف- غسالة صحون- ثلاجه .....)وبس هم ينظفون أسبوعيا.. الحلو بعد فيه نظام الحراسه الاتوماتيك يعني محد يدخل ويطلع إلا سكان الشقق.. والشقق مطله على البحر لأنها جريبه وايد للبحر يعني مشي دقايق والأبراج تتكون من 48 طابق والسوق والمطاعم حوله يعني موقع عجيب والمنظر من فوق وااااايد حلو..
وعن السوق ترى مافيه هاك الزود مثل بلادنا بس الصوغه والمشترى ترى لازم.. عن تذاكر الرحلات والحدايق ترى متوفره في كل مكان يعني ماشئ تعب ولادواره .. ترى إللي يسيرها ما يمل ولا يتعب وهلها ناس حبوبين..
وعن شقق مورووكان على البحر بس جديييييييييم ومافيه مميزات الشيفرون تاورز من ناحيه السوبرماركت
لأنه الوحيد الكبير في المنطقة..

[مــــيره دبــي]

ماقصرتوا فديتكم...

والله أنكم وااافيتوني واااايد..

جزاكم الله كل خيـــر,,

محبـتي القلبيه لكم

[حمامة الوادي]

هلا الغالية .. بصراااحة انا انصحج بفندق شيفرون بس على فكرة في شهر 8 اسعاره ترتفع وااايد عن شهور السنة .. وعندج زينيث شقق فندقية... مجابل البحر والشارع الرئيسي ... وتقريبا دقيقتين مشي لين ماكدونالدز ومطاعم الوجبات السريعة وممشى البرادايس مكان تجمع العرب والمقاهي .. يعني فعلا هالفندق Zenith فندق للعائلات وسعره مناسب في شهر 8

اما بخصوص الرحلات .. اهم الحدايق في استراليا : سي وورلد- موفي وورلد-دريم وورلد .. بس انا عيبتني سي وورلد بعروضها الحلوة اكثر شي
ونصييييحتي لج ازورين الحديقة الوطنية ..صح انها هالرحلة شويه اغلى عن الباقي لكن سعرها فيها .. هاي الحديقة الوطنية عبارة عن غابة مفتووحة وماعرف ليش مسمينها بعد حديقة !! لانه هاي اصلا غابة فوق اليبل وشلالات وانهاار وروووووعة الجو فووق اليبل .. والغااااااابة فيها زهوور واشجاار غريييييبة ..يعني سبحان الله غابة في قمة الروعة ( اسمها National Park)
اما عن المطاعم .. مانصحج بالمطاعم العربية لانها غالية واكلهم مب شي ..لكن شي مطعم ايراني في جولد كوست بس نسيت اسمه !! بس اكله عجييب ... وتقدرين بعد تطبخين في الشقة لانه في الشقة يوفرولج كل شي تحتاجينه .. وفي مركز برادايس بتحصلييين سوبرماركت كل شي فيها ..وفي نفس الوقت بتحصلين بعد مطاعم السريعة (ماكدونالدز..كنتاكي..بيتزاهت.. هانجري جاك)... وفي بعد مطعم ايطالي في برادايس الباستا ماله لذييييييذه.. بس بعد نسيت اسمه !! لكن تقدرين اسيريله مشي ..لكن بعيد شوي عن المطاعم السريعة ..على نفس الشارع المطعم شي فلل اسمها Villas Di La Mer..بس تقدرين توصلين لهالفلل وتمشين شويه جدام وبتحصلين المطعم الايطالي

والغالية اذا عندج اي استفسااار حياج الله عالخااص او حتى عالعام ..

وصيف ممتع ان شاءالله

[مــــيره دبــي]

::: فديتج يا حمامة الوااادي :::

ماقصرتي الغاليه..

بشوف أن شاء الله.. لي سيره قبل للعمره (( أذا الله راااد))

من عقبها.. بنشوف سيرة أسترااااليا.. وأكيد أذا أحتجت شـــــــيء , براااسلج ع الخاااص وأتحمليني عاااد,,

حياااج الله الغاليه

[استفهام]

أستراليا رائعة للأطفال.. مش ضيقة مثل الدول الأوربية.
قارة واسعة مريحة شعبها طيب و فيها مختلف الثقافات و خصوصا الآسيوية.. أكثرها قوم بو عيون صغار من تايلاند و الصين ... و شعها الأسترالي الأصلي
الفنادق تاخذينها من النت أفضل
و مليون معلومة بتحصلينها في النت أكثر من إنج تسئلين
أحلى شيء
إذا بتاخذين سيارة من جولد كوست لسيدني أو العكس
روعة
طرقهم ممراتهم غابات و طريق لا ينسى
شو رهيب
يجنن
بارد و ممتع
و السفر البري في الدول الأجنبية متعة لا تصدق
بالتوفيق و رحلة سعيدة

[مــــيره دبــي]

تسلمين يا (( أستفهاااام))

ع المعلومااات..

وأن شاء الله أذا عزمنـــــا.. مابخلي موقع مابدور فيه..

دمـــــــتي بود