بي بي

**ضياء الايمان** · 2012-04-24, 02:06

السلام عليكم
شخباركم حريم
بنات أنا متزوجه من 3 سنوات و الحمد الله
مشكلتي إني أبغي بي بي بس ريلي مو راضي أبداً وهو عنده بس مايبغيني استخدمه ما اعرف لييييييييش؟؟؟؟؟؟؟
خواته أصغر عني و مب متزوجات وعندهم و بعد حريم اخوانه عندهم ليششش أنا !!!!!؟؟؟...
والله مضايقه ليش خواته وانا لـا !!
يابلي آيفون بس ما أبغيه أبغي بي بي

المزيد من آخر المواضيع من نفس القسم:

**صغنونه متزوجه** · 2012-04-24, 02:08

هههههههههههههههههه

ضحكت لاني انا بعد ريلي نفس الطريقه

شي يقهر صح تشوفين كل الي حولج عندهم والاهل مسووين قروبات وانتي الوحيده

يارب ريلي وريلج يطلعولنا بي بي خخخخخخخخخخخخخخخخ قولو امين

**ضياء الايمان** · 2012-04-24, 02:12

ههههههههههه
الله يسمع منج
شو فيها اذا خذناه شي ناقصنا
الحمد الله والشكر

**فتنة الكون@** · 2012-04-24, 02:35

يحبج يغار عليج ويخاف عليج بس لما يكون رايق بيوم بالكلمة الحلوة فهميه انج خاطرج ف بي بي وبس الاضافات هو واهلج اهله وطمنيه انه راح يكون جدامه وبدون قفل وانشالله يرضى..الله يحفظكم ويسعدكم

**ليندااااا** · 2012-05-03, 10:24

المشاركة الأصلية كتبت بواسطة فتنة الكون@

يحبج يغار عليج ويخاف عليج بس لما يكون رايق بيوم بالكلمة الحلوة فهميه انج خاطرج ف بي بي وبس الاضافات هو واهلج اهله وطمنيه انه راح يكون جدامه وبدون قفل وانشالله يرضى..الله يحفظكم ويسعدكم

كلام فتنة الكون صحيح 100 %
كل شي يصير بالتفاهم

**صغنونه متزوجه** · 2012-04-24, 02:36

مدرررررري صراحه معقد ريلي بس يقول انه مو مقتنع بالفكره ؟؟؟؟؟؟؟؟؟

ياخي تكفى اقتنع وفكنا عن هالسوالف

**اسيرت شوق** · 2012-04-24, 04:20

والله ما اقولج غير احمد الله انه ما عندج شو اقولج البي بي ازعاج قمة الازعاج ما في شي اسمه خصوصية الكل يعرف تحركاتج حتى شو تاكلين لا بعد نصور شو ناكل ونشارك الكل امور حياتنا

انا من شريت البلاك بيري ونظري ضعيف حوليت من كثر ما اشوف
لا وعاد الادهى والامر الليت الاحمر المزعج وقت النوم تبين تنامين ما في امل اكيد الي داقه في راسه يطرش برودكاسات ما بيقصر بيطير النوم من عيونج

**UmAsma** · 2012-04-26, 09:41

المشاركة الأصلية كتبت بواسطة اسيرت شوق

والله ما اقولج غير احمد الله انه ما عندج شو اقولج البي بي ازعاج قمة الازعاج ما في شي اسمه خصوصية الكل يعرف تحركاتج حتى شو تاكلين لا بعد نصور شو ناكل ونشارك الكل امور حياتنا

انا من شريت البلاك بيري ونظري ضعيف حوليت من كثر ما اشوف
لا وعاد الادهى والامر الليت الاحمر المزعج وقت النوم تبين تنامين ما في امل اكيد الي داقه في راسه يطرش برودكاسات ما بيقصر بيطير النوم من عيونج

هلا اختي مادري ليش ارتفع ضغطي يوم جفت ردج

اولا بخصوص التصوير محد غصبج تصورين اكلج ؟؟ انا عندي بيبي من 3 سنين ولا مرة صورت غداي ولا عشاي ولا انا وين ووين سرت هالشي مب لازم اسويه لان عندي بي بي !!

وعن الخط ترومين تكبرين الخط من الخيارات العبي في فونج شوي

وعن الليت الاحمر والاصوات ترومين تغيرين من البروفايل معقولة عندج الفون وما غيرتي فيه شي من اشتريتيه ؟؟

................

اختي ضياء عن الفون ترا الايفون حلو نزلي فيه وتس اب وخلي ربيعاتج واهلج ينزلونه على تلفوناتهم وتنحل المشكلة

واذا وايد خاطرج في بي بي جوفي وقت ما ريلج رايق ومزاجه حلو وخبريه واقنعيه يمكن يسمع سوالف ويخاف عليج وقوليله يوم ما بعرف شي بسالك عنه والمحادثات عادي خليه يجوفهم عشان يوثق فيج هاي البداية بس يبالج ارادة شوي وبالتوفيق

**المزيونة2002** · 2012-04-24, 04:59

أنا الصراحة مسمتنه مدمر بيري خخخ

ماحبيته,,وأخوي يقول انه فرق بين ربيعه وحرمته

هي تبى تعرف حق منو يطرش والعكس
يمكن عشان جيه مايبى ياخذلج خايف من بلاويه

**عشتار** · 2012-04-24, 06:51

هو حلو البي بي يخليج تتواصلين مع الاهل والاصدقاء
بس والله يختي اله مشاكل ويبعدج عن الناس الي انتي معاهم بالبيت
هو اكيد عارفه مشاكله وعارف شو بلاويه لهذا السبب مايبى
اذذا عندج اي فون نزلي برنامج واتس اب تقريبا نفس خدمة البي بي
انا عندي بلاك بيري بس اتواصل مع صاحباتي والاهل عن طريق الواتسب
يعني هي هي نفس الشي

**بنت زاايد** · 2012-04-24, 07:30

خلاص مايحتاج

**شمسة المرر** · 2012-04-24, 09:51

ختيه البي بي لايجدم و لا ياخر ، بالعكس فتره وتملّينه حسب اللي شفتهم والله
انا من عايله ترفض هالتقنيه بشده و بالعكس احس اريح لي ويوم اشوف
حال الحريم وانشغالهن بالواتس و البي بي زاد وزاد وياه الاكل
ف لحوم الناس والحش ، احمد ربي اني مااخذته ولاخضت
مع الخائضين وباذن الله ماابااخذ , مقرره اكون فحالي
لربي وزوجي وبيتي بعيد عن فلانه وعلانه
وايد أخير "اللهم بلغنا مراتب
المحسنين"

**ملكة_الامارات** · 2012-04-24, 09:51

السلام عليكم

الصراحة الموضوع جدا سخيف و ما يحتاي الزعل احمدي ربج ياب لج ايفون غيرج ما عندهم تلفون لا تسون من الحبة دبه على اشيا تافه

السموحة منكم بس في بعض الحريم يضخمون الامور و يخسرون رياييلهم على اشيا سخيفه و عقبها يوم الريال يطالع غيرها و يدور غيرها تقوم القيامة و تقولون ليش ليش !!!!

**الطرفالذبوحي** · 2012-04-24, 11:46

أنا بعد ريلي مانعني منه. والله هالرياييل في قمه التخلف.
عاد أنا ريلي لاتفيد فيه كلمه حلوه ولا شيات مستحيل يوافق.

القهر ان الصغاريه عندهم ونحن شو كبرنا ممنوع علينا.

الله يصبرنا على هالرياييل بس. *

**ام رشوودي** · 2012-04-24, 11:53

احسنلج ماعندج
شكلي بقطع الخدمة

الموضوع: بي بي

أدوات الموضوع

عرض

العرض المتطور

بي بي

المزيد من آخر المواضيع من نفس القسم: