بي بي

**فـز الخفـوق** · 2012-04-25, 11:00

هالرياييل عليهم حركات عجيبه

خله يعطيج سبب مقنع خله يقنعج .

**مشاعر مبعثره** · 2012-04-25, 12:18

انا العكس انا عندي وزوجي عنده ايفون
ما يحب بلاك بيري

اوقات يقولي منو الي يطرش لك كل اشوي يا اهله ويا خواتي وطبعا اخليه دايما جدامه
وما اضيف اي حد غريب

انا اعرف وحده تطلقت والسبب بلاك بيري كانت تشتكي من اسلوب زوجها وطبعا نست تمسح المحادثه وريلها من النوع الي يفتش وقرا المحادثه وقال لها دامج مب مرتاحه روحي بيت اهلج وطلقها طبعا

وعندهم ثلاث اعيال

ترى تقدرين تتواصلين مع اهلج وربيعاتي عن طريق الواتس اب عندهم في بلاك بيري وبعد عندج في الايفون

تحياتي لج

**فديتني هبله** · 2012-04-25, 12:30

ههههه انا على بالي انا الوحيده مايخلوني اخذ

**LADUREE** · 2012-04-25, 12:54

اخووي بعد مب راضي ان حرمته تاخذ بي بي وهي تباا
عشان يسكتهاا بس , راح خذا لها آي فوون هع هع و هو عنده بي بي ,,
قلنا الواحد يغاار بس احس مب حلووه يعني حلال عليك وحرام ع غيرك ..

ماحب جي اناا
هع

**LADUREE** · 2012-04-25, 12:58

المشاركة الأصلية كتبت بواسطة الشاعريه

البلاك بيري ولا ايفون ولا غيره
ترا اللي يبا يغلط عنده مليون طريقه ماوقفت على البلاك بيري !!

بالعكس انا اشجع هالتقنيه .. ما ضرتني ولا ضرت ريلي .. بالعكس .. وفرت علي مخاسير المسجات والمكالمات .. وفديييت عيال اختي يوم اشوف صورهم كل يوم في البي بي

فالنهايه المستخدم يسيء استعمال التقنيه مب العكس

قوليله هالكلام يمكن يقتنع
ترا انا نفسج ماحب حد يمنع عني شي لمجرد المنع او جذه عناد .. يا تقنعني او اقنعك

كلام مضبوط هع

**ام هزاع وميثه** · 2012-04-25, 13:41

انا كالاان عندي والحمد الله اني ودرته مضيعة وقت الصراااحه وااايد يضيع الوقت ف سخافات وكلام فاضي الحيين الحمد الله احفظ قًراان وادرس عيالي وكل وقتي حقهم وحي ريلي قبل كله ع البي بي احوليييييييييت منه ههههههه

**الجوري 44** · 2012-04-25, 14:55

انزين ايفون احلى بوايد بي بي تقدرين اتنزلين برامج

**ضياء الايمان** · 2012-04-26, 02:18

مشكورين عالردود

**(خيماويه)** · 2012-04-26, 04:19

صدقج الرياييل كل شي حلال عليهم

**UmAsma** · 2012-04-26, 09:41

المشاركة الأصلية كتبت بواسطة اسيرت شوق

والله ما اقولج غير احمد الله انه ما عندج شو اقولج البي بي ازعاج قمة الازعاج ما في شي اسمه خصوصية الكل يعرف تحركاتج حتى شو تاكلين لا بعد نصور شو ناكل ونشارك الكل امور حياتنا

انا من شريت البلاك بيري ونظري ضعيف حوليت من كثر ما اشوف
لا وعاد الادهى والامر الليت الاحمر المزعج وقت النوم تبين تنامين ما في امل اكيد الي داقه في راسه يطرش برودكاسات ما بيقصر بيطير النوم من عيونج

هلا اختي مادري ليش ارتفع ضغطي يوم جفت ردج

اولا بخصوص التصوير محد غصبج تصورين اكلج ؟؟ انا عندي بيبي من 3 سنين ولا مرة صورت غداي ولا عشاي ولا انا وين ووين سرت هالشي مب لازم اسويه لان عندي بي بي !!

وعن الخط ترومين تكبرين الخط من الخيارات العبي في فونج شوي

وعن الليت الاحمر والاصوات ترومين تغيرين من البروفايل معقولة عندج الفون وما غيرتي فيه شي من اشتريتيه ؟؟

................

اختي ضياء عن الفون ترا الايفون حلو نزلي فيه وتس اب وخلي ربيعاتج واهلج ينزلونه على تلفوناتهم وتنحل المشكلة

واذا وايد خاطرج في بي بي جوفي وقت ما ريلج رايق ومزاجه حلو وخبريه واقنعيه يمكن يسمع سوالف ويخاف عليج وقوليله يوم ما بعرف شي بسالك عنه والمحادثات عادي خليه يجوفهم عشان يوثق فيج هاي البداية بس يبالج ارادة شوي وبالتوفيق

**أم الخليفي** · 2012-04-26, 10:17

حتى أنا ..وعادي ماخذه الامر بدون عصبية وزعل ..

اذا بيقتنع بياخذه لي بنفسه مع اني اقدر ..وأقدر أزعله وأكبر الموضوع بس تراه ما يستاهل ..

يعني حكمي عقلج ...تلفون ولا رضا الزوج

**رينوار** · 2012-04-26, 10:19

دايما نفكر شو اللي ناقصنا ونباه عمرنا ما فكرنا في اللي عندنا ومو عند غيرنا ، سبحان الله

**tami ~** · 2012-04-26, 11:25

عيل انا عكسج
شهور ريلي يحاول يقنعني اني اخذه
واخر شي يابلي اياه هديه وغصبا عني استخدمته
بس مب مهتمه فيه وااايد وعادي عندي ما يكون
عندي بيبي
الايفون احلى بمليووووون مره

**MEMOIR** · 2012-04-26, 13:14

الله يسعدج اختي

**Davinci Code** · 2012-05-03, 10:14

كبري عقلج لا تضايقين على بي بي !!!!

انا عكسج كنت ضد البلاك بيري وضد هالتقنية بس يوم وصلتني هدية تم عندي فترة عقب قلت أجربه
والحين عندي بس ما استخدمه الا نادر

ترى الموضوع ما يسوى ..

بس الغريب ان هو عنده ورافض فكرة ان يكون عندج بي بي.. شو هالعنصرية !! ما احب هالنوعية

الموضوع: بي بي

أدوات الموضوع

عرض