اجيب خدامة ولا لا ؟

[سومي دبي]

السلام عليكم ورحمة الله وبركاته
حابه اشاوركم في مووضوع الخدامة
اول شي بغيت اخبركم عن ظروفي..انا متزوجة وها اول حمل لي ، اداوم و زوجي متقاعد..ساكنين في شقة ..ومافي مكان للخدامة فيها ...بس فكرت ااجر شقة ثانية فيها غرفتين عسب يكون في مكان للخدامة بس مريت وشفت وحسيت انها بتخرب علينا حياتنا مافي خصوصية في الشقة ابدا..يعني لو انا وزوجي في الصاله راح تسمع كل سوالفنا وكل شي...وحتى لبسي لو كنت لابسة عاري بعد باضطر ان البس في حجرة النوم بس ...يعني الصاله لازم التزم فيها بلباس مستر..والشي الاهم ان وقت اللي راح اسير فيه الدوام بتكون هي بروحها مع البيبي مع زوجي وهالشي مخوفني وايد من الخيانة...فبضطر ان اشيلها مع البيبي لبيت ابوي..وانا راجعه من الدوام اشيلها
الحين تميت افكر وافكر........وقررت ان ما اييب بشكارة واشوف الامور كيف بتمشي...ومبدايا لقيت حضانة تستقبل اطفال بوشهرين وهي قريبة من دوامي يعني بعد اقدر اسير ارضع البيبي ان شاء الله ...
*
شو رايكم؟
في ناس ما ايدوا فكرتي وقالوا لازم ايب بشكارة..لان اقل شي احتاج حد ينظف لي الشقة....بس انا ما اشوفها شي ضروري....اقدر اييب بارت تايم ......وناس قالوا حتى يوم باجر بتنوين تروحين اي مكان تحتاجينها معاج اتشيل البيبي....احس ماله داعي بعد...يعني لو بروح صالون اقدر انزل البيبي بيت ابوي ويودونه لمدة ساعتين
ولا ان اييب وحده تخربلي بيتي
*
اريد اسمع اراءكم وتجاربك

المزيد من آخر المواضيع من نفس القسم:

• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات
• شورايكم بمركز تدبير
• خادمة فلبينية للتنازل
• نصائح هامة ومفيدة عند استقدام الخادمة