للمتزوجات فقط

**حرمة سيف** · 2012-04-15, 06:16

عزيَزاتي الـ : حريـَمْ بمـأ أنْ رمضان قرّب
ياليتَ ڪَل وحدّه عندها سؤآل تسأل المفتييَن مـِنْ ألحيَن
هالشي ڪَل سنة واتصالـآتڪَم ع البرامج فالنهار
لـأن ماتنبث آلـآ هالـأوقات والناسْ صآيمـَه , الاسئلـَه نفسهاَ نفسهاَ !
ماتظهر استفسارات الرومآنسيـَه وشغل الـ ( ..... ) إلـآ ف رمضان
ترى لـا نحّنْ ولـآ حتى المطوّع ناقصيَن } !!
الدولـَه مب مقصّرة مسويّه خط للفتاوي طول الوقت
وفي ارقام مفتيين ثقة ومعروفين ألحين ماشاء الله عندهم حسابات ف تويتر ومنتديات
ويردوون ع طوول ..
غير جي فتاوي بن عثيمين وبن باز رحمهم الله ف مواقعهم
ماضنيه ها اول رمضان فالكون يمر علينا !
او اول يوم تصومينه ف حياتج !
وإذ ها اول رمضان يمر عليج وانتي عروس وجاهله فالفتاوي
انشدي من ألحين مب تتريين رمضان عسبة تعرفين الحكم او شو تسوين !
تحسسون الواحد انه مايصوم غير فهالشهر ومايتثقف فهالامور غير فهالشهر
زين والـ 11 شهر الباجين وين راحو ؟
ماظن في حالات شاذة ويديدة فالساحة , لانها مواضيع معروفة 1 2 3 وانتهينا
ياليت محد يمحور الموضووع كالعادة أو يقول لاحياء فالدين و..الخ

ملاحظتي واضحة وماتعبر إلـآ عن رآيي ونفسي
لكم الحريه بتقبلها او رفضها =))
صباحكم خير وعسى الله يبلغنا هالشهر

المزيد من آخر المواضيع من نفس القسم:

**ملكة الاحاسيس** · 2012-04-15, 07:51

دام الاستفسارات مب ممنوعه في البرامج فمالنا خص في الناس والشي الثاني في اشخاص يثقون باراء بعض المفتين ولاتنسين فرق التوقيت حول العالم يعني منو يتصل بهالبرامج؟من خارج الدولة
والحمدللله على هالبرامج الي تفيد
في ناس ليومج مايعرفون طريقه غسل الجنابه

**انفاسک تذوبني** · 2012-04-15, 08:32

الأسئلة تتكرر كل رمضــــــــان عن هالموضوع !!

و ما تطلع الرومانسية إلا ف رمضـان !! خلو السنة كلها و حبكت ف هالشهــر !!

**كتكوتة حبيبي** · 2012-04-15, 09:23

دايما اشوف برامج دينية في رمضان
والاسئلة عادية ولو مر سؤال في الي الموضوع الي تطرينه يكون بنسبه قليلة جدا
يارب بلغنا رمضان مغفور دنبنا ومستور عيبنا يارب

**الأحلام الملونة** · 2012-04-15, 12:49

الله ينولنا صيام شهر رمضان ويغفر لنا ويرحمنا برحمتة الواسعة

**جمر بارد** · 2012-04-15, 12:53

هيه اكثر شي عن الزكاه

**Manar N** · 2012-04-15, 13:07

أنا معك...المشكلة الأسئلة في كل المواضيع تتكرر..كون الشخص يتابع برنامج معين المفروض عرف الفتاوى والأحكام لعدة حالات وبالتالي إذا مر نفس الموقف يعرف الإجابة، والمشكلة الأسئلة بأمور عامة ومعلومات عامة من أيام المدارس وليست حالات خاصة أو أشياء يبالها تحليل وتفكير وفتوى جديدة، يعني الإجابة في أي كتاب فتاوى للمشايخ المعروفين وما أكثرها

**ام حناني** · 2012-04-15, 13:10

صدقتي والله واسئله فضيعه بعد حتى الرياييل يتكلمون

صج صج عيب الي عندها سؤال اتدور في النت في وايد مواقع موثوقه والله يستر علينا

**ام حناني** · 2012-04-15, 13:11

صدقتي والله واسئله فضيعه بعد حتى الرياييل يتكلمون

صج صج عيب الي عندها سؤال اتدور في النت في وايد مواقع موثوقه والله يستر علينا

**حرمه يديده** · 2012-04-15, 16:12

ههههههههههههههه صدقج ...

**كتاب مفتوح** · 2012-04-15, 17:42

الله ينولنا صيام شهر رمضان ويغفر لنا ويرحمنا برحمتة الواسعة

**شمسة المرر** · 2012-04-15, 18:15

الله يبلغنا رمضان لافاقدين ولا مفقودين

**مس UAE** · 2012-04-15, 19:53

انا بصراحه واايد كنت اتابع برنامج كيف تتعامل مع الله يعني برنامج فن وابداع وروعه شوي عليه ..
بخصوص الاستفسارات في منها دوم تتكرر لانــ في اشياء بصراحه معروفه حتى موجوده ع موقع الفتاوي ...
قولي الحمدلله يا اختي ع الاقل الناس فيها خير تسأل وتستفسر احس ناااس يغلطون وع عماهم ما يكلفون يسألون او يبحثون ...

**لمارا333** · 2012-04-15, 22:40

هدي أعصابج حرمة سيف واشربي لمون , صرطي الحريمات فالمنتدى , رفقا بالقوارير , ضني زاغن ولا وحدة بتتجرأ تسأل بعد هالصرطة , ولا ضني حتى بتقرب من ريلها فالرمضان عشان ما تحصل هزبة منج,

نسولف عليج لا تزعلي منا تراني احب مواضيعج واردودج

**نقنوقة** · 2012-04-15, 23:04

مافيها شي يتفقهون في الدين حبيبتي

وكلن ومستواه الديني ^_^

الموضوع: للمتزوجات فقط

أدوات الموضوع

عرض