احذروا هذه الشركة ..

[عصفورة الورد]

السلام عليكم و رحمه الله و بركاته

أخواتي العزيزات , أنا صارلي زمان ما دخلت تقريبا شي سنتين بسبب ظروف عائلية واليوم أول يوم بعد السنتين اللي ادخل فيه وطبعا انا دخلت لاحذركم من فخ قد وقعت فيه انا و ما ابى وحدة منكم لا سمح الله انها توقع فيه

في شركة مكنســـة كهربائية اسمها ( كيربي ) ( Kirby ) وهاي المكنسة للفرش .. يوم اتيي الشركة بيتكم تقنعكم بشراء المكنسة بطريقة مغرية .. وسعرها تقريبا 10000 درهم .. و يجربوها جدامك عشان تتأكدين منها .. و يعطوكي العقد عشان تشتروها و تدفعون اول دفعة ..

زوجي قرأ العقد لكن ما أكد فيه وايد .. وهني الكارثة ... لأننا حسينا انها وايد غالية وما نباها أحين لأننا ما نستعملها وايد ...
فبعد يومين قررنا نرجعها .. فقالولنا إنه لازم ندفع شرط جزائي 4000 درهم وهالشي كان مكتوب فالعقد ..

طبعا صح انه في حق علينا اننا ما قرينا العقد .. بس طبعا مب ندفع 4000 على ولا شي ..

حبيت بس اني احذركم من هالشي و ان شاء الله تكون معلومة مفيدة

صورة للمكنسة :

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

[ام حور]

اصلا سعرها لاالاصلي بين 4 و5 الالاف الناس نصابة

[b7o0or]

صح انزين هذيلا نصابين اصلا من زمان يدورون لبيوت عشان يقصون عالناس الي مايعرفون مساكين

طبعا هالشركه (اول شي اييج واحد ويقولج خذي هالكوبون بس لاغير وسجلي رقمج في حال انج ربحتي ويانا بنتصلكم ويروح عنج بالباجر يتصلون عليج واله احنا شركة كذا وربحتي ويانا انه انظف لج اي شي تبين فالبيت ببلاش وطبعا يقنعج انه ايي جنه غصبن عنج ويقولج بس بالكثيرربع سااعه بنظف وبروح

بس خليه يوصل والله تم عندنا ثلاث ساعات يالس يقنع امي انها تشتري المكينه بس زين اني نزلت له وطبعا ماسويت له سالفه هزبته بس باحترام ههههه

وعقب قال خلاص اذا ماتبونها بس خذوا رقمي في حال غيرتوا رايكم قتله زين زين يالله ورانا اشغاال مب فاضين .. وين يبا مكينة تنظيف عشرة آلاف

هالعشرة بأثث فيهم غرفة كاامله بكل مستلزماتها واقدراخليها نظيفه بدون مكينتهم المزعجه صوتها عاااالي


عفــــــــوا اسمحولي طولت عليكم بس حبيت انبهكم خواتي

[قلبي من ألماس]

ابوي بعد خذ مكينة بس مب كيربي وحدة ثانية ..

ومثل ما قالوا الخوات .. يا وانا كنت موجودة .. عاد ابوي كان ماخذنها ومخلص .. بس هم يايين البيت يعلمون البشاكير اونه على طريقتها .. والبشكارة اللي تعلمت عليها سافرت ههههههههه والثانية عيازة .. ومول ما يستعلمونها الحين ..

واتصل فيني واحد من كمن يوم .. اونه حد عاطنه رقمي .. وانه يبا يسوي لي دعاية عن مكينة رينبو .. وتم يرمس ويرمس .. قلت له يابوي انا ساكنة فالغربية .. ههههههههه يحليله انصدم وقال خلاص اذا فضيتي خليني اكلمج فالتلفون اشرح لج خخخخخ .. وعاد بيبطي لين ما اتصل ..

هاييل شغالين نصب .. ولو ان المكاين اللي يسوون لها دعاية ممكن تكون فنانة .. لكن سعرها فعلا اوفر ..

[قارورة العسل]

الله المستعان