تسكنين ؟؟؟؟؟

**لا تسافر** · 2012-04-12, 09:47

المشاركة الأصلية كتبت بواسطة اسيرت شوق

مع الاثنين يعني بداية الحياة الزوجية افضل انكون عند الاهل لانهم يتحملون جزء من المسئولية عنا بس اكيد الموضوع ما يخلى من المشاكل والتدخلات الي مالها لزمه بس على الاقل يعتبر كورس تاهيل للحياة الزوجية خخخخ
الحياة ببيت مستقل احلى واريح بس عاد مسئولية انت تكون في الواجها يعني كل شي له اجابيات وسلبيات

**الأحلام الملونة** · 2012-04-12, 09:50

مهما كانوا اهل الزوج ممتازين

يبقي بنفس كل بنت السكن بروحها لتمارس حياة جديدة مستقلة وتأخذا راحتها ولتخفيف المشاكل

لكن أكيد الظروف هي اللي تحكم

الله يرزق كل الصبايا زوج صالح وحياة مستقرة

**هماليل** · 2012-04-12, 10:42

مع احترامي لأهله
أفضّل أسكن بروحي
لأن كل وحده ولها خصوصياتها ولازم تاخذ راحتها في بيتها ومع زوجها
والحمد لله أنا وزوجي متفقين من البدايه يكون لنا سكن بروحنا
خاصة إني من إمارة وهو من إمارة ثانيه
وخذينا سكن مكان دواماتنا نحن الاثنين
بالعكس
أنا أشوف السكن بعيد عن الأهل له جوانب إيجابيه وايده
1. يقلل من المشاكل والمشاحنات لأقل الأسباب.
2. يزيد المحبه والشوق.
3. تربية الأبناء بالطريقة اللي يشوفها الأم والأب لأن بعض الأهل لهم طرق وحابين يربون حفيدهم بطريقتهم (تقاليد مال أول).

**بنت خورفكان 3** · 2012-04-12, 11:00

انا متزوجه
وساكنه بشقه وننتظر يخلص البيت
اكيد بيت بروحي لانه بيكون لي انا اتحكم به يعني سيدة
البيت
لان بيت اهل زوجي عمتي لها الامر والنهي
لانه بيتها ومستحيل اخرب نظامها اللي ماشيه عليه
من سنين

**نبض الصحاري** · 2012-04-12, 11:17

انا الحمدالله خيرت قبل العرس واخترت اسكن مع اهل زوجي.. والحمدالله مرتاحه اكثر لو كنت بيت روحي.. خص ان زوجي الكبير بالبيت

**راعية مواجيب** · 2012-04-12, 11:24

على حسب الظروف
انا اول سكنت مع اهله الحين في بيت بروحي عدالي بيت اهله

**!baby_face!** · 2012-04-12, 12:06

عآدي عندي في كل الحآلتين وعلى حسب ظروف الزوج ,,^^

انا حاليا ساكنه بشقة بروحي عشان ظروف الدراسة ,, وبالصيف راح انتقل واعيش عند أهل ريلي ,, بسبب الظروف بعد

والحمد الله أهو آخر عنقود يعني الكل معرس ومحد في بيت اهل ريلي غير عمي وعمتي ,, ف أكيد راح يستانسون بوجودنا ^^

وبالأخير محد يتم في بيت اهل الزوج ,, الواحد يوم يصير عنده عيال يفكر في بيت مستقل والحمد الله حكومتنا مب مقصره من هالناحية ^^

**ميمونة123** · 2012-04-12, 14:02

المشاركة الأصلية كتبت بواسطة سوالف بحر

ماشاء الله عليج ميمونة وربنا يعطيج على قد نيتج قليل من الناس تقدر هالشي بارك الله فيج

انا ماجربت لكن لو كان ووضعت في موقف الاختيار رايي من راي ميمونة اكيد

مشكورررررررررة حبيبتي الرائعة للطرح

فديتج أخجلتِ تواضعي ، عسى ربي يحفظج ، واستانست واااااااايد على ردج ودعواتج الطيبة شراتج
لج مني هالورد

**ميمونة123** · 2012-04-12, 14:05

المشاركة الأصلية كتبت بواسطة فديت عقالك

ياسلام على الذوق والاخلاق والطيبة

اخيتي ميمونة الحبوبة الله يرزقج بزوج حبوب ومقتدر ويحقق لج امنياتج

واختيتي سوالف البحر الحلوة تسلمين ياحلوتي على ردج

حياكم

يارب الله يسمع منج ولا تنسي كثري من هالدعاء لي بالسجود ، لج مني هالورد

**الجازي 90** · 2012-04-12, 14:12

الحمدلله انا ساكنه مع اهل ريلي والحمدلله ما يقصرون ف اي فديتهم ..
وغير جي بما اني ما عرف اطبخ ف اتعلمت منهم الطبخ والحين يعني نص نص لوول..
واذا عن المشاكل ف انا ابتعد كل البعد وحتى اذا حد سال رايي ف مشكله ولا شي .. اقولهم اسمحولي انا ما يخصني ولا ماعرف ..
و ان شاء الله اذا الله رزقنا بالذرية بنظهر ان شاء الله .. و ع قولت الاخت كورس تأهيلي هههه

مشكوره ع الطرح الرائع الغاليه .. ربي يعافيج

**فديت عقالك** · 2012-04-12, 16:34

كل الشكر والتقدير لكل من تركت عطرا رائعا في موضوعي

وابدت رايها بخصوص السكن

وبجد اعجبتني الردود واسلوب تفكير البنات ماشاءالله

الله يحفظكم جميعا حبيباتي

والف شكر للحبوبة الامورة ميمونة تسلمين ياحبيبتي على الورد
وهذه مني لكم احلى شيكولا

**ملاآك قلبكـ،،** · 2012-04-12, 17:14

المشاركة الأصلية كتبت بواسطة ميمونة123

صراحة أنا أحب أراعي ظروف الزوج لو مب بمقدرته يظهر في بيت حقنا عادي وياي ولو كانت ظروفه ما تسمح ولاسيما لو كان وحيد أمه وأبوه طبعا صعبة يفارقهم وأكيد أنا مع قراره ولو سألتي ليش أنا إنسانة تقدر ظروف الغير رغم إني بعدني مب متزوجة!

نفس الشي

**فديت عقالك** · 2012-04-12, 17:44

مشكوووووووووووووورة

**رؤوس الجبال** · 2012-04-12, 21:18

طبعا احب اكون بيت مستقل عسب آخذ راحتي ولو ان اهل ريلي ما بقصرون فينا بس مهما طاحت الميانة بينا مستحييييل آخذ راحتي الا بيتي يعطيج العافية

**رؤوس الجبال** · 2012-04-12, 21:23

طبعا احب اكون بيت مستقل عسب آخذ راحتي ولو ان اهل ريلي ما بقصرون فينا بس مهما طاحت الميانة بينا مستحييييل آخذ راحتي الا بيتي يعطيج العافية

الموضوع: تسكنين ؟؟؟؟؟

أدوات الموضوع

عرض

المواضيع المتشابهه

اذا خيروج بين انج تسكنين في خليفة أ او بين الجسرين ؟ شو بتختارين؟

ما ودج تسكنين هالعمارة؟؟؟؟؟؟؟؟