ماذا افعل مع زوجة اخي ؟؟؟

**الوفاء1** · 2012-04-10, 00:47

السلام عليكم اخواتي .. هذه اول مشاركة لي في المنتدى واتمنى تساعدوني في مشكلة اخت زوجي وتصميم غرفة لها هي الله يسلمكم مطلقة وعندها بنت وتعيش عند والدها وزوجته وامها متوفيه وطليقها لا يصرف عليها وبنتها تعيش معها ومعاملة زوجة ابيها سيئه جدا الله يسامحها حتى والدها قاسي جدا عليها انا عرضت عليها تسكن عندي انا بيتي دور ورفضت تقول ماتبي تثقل على احد بس والله اني ابي اكسب الاجر فيها وفي بنتها لان الحياة عند والدها وزوجته لا تطاق ومستحيل اندم على قراري وزوجي موافق للفكرة لانها مسكينة وهادئة وتستاهل المعاملة الكريمة افتكرت وحده من الاخوات كتبت في احد المنتديات قصة مشابهه وقلت خليني اعرض عليها غرفة بالسطح مع حمامها في بيتي مااستخدمها وتسكن فيها هي وبنتها وتكون مرتاحة ومستقله في حياتها انا بيتي شعبي ومكون من دور وعندي غرفة بالسطح وممكن اعدلها لها حسب ميزانيتي شورو علي شو اسوي فيها انا افكر بمطبخ صغير مع غرفة نوم معقولة لاني اذا قلت لها تستخدم مطبخي اكيد بترفض الفكرة فحبيت اعرض عليكم هل استشيرها في الاول او اسوي الغرفة بعدين اقولها لاني لو قلت لها قبل لا اسوي الغرفة اتوقع بترفض لانها عارفة ظروفنا وماتبي تكلف علينا بس انا ممكن اوفر مبلغ بسيط واتوقع ان شاء الله بيكفي للغرفة ابيكم تساعدوني في التالي : 1- هل اقولها قبل او بعد ماأغير الغرفة
2- هل وجود المطبخ في الغرفة فكرة معقولة وهل اعمل فاصل خشب بينه وبين غرفة النوم ام الغرفة ستضيق ارجو الاقتراح

المزيد من آخر المواضيع من نفس القسم:

**احلى الايام** · 2012-04-10, 11:23

جزاك الله الف خير

بس المطبخ يكون فالغرفة صعبة شوي الا اذا كان مطبخ تحضيري يعني مايكون فيه طبخ اكلات وهالاشياء واذا كان فيه مساحة عالسطح سويلها مطبخ صغير ماعتقد بيكلف وايد

والله يقدرج على فعل الخير وانشالله تستانس بلي بتسوينه حقها بس يفضل تسوينه وتخبرينها لان احتمال ترفض وقوليلها انج حابه انها تونسج فالبيت وتعيشين معاها وتتربى البنت بينكم بس اهم شي مايجي يوم وتقوليلها انها ثقلت عليج او تضايقتي من وجودها لان في ناس يفرحون فالبداية بس بعدين يحسون الشخص ثقيل ومنغص عليهم حياتهم

وبالتوفيق

**hanoOOody** · 2012-04-10, 11:37

والله ما اعرف كيف اشور عليج
بس ان شاء الله حد يعرف فهالامور يشور عليج بشي يريحج
والله يجزيج كل خير ان شاء الله ع هالمبادرة الطيبه

**أم خالد الحلو** · 2012-04-10, 11:46

هلا حبيبتي
يزاج الله خير وفي ميزان حسناتج ان شاء الله
توكلي على الله وسوي الغرفة بدون ما تشاوريها .. لانج مثل ما قلتي أكيد بترفض .. لانها تخاف تثقل عليكم

بس أهم شي تأكدي هل أبوها بخليها تطلع من عندهم وتروح عندكم أو لا

والله ييسر عليج مثل ما يسرتي لها ^_^

**الوفاء1** · 2012-04-10, 18:34

جزيتم خيرا

**الوفاء1** · 2012-04-10, 18:35

المشاركة الأصلية كتبت بواسطة احلى الايام

جزاك الله الف خير

بس المطبخ يكون فالغرفة صعبة شوي الا اذا كان مطبخ تحضيري يعني مايكون فيه طبخ اكلات وهالاشياء واذا كان فيه مساحة عالسطح سويلها مطبخ صغير ماعتقد بيكلف وايد

والله يقدرج على فعل الخير وانشالله تستانس بلي بتسوينه حقها بس يفضل تسوينه وتخبرينها لان احتمال ترفض وقوليلها انج حابه انها تونسج فالبيت وتعيشين معاها وتتربى البنت بينكم بس اهم شي مايجي يوم وتقوليلها انها ثقلت عليج او تضايقتي من وجودها لان في ناس يفرحون فالبداية بس بعدين يحسون الشخص ثقيل ومنغص عليهم حياتهم

وبالتوفيق

تسلمين اختي انا عندي مساحة بالسطح بس ابدا مااقدر ابني انا افكر بمطبخ صغير هذا الي اقدر عليه وانا فعلا مترددة اخبرها اول او لا ومستحيل يجي يوم واتراجع لاني فعلا اعزها وهي بنت طيبة

**الوفاء1** · 2012-04-10, 18:36

المشاركة الأصلية كتبت بواسطة hanoOOody

والله ما اعرف كيف اشور عليج
بس ان شاء الله حد يعرف فهالامور يشور عليج بشي يريحج
والله يجزيج كل خير ان شاء الله ع هالمبادرة الطيبه

مشكووووورة

**شيخه29** · 2012-04-10, 18:38

سبحان الله وبحمده سبحان الله العظيم

**الوفاء1** · 2012-04-10, 18:38

المشاركة الأصلية كتبت بواسطة أم خالد الحلو

هلا حبيبتي
يزاج الله خير وفي ميزان حسناتج ان شاء الله
توكلي على الله وسوي الغرفة بدون ما تشاوريها .. لانج مثل ما قلتي أكيد بترفض .. لانها تخاف تثقل عليكم

بس أهم شي تأكدي هل أبوها بخليها تطلع من عندهم وتروح عندكم أو لا

والله ييسر عليج مثل ما يسرتي لها ^_^

ابوها اكيد بوافق لان زوجته مابتصدق والله يجزاج كل خير

**سيكولوجيست** · 2012-04-10, 21:34

الله يسخر لك ملائكة السماء وجنود الارض ويرزقك من حيث لاتحتسبين ولاتعلمين حتشوفي بحول الله وقوته مانويتي وعملتي من خير في نفسك واسأل الله ان يجعل عملك خالصا له
اقترح عليك تشاورينها وتقولين لها انك تبين قربها وأنها تستأهل العشرة الطيبة
وانك بتظبطي الغرفة بحسب امكاناتك عشان ترفعي الحرج عنها وتعرف مسبقا انها بتعيش عندك وممكن تقولين لها متى ماالله أراد ويسر لك تطلعي من البيت او تختاري الي تبيه
فصل المطبخ افضل ولكن مكلف اعملي مطبخ تحضيري صغير وبينهم ساتر اقل تكلفة

**الوفاء1** · 2012-04-10, 23:01

المشاركة الأصلية كتبت بواسطة سيكولوجيست

الله يسخر لك ملائكة السماء وجنود الارض ويرزقك من حيث لاتحتسبين ولاتعلمين حتشوفي بحول الله وقوته مانويتي وعملتي من خير في نفسك واسأل الله ان يجعل عملك خالصا له
اقترح عليك تشاورينها وتقولين لها انك تبين قربها وأنها تستأهل العشرة الطيبة
وانك بتظبطي الغرفة بحسب امكاناتك عشان ترفعي الحرج عنها وتعرف مسبقا انها بتعيش عندك وممكن تقولين لها متى ماالله أراد ويسر لك تطلعي من البيت او تختاري الي تبيه
فصل المطبخ افضل ولكن مكلف اعملي مطبخ تحضيري صغير وبينهم ساتر اقل تكلفة

مشكورة اختي على كلامك الطيب وفعلا انا افكر اقولها في الاول لاني ببيع ذهبي بدون ماتدري لتجهيز الغرفة وبقولها ان الفلوس من اخوها اخاف اجهز الغرفة وماترضى رغم اني حاسه فيها تبي الفكة من بيت ابوها افكر اقترح عليها الغرفة ومااقولها اني بجهزها بعدين اجهزها بعد ماتوافق .. صح فصل المطبخ احسن بس مافي امكانية مافي حل الا المطبخ التحضيري بس مش عارفة الساتر يكون خشب او المنيوم او شئ اخر

***وردة بيضاء*** · 2012-04-12, 14:01

يزاج الله خير

**الوفاء1** · 2012-04-13, 23:12

المشاركة الأصلية كتبت بواسطة *وردة بيضاء*

يزاج الله خير

مشكورة اختي

**معاك احلى** · 2012-04-14, 02:27

تدرين اختي انه الساعي على المرأه واعيالها اجرها عظيم عند الله من رائي خذي رايها بالاول بس قولي لها انج بتعطينها غرفة بالسطح بس بدون ذكر انج بتسوين مطبخ صغيرون علشان لا تنحرج او تتحسس لانها لو وافقت على مبدء السكن عندج فالموضوع جدااااااااااا سهل والله يوفقجت ان شاء الله
وبيني وبينج احسن تسوين لها مطبخ خاص فيها مع العشره كل واحد له متطلباته الخاصه ودام كل واحد عارف من البدايه اغراضه ومستلزمات الخاصه خلاص ما راح يتعدى على الاخرين ولا راح يرتبط فيه

**مس UAE** · 2012-04-14, 19:32

الغاليه يزاج الله خير ع فعل الخير في ميزان حسناتج ..
جهزي الغرفه اهم شي تكون مجهزة بفراش نظيف حتى لو اثاث بسيط يكفيها هي وبنتها ..وحطو لها تلفزيون تاخذ راحتها اكثر في غرفتها ...بالنسبه للمطبخ ..لا تسوين ...حطي لها ثلاجه صغيره ...وطاوله صغيره عليها غلايه مااي ..وفي يبيعون هل الاجهزه الكهربائيه الي تقدرين تطبخين عليها بدون غاز ..بس بالكهرباء ...هي ما بتطبخ واايد بس تحتاج هل الجهاز في حاله طبخت عيش او شوربه لها ولبنتها ...وبس ..حتى لو مب طاوله يكون خزانه فيها كوبين ماي ..وكوبين جاي ...و4 صحون ..وملاعق ...يعني اشياء بسيطه جدا انتي ممكن عندج زياده في مطبخج تقدرين تحطينها ...والله يوفقج ...خلي اخوها يقنعها ...بترضى ..لين الله يفرجها عليها ..

الموضوع: ماذا افعل مع زوجة اخي ؟؟؟

أدوات الموضوع

عرض

ماذا افعل مع زوجة اخي ؟؟؟

المزيد من آخر المواضيع من نفس القسم:

المواضيع المتشابهه

ماذا علي ان افعل ( اول شهر في الحمل )

ماذا افعل باطفالى

ماذا افعل........

ماذا افعل؟؟؟؟؟؟؟؟؟؟؟؟؟؟؟؟؟؟؟